المساعد الشخصي الرقمي

مشاهدة النسخة كاملة : ديوان الشاعر قاسم يوسف صالح بن علي عطّاف


المحبوش
16-01-2009, 10:37 PM
يسرني ان اخصص هذا الديوان للاخ الشاعر
قاسم يوسف صالح بن علي عطّاف

وعلى بركة الله نبداء





بدع من كلمات الشاعر قاسم يوسف صالح ((ابوأسمهان))
وهي مرسله للشاعر الكبير احمد حسين بن عسكر

تبدينا بمن حاز الكمالي=عظيم الشأن نبدع فيه بسمال
بذي كوّن نجومه والهلالي=وشمساً شارقه شعّه واطلال
وهوه حاكم ووالي كل والي=مفاتيح العُقد بيده ولقفال
فلا قبله احد اول وتالي=وغير الله بُعث فاني وزوال
يقول الداعري باعدّ حالي=وقم ياشيمران الجو بالحال
مساء الاحد على الله الاتكالي=وتبداء من شيكاجو بالترحال
على عمّان رحله انتقالي=بها ساعات تنظر للتحوّال
وتابع رحلتك نصف الليالي=الى ارض اليمن قصدي بلقوال
عدن تهبط وبالفجر الوصالي=وفيها تطرح احمالك ولثقال
عدن شمسان به شامخ وعالي=وبه صيره لها تاريخ فعال
طبيعي خلق ربي ذوالجلالي=سواحل ما لها بالكون امثال
كاسطوره تبناها الجمالي=عماد الروح اليها القلب ميّال
فديت ارضه واكوام الرمالي=وبحره ذي احتضن ارضه ولجبال
وبعد طير رحله ع الجبالي=الى يافع حمومه ارض لقبال
بها تبحث نحوره والتلالي=على بن عسكر احمد بين لحقال
حقول البُن وانواع الحوالي=بتشرب من سواقيها ولرسال
تحيه له ومن عنده حلالي=لشاعر ذو صله عنده وإيصال
اريد اتخبره وثني سؤالي=على الحضّار كيف الوضع والحال
بشوف الوضع محرج في خيالي=وقد غيّر وعقّد كل لآمال
نظامه ذي تركّب ع الظلالي=ركائز قائمه ذو فُسد وأبطال
ادات الويل قادتنا الرقالي=سرق ثرواث من يمنه واشمال
فلا فارق جنوبي او شمالي=سوى تعدوا عليها بطش وذلال
فباعوا العهد ذي ادو بالريالي=واتعدوا حدود الله وما قال
بأسم الله بيبدع لو حكالي=وله خنجر خفي قاطع واصقال
فهل مُرتد عن دينه يبالي؟=وهل يوماً تأنب قلب مُحتال؟
في الجودات تقتاس الرجالي=ولا تقتاس يوماً قط بالمال
ولابجسامهم عرض او طوالي=او البدلات كرفته وسروال
ولا الرُتبه طلع اعلاء المعالي=ولكن في مواقفهم ولفعال
فكم نصبر نزيف الجُرح طالي=وخاف الجُرح متجرثم وقتال
فيا تاريخ لجيال الطوالي=مدى خمسين عاماً عد لسجال
واكتب في سطورك للتوالي=قروناً آتيه تاريخ واجيال
حساب الظُلم وارد لا محالي=وان الوقت بين الناس دوّال
فيوماً له ويوماً لو اتالي=وكسر القيد يتحقق ولو طال
بهذا القدر اختم في مقالي=بمن يشفع لنا يوم التحوّال
عليه آلاف ما أذّن بلالي=وما القارئ بدع بالله بسمال[/QUOTE]












جواب الشاعر القدير احمد حسين بن عسكر

بأسم الله ابدأ في مقالي=له اتقرّب في اقوالي ولعمال
سجودي له بظلمات الليالي=تُقّرب له وتعظيماً واجلال
وفي رزقي وشغلي وانشغالي=على الله اعتمادي والتوكال
وهو علاّم يعلم ما بحالي=وعالم كلما يخطر على البال
وانا ما اطمع سوى في ستر حالي=رجائي يا الاهي تستر الحال
واطمع في سكن فردوس عالي=مع طه النبي والصُحب والآل
صلاة الله على بدر الكمالي=محمد ماتلوا طه ولنفال
وبعد الآن حيا ضيف غالي=عدد ما امساء المطر والسيل سيال
بقاسم يوسف أرحب ياحلالي=ويالبُن الذي سارد بلذوال
رجل معروف من عز الرجالي=وفيه اهل القعيطي تظرب امثال
وشاعر بالسماء نجمه يلالي=وماهر لوغطس بالبحر او جال
وصل عندي ووجه لي سؤالي=ويتخبر على الاوضاع والحال
وقله وضعنا يبن الحلالي=بيتقلب ويتبدل تبدال
يجرعني صبر واحيان حالي= ويخلط لي عسل والمُر بالحال
وغالطني بسمني بالاهالي=وانا قدنا قبيلي صرت قبال
وفي وسط الخلاء ضاعت جمالي=وتاهت واصبحت من دون جمّال
ومعها ضاع في وسط الرمالي=علاويها ومافيها من احمال
ولا اتمنيت يرجع رأس مالي=من الطنين ماروحت مثقال
ومن كلمة جنوبي او شمالي=بسد أذني ولا اسمع قيل او قال
قفاء ما قلت أذّن يابلالي=وصلي ياحفيد اروى وآزال
برغم انه بحالي مايبالي=رماني سابني في سلّة اهمال
إذا طالبت في حقي حلالي=يقول انت انفصالي وانت بطال
وانا الوحده اراها رأسمالي=كفاني لوخسرت الحق والمال
ومالي من كلام الناس مالي=اذا هم يحسبوها لعبة اطفال
ومن يدخل وسكّر بالقفالي=مفاتيحه مع غيره ولقفال
على الظامي بعد عذب الزُلالي=ولا بايطلع الماء قصر لحبال
وحين آشوف واحبالي طوالي=حياني بأخذه من دون زمال
ولكن ما رسمته في خيالي=وماكنت آمله بالغيب لازال
قفاء الآمال باشد الرحالي=وطول المرحله تشتي ترحال
عيوني ذي تظللها سبالي=وماحافظ عليها غير لسبال
وبن يوسف بدع لي بالمقالي=وانا فصلت له لخبار فصّال
وصل الله على بدر الكمالي=محمد ماتلوا طه ولنفال [/quote][/quote]

المحبوش
16-01-2009, 10:40 PM
قصيده من كلمات الشاعر قاسم يوسف صالح ابوأسمهان
وهي مرسله الى الشاعر الكبير الشيخ احمد عبدربه المعمري ابويافع

يا عازم الليله توكل ورحل = امسك بحبل الله والتزامه
بالفجر بكّر يا رسولي وعجل = ترافقك لفراح والسلامه
يا مرسلي هذا كتابي تحمل = به بصمتي والختم والعلامه
الى ازآل ابيات شعري توصل = ذي للوفا تاريخ والكرامه
سلام يا صنعاء ترابك يشمل = ويشمل الاجيال ذي بك دامه
صنعاء وفيه ذات دربأ مقفل = الله يرحم بانيه ذي قامه
صنعاء حوت اسرار فيها نجهل = قد ثبت التاريخ فيها اقدامه
ايضأ بنة تاريخ ربي يجعل = تاريخها الشامخ تعاد ايامه
اقراء عن الماضي وماذا يحمل = ما سجل التاريخ في اقلامه
اقصد عن الماضي القديم الاول = قبل النظام المرتشي وألآمه
وقبل وحدتنا جنة ما نامل = وقبل الاستعمار والامامه
قال القعيطي عد قوله وجمل = يظرب بقيفانه عقد حسامه
اذا نطق او قال ما يتبدل = معياره الرابح وفا كلامه
يا مرسلي بسفاح صنعا اتجول = خذ راحتك والوقت له محتامه
وانزل حواريها تخبر وسال = عن صاحباً لي بالادب علأمه
المعمري يا خير من يستقبل = ذي للكرم مقدام والشهامه
تسلمه خطي وسعفه برسل = من الشذا والفُل والخزامه
تحية ً له مالحمامي ازجل = وناح من صدره ورد انغامه
اتخبرك يا معمري وتامل = برد واضح ع اليمن وعلامه
وضح برايك مالنهايه والحل = في رد مقنع وترك المنجامه
الامر واضح عاد لا يتقبل = الا بقولك تعترف باجرامه
ما رايكم من ما ترونه يحصل = هل الجمل والحمل للخطامه
خلاص من يحكم فلا يتبدل = إلاّ بحربً داميه واعدامه
فين الدمقراطيه ذي تتنقل = عبر الصحف والراديو واعلامه
الكذب والترويق به يتزمل = ما يوم نفذ حكم ع الظلأمه
اعما ومتمسك بها او احول = شعب اليمن بيدور في دوامه
لا بد من ذا الوضع ان يتعدل = ويشع نور الفجر في اسهامه
ويسير شعباً متحد يتامل = من خلف قائد عادلاً باحكامه
ينعم ثقت رائد وفاه اتحمل = نظام ذي لا قال قومي قامه
يقطع يد السارق ومن يتبطل = في مال ما نبصر سوا ارقامه
وايبتني التاريخ والمستقبل = لشعب راحة بالفنا احلامه
واتنتهي ايام جزار اشول = بالبسط والسرقه قضى ايامه
ارض اليمن تاريخها يتسجل = انظرالاالتاريخ منذو اقداامه
ما خافهم يوماً به أنتحول = يوماً نحأسب فيه بالقيامه
انهي مقالي والرجاء لا تزعل = يا صاحبي مانت الذي نلتامه
ختامها طه الحبيب المرسل = على محمد عزته واكرامه

جواب الشاعر الكبير الشيخ احمد عبدربه المعمري ابويافع
على الشاعر قاسم يوسف صالح الداعري ابو اسمهان

يالله تجعل ما عسر يتسهل=سالك بشهر الصوم ومن لك صامه
وبفضل آيات الكتاب المنزل=للعبد حقق ما قصده ورامه
يا من لك العبد الضعيف يتوسل=في جوف ليلاً حالكي بظلامه
يا من لتوبت من يتوب لك تقبل =والامر لك بدايته وختامه
يا مرحبا ما كل وادي سيّل=بضيف غالي في القلوب مقامه
وازن ثمر والعُر لمّا عرهل=يسمع به المحبوش وآبوشامه
بن يوسف الصاحب هلا ومسهل=شقر على راسي وعالعمامه
ذي في سمرنا نذكره والمقيل=ومن للصحاب يولي اهتمامه
بيت الكرم معروف ما بيبخل=والجيد دايم ما انحنت له هامه
إياك في مدح الكريم ان تخجل=ماشي بها فسله ولا ملامه
واهل الكرم تاريخهم مسجل=بعكس اهل البخل واللآمه
والله بالاجواد قد تكفل=حب الكريم وزاد في إكرامه
وبعد يالهاجس معانا اتجمل=من اجل قاسم واجب احترامه
رجّع جواب البدع ذي لي ارسل=مع تحيات صاحبه وسلامه
وشكر صنعاء ذي بها يتغزل=ذي فاتحه ابوابها أمامه
ودربها ما كان يوماً مُقفل=يا ما بها الساهر هني بمنامه
ومن سكنها ما قنع يوم او مل=منها وتحلا له بها الاقامه
ولا بها احلا منها ولا اجمل=الغيد فيها فارعي بقوامه
امّا المواضيع ذي ذكر واتفضل=فيه انتقاده للخطا واتهامه
انا معه في ما شرح واتناول=والصدق من قاله عليا ادعامه
ما دام قال الحق منه ما ازعل=يطلق على اوكار الفساد بسهامه
ما للجدال بيني وبينه مدخل=من با يجادل والغلط قدامه
والاعتراف حلمك عليا اتمهل=انا قريب من شولته وافرامه
ورغم ذا ما خاف مثلي او ذل=من ساند الآثم شريك آثامه
خلاّ عديم المعرفه يتمعقل=وتفهم اخجف يتعبك فهّامه
قدك بنعمه حيث ما انته تعمل=سالي ومرتاح في بلد اوبامه
وحنا المتاعب والهموم أثقل=من الجبال اللي على تهامه
ما باك تتشآئم زياده والحل=آتي وبعد الكربه ابتسامه
لجل الوطن لابد ما نتحمل=لأن لعداء قصدهم قسّامه
ونعود كما كنا فرق نتقاتل=كل المصايب من وراء اقزامه
وبيننا والبين نرجع صومل=ويصرخ المظلوم واسلامه
لكن على شانه جميعاً نعمل=ووحدته هي عزته ووسامه
شفها عصابه للاراضي والشل=حض المقرَّب واخوته واعمامه
ذي ما تبدّل حسب قولك ما هل=يكسب ذنوب خله يشل اعوامه
قريب تبصر عرشهم يتزلزل=والظلم ينهي سلطته ونظامه
ومثل ذي قبله رحل با يرحل=لا جآه لا منصب ولا زعامه
مع القدر مهما يحاول يفشل=لا حسرته تنفع ولا الندامه
وكل من روَّج لهم او طبََّل=بطانته والشلّه النمامه
ابو محمد بالمشفّع كمَّل=رده.. صلاة الله عليه وسلامه
ما كل قارى للكتاب قد رتل=وزال شكه بالصلاه واوهامه[/

المحبوش
16-01-2009, 10:48 PM
قصيده من كلمات الشاعر/احمد حسين بن عسكر
وهي بمناسبة الذكرى السابعه لاحداث الحادي عشر من سبتمبر

يوم الحدعشر شهر سبتمبر على العالم ظهر=في عامه السابع ونار الحرب تشعل والدمار
والبيت الابيض ذي بداء بأشعال ناره والشرر=ماعاد في يدّه لوقف الحرب ذي فجّر قرار
إغتر بوش الأبن يحسبها ليالي وانتصر=أوشهر أوشهرين لوطالة ويعقبها انتصار
هذا الذي خطط له اللوبي وسهّل واختصر=ورامسفلد أيّد وتشيني قال هذا افضل خيار
قال العراق اسبوع حتى الوضع يهدأ واستقر=وبعدها نزحف لمن هم في يمينه واليسار
إتجاهل التاريخ ماعنده من الماضي خبر=وفكّر ان الغزو بايحضى باستقبال حار
بالورد باتفرش طريقه والشوارع والممر=ذا حسب ماخطط له اللوبي بكذبه والبوار
وقالوا اذنابه طريقك صالحه بحراً وبر=ماكان يعرف ان عزرائيل له بالانتظار
ايضاً ولافكّر بأنه سوف يحرق في سقر=وباترى عينه نجوم الليل في وضح النهار
أما عن الافغان قال الحرب نُزهه في سمر=في شهر اوشهرين يحتل المناطق والديار
لوكان هو من روسيا وانجلترا خذ له عبر=ماكان يتسرع بشن الحرب اوقامر قمار
حقده على الاسلام قد اعماء فؤاده والبصر=وساقته لقدار للهاويه نحو الانتحار
ونشره الفوضه واشعال الفتن بين البشر=ضاعف من ارهاق اقتصاده وابتداء بالانهيار
في حين ماله ند لما شاف وان رأسه كبر=يسعى لهيمنته على العالم وفرض الاحتكار
بل انما بعد الفشل بالحرب حبله قد قصر=هذا الذي بايجبره من اجل تغيير المسار
سبعه من الاعوام والناتو محاصر بالمقر=وفي قواعدهم عليهم زاد واشتد الحصار
واصبح جنوده والمواقع كلها تحت الخطر=وكل ما تخرج قوافلهم يفاجئها انفجار
والسيطره صارت لجُند الشيخ والملّا عُمر=تكمن وتترصد وتتصدا لهم مثل النمار
حتى اصبح الناتو بقواته يفكّر بالمفر=يخُرج بماء الوجه قبل ان يلحقه خزياً وعار
عميلهم كرزاي مندوبه توصّل للخُبر=بعد الفشل بالحرب يتوسّل وساطه للحوار
اما العراق الباسله عبره لرعيان البقر=غابه ومُستنقع وتحت اقدامهم بركان ثار
انت السبب يابوش تستاهل همومك والسهر=وادخلت شعبك للمصائب والمشاكل والشجار
وعند ماشعبك سيعرف قصة الحادي عشر=ومن على المشهد وع الصوره سينزاح الستار
في حينها الاعلام يتسابق لتوثيق الصور=وانته وراء القُضبان واعوانك ومن لك مُستشار
هذا اذا العالم صحي والعدل بالميزان قر=وشعبك اتحرر من اللوبي مُسبب لنحدار
اما اذا اتماديت بالباطل على قتل البشر=ونظرتك تبقى على العالم بنفس الاحتقار
وحربك الشعواء على الاسلام لوزاد استمر=حرباً صليبيه تغلفها بأسماً مُستعار
فلتبشر امريكا في الافلاس واعلان الطفر=واسمها قد يشطبونه من ملفات الكُبار
وديننا الاسلام ربي يحفظه من كل شر=من اجل نصره له وحفظه سخّر الناس الخيار
رب السماء والأرض في يدّه تصاريف القدر=يمهل ولايهمل ومن جُنده اعاصير البحار
لاتحسبون الدم ذي يُسفك هنا يذهب هدر=اومن هُدر دمّه سيتقبّل مجرّد اعتذار
قد رُبما الايام تجبرهم على رفع الضرر=ايضاً وتجبرهم على التعويض او رد اعتبار
والختم صل الله على طه النبي صفوة مضر=من فضله ربه على خلقه وحبه واستخار[/quote]
وهذا جواب جورج دبليو بوش
ينقله نياية عنه اليكم المواطن الامريكي اليافعي ابوأسمهان
قصيده من كلمات جورج دبليو بوش
وهي تعقيب على قصيدة الشاعر الكبير احمد حسين بن عسكر عن احداث سبتمبر

يقول بوش الابن من ارض اليمن جاني خبر =قد صار له تأثير زوّد في السماء بعض الغبار
عبر الفضائيات شاعر من جبل يافع نشر=شفته مُباشر حي في نقل الجزيره والمنار
احترت من ابيات بن عسكر وما قال اعتبر=تحريض للارهاب في ميزان فهمي والعيار
ذكرني الملّا وزعلني بقولت انتصر=والعاصمه كابول ذكرني وعمدة قندهار
بحسب معلوماته الهشه وذي عنده وفر=لكن معي ما ينقض اقواله يعيشوا بالبرار
وفي دعاياته تقول ان حلف نيتو انكسر=وقال ايضاً ان امريكه بحالة افتقار
قال اقتصادي في تعثر كل ما قام اعتثر=صحيح ما قاله ولكن ليس في وشك انهيار
ياكم وكم ازمات عانينا تحدينا الخطر=نغطص بها وانجول من بعد المتاعب ازدهار
اما على صدام الله يرحمه كان اشتهر=في غزو جيرانه وقد حرق مدنهم والابار
ايضاً تحفل ليلة الارهاب في الحاديعشر=ذا حين صنفته من اعداد الشياطين الشرار
يا قلعة الارهاب في ارض اليمن فين المفر=بارد ع الارهاب باطلاق الصواريخ الجسار
بحشد اصاطيلي وباعزز قوائي والقدر=في حرب محسوبه ساعلنها عليكم والحصار
اضرب موانيكم وثكنات العساكر والمقر=ومجلس النواب والحكام باحرقهم بنار
واستعمل الليزر سلاح الحسم اوقات الضرر=ذكية التوجيه في ظرب المخابي بالوكار
وادخل مواقعكم بلكهاف الغريقه والحفر=واحطم الانفاق ذي تحت الشوامخ والحجار
يامكتب الارصاد بالاقمار اعطينا صور=كثف بطلعاتك على ارض العروبه والجوار
حدد لي الاهداف وانزلها عليهم كالمطر=احرق اباالحكام من خالف لامري والقرار
قلتوا لنا كفار وانتم هم اشدو من كفر=تنافقوا بالقول والتزوير فيكم والبوار
لا عدل للمظلوم والظالم بظلمه مفتخر=والدين عقدتوه غيرتوا طريقه والمسار
الله اعطاكم شعوباً مخلصه وانتم فجر=واعطاكم اجمل ارض جملها هواها والبحار
في ارضكم ثروات نشتيها وامري قد صدر=فلا تراجع عن قراراتي كلامي بختصار
لقد تسيطرنا على ذا الكون ارضه والقمر=والعلم اوصلنا الى فوق الثريا والمدار
سرنا على المريخ ناخذ من تظاريسه خبر=نعرف مناخ النجم وارياح التهوي والمثار
ايضاً على سطحه تمكنا بطرح اول حجر=وبعد كم من عام بانبني مُدنا والمطار
والقصد هي الزهره بها باحط رجلي والاثر=ثم الزحل نوصل بها نغرص علمنا والوقار
شعارنا الحكمه بدون العلم ابد ماحد قدر=العلم ثم العلم من يعلم ينور واستنار
الجهل هو ليلاً مخيم لو بتفهم بالعبر=والعلم فيه النور نعم النور يضوي كالنهار
الكهربه من صنعنا الله يرحم ذي ابتكر=ثم اخترعنا الطائره والباخره حتى القطار
اما صناعتكم مطايب تصنعوها من مدر=واتطور التصنيع الى غايت جنابي والشفار
هذا هو التظليل يا حكام اوهمتوا البشر=من صنعكم هو الجهل يا نعم البناء والابتكار
ختامها طه رسول الله مختار البشر=اختاره الرحمن يشفع من لضى حوم الجمار [/quote][/quote]

المحبوش
16-01-2009, 10:52 PM
بدع جديد من كلمات الشاعر الكبير= احمد حسين بن عسكر
وهو مرسل الى الشاعر= قاسم يوسف صالح الداعري



ابدع حديثي بأسم رب العرش جلّة قدرته=ذي يصدر الاحكام من فوق الطباق العاليات
وهو القوي ما اي قوه ان تضاهي قوته=قاهر قوي غلاّب في يدّه حياتي والممات
هو ناصر المظلوم من يدعيه يسمع دعوته=يسمع دبيب النمل في جوف الجبال الراسيات
والظالم الطاغي ينكّل به ويكسر شوكته=يمهل ولايهمل عروش الظُلم والناس الطُغات
يقول بن عسكر توصل هاجسي في سرعته=ينهم ويترنم وظلينا على مدكى وقات
وجاب لي الاخبار واخرج مامعه في جعبته=وقلت ياحيا وسهلا مامعك جيبه وهات
وقال لي قل للوكيل العام يقصر نشرته=ماذل يقل من بعدما عمّه سقط نجمه ومات
قد راح عمه بوش واوبوباما جلس في بقعته=ماعاد بانشتي نشاهد صورته عبر القنات
فليسحب اوراقه وسامانه ويسحب شُلته=يحرم عليه البيت لبيض مايضلي به وبات
اصبح بعين الشعب متعجرف غبي في نظرته=وهو السبب ماحل به من التدهور والشمات
ايضاً وعند العالم المعتوه سائت سُمعته=وسُمعت امريكا من الفوضه وفعل المُنكرات
ضيّع قيمها والمبادي داسها في جزمته=حتى الدمقراطيه صادر مابها من حُريات
الشعب صوّت داخل امريكه ووضّح كلمته=وقال لا للعنجهيه والحروب الداميات
الحرب كلفته خسائر واقتصاده هزته=والحقد لامريكا نماء واشتاع في كل الجهات
بالعنف بوش الابن والقوه ظهر في سلطته=يتحدي العالم وينشر حاملات الطائرات
يريد يتسيطر على العالم وينهب ثروته=وفكّر ان الموت للاُمّه بيده والممات
يريد نخضع له ونسجد له ونتبع ملته=والبيت لبيض بايكن ليه التوجه بالصلات
مايدري ان العالم المسلم قويه همته=لن يركع المسلم سوى لله رب الكائنات
دافع على دينه ودافع عن كرامة اُمته=لن يهزمه صاروخ عابر اوقنابل قاذفات
وكم شكى العدوان من ضعفه وقلّة حيلته=حاصرهم الافغان كبدهم خسائر فاذحات
وبالعراق الغازي اتدهور وضاعة هيبته=واصبح بمستقنع محاصر بين دجله والفُرات
ما افلح بعدوانه وقواته ولافي كذبته=ولم يحقق غير تدمير المُدن والمُنشئات
واليوم ماتفكيره الا كيف يأمن خرجته=يخرج وهو سالم ويسحب مامعه من آليات
اما الوكيل العام قد كانة قويه صدمته=صوّت لصاحب بوش والليله عيونه ساهرات
ابواسمهان اليوم ماحاجه يكثر هدرته=ولاعلى ماراح باتمسي عيونه باكيات
العالم اتغير واوباما ظهر في حملته=شعاره التغيير حتى ايدوه الجاليات
ان بايغير من سياستكم ويظهر خبرته=فامريكه العُظمى ستخرج من جميع المُعضلات
وان يسمع اللوبي كما بوش الذي في خدمته=فسوف تصبح مثلما السوفيت يلحقها الشتات
لن يستطيع ان يكسب العالم بكثرت قوته=بل بالمبادئ والقيم تتحقق اعظم منجزات
او يعلن اسلامه على العالم ويظهر حجته=لان ابوه احسين مسلم وامهم افريقيات
هذه نصايح لوقبلها وان رفضها سجعته=يلحق قفا ذي راح وامريكه معه للهاويات
والختم صلى الله على من فضل الله امته=في دينها الاسلام ذي فيه المعزه والثبات



جواب الشاعر قاسم يوسف الداعري ابواسمهان=
على الشاعر القدير احمد حسين بن عسكر=



بسم الله الرحمن اتوكلت قاصد رحمته = في مالك الاملاك ذي بيده اماني والكنات
سبعاً بسبعاً صاغ سبحانه وجلّة حكمته = في سره المكنون انشاء الكون وانشاء الكائنات
منها نشاء آدم ليتسلطن من اطيب تربته = واوجد لآدم كل ما يحتاج في دنيا الحيات
سبحانه الرازق بسط بقعا واوجد نعمته =وانزل بها الاديان من اجل العباده والصلات
ثمَ اتى الشيطان حذّر من وجوده اُمته = في مصحف القرآن حذر بالسور والبينات
قال ابن يوسف دوّن ابياته من افضل نُخبته=كلمات نظمها وترجمها الى عدة لغات
قال الرجال اصناف بالجودات كلن ميزته=مثل الشجرانواع شي حالي وفيها حامضات
وبعضها نفّاح كاغصان الشقر في ريحته=وانواع كالعلقم صبرحارق ونوعاً شائكات
مثل احمد الاقدار زربه في طريقي حطته=منضاق منه سرت من قول الغلط والعاثرت
مابقبل العوجا ابد لازم اوقف حملته=وافظح مؤامرته واسراراً تثير الالتفات
ماليوم بن عسكرعلى المكشوف بانة نيته=ماكان متخفي بجوف احمد ظهر عالبينات
يقول عمي بوش عبر النت قوله ثبتّه=مربوط بن عسكر بما قاله ولا له انفلات
باخذ وبدي حق والميزان نطلع كفته=ماحد بيخفي شمس تلمع بالرواسي العاليات
عندي وثائق ثابته تطعن وتفضح كذبته=ان التئآمر كان من عنده لتشجيع الغزات
خنتوا الوطن واضح تآمرتم وبعتوا عزته=ارض العرب كانة ولازالة ملاذاً للطغات
انظر الى عمك وجيرانه وحسني واخوته=فاتح مطاراته واجوائه فتحها والقنات
حتى المواني لا تزل فيها طلائع قوته=اجّرتموها نقد لاسطول الكفر والحافلات
ما خفتوا الرحمن انكرتوا مبادئ سنته=لا ذمتك ياحمد من اتشرد وارواح الميات
الله يلعن بوش وآبائه واُماً ربته=ومن وقف ساكت له اللعنه على ذه المنكرات
اما الذي اتعاون فيحرم ما يراء من جنته=سوا لهيب النار باياوي جماراً حاميات
لعنهم الرحمن بالقرآن واقراء آيته=اقراء بسورة نون والفجري واقراء النازعات
اما اُبامه صار في صدري معلق صورته=قدمت له تشجيع من كل النواحي والجهات
با ننتظر اربع بها تكشف نوايا سلطته=منها نقرر بعد ترشيحه لاربع ثانيات
عندي امل منظور لكن ربنا له نظرته=بيده مفاتيح الامل بالصبر اوصى والثبات
يارب سالك انظر المسجون فرّج كربته=مربوط دون اسباب باقلال السناسل والسرات
لا عدل او قانون له يرفع بشكوا حُجته=فين المحامي ذي يحامي والمحاكم والقضات
الى هنا اتوصلت باقوالي وبطلب رحمته=لي ولجميع المؤمنين اجمع وكل المؤمنات[/quote]

المحبوش
16-01-2009, 10:56 PM
كلمات الشاعر قاسم يوسف صالح ابواسمهان
صفات اليافعي لوقال ابرز=توعد واستعد وقت الترجاز
رجال الصدق كمن جيد معتز=على شامخ عمد عالي وحراز
جباله معتليه درب محرز=كماابنائه لهم تاريخ ممتاز
فلا قط يافعي انذل واهتز=رجالاً عاشه انحاره ولحزاز
نعادي من يعادينا ويفتز=يسلم اوهرب بعد التشزاز
اذا هاجمت بحسم نصر محرز=حدود الخصم بدهمها وبجتاز
في ارض الهند جدي قد تمركز=معارك خاظها في كل مبراز
باطراف الوطن لي الكل جوز=لنا تاريح مشرق مش تمياز
عدوي يرتهب مني ويفتز=وماحققت بالتاريخ اعجاز
حمات الصدق ذي هو سيف مبرز=سلاح الحسم من بايحمله فاز
ولي دستور صادق فيه نحفز=بننقذ من حنب اوكان معتاز
ولن نطرح صديقاً لو تعوز=نزيل الظلم عن من ليه نحتاز
لناعاداة نفخرها ونعتز=بها احتلة عقد صعبه والغاز
وبالاحكام من كفئ تحوز=وحكمي حق لا نافق ولا انحاز
اذا خالف طرف حكمي مجهز=في الكبريت نحرقها وبالغاز
واناحزي الكل من بكره بمحرز=مع بازل ذكي والنعم من باز
حفظها داخله من شر واحرز=وفي شاطر وضع قفله ولحجاز
اذا هي داخله عايش ومعتز=وان زالة قظي نحبه وانحاز
ختامي ما نسيم البحر هزهز=على طه النبي من يذكره فاز[/quote]

المحبوش
16-01-2009, 11:01 PM
خُلاصه من تجربة واقع الحياه





الموت رحمه وحيا الموت لوجاني=لو كان ذا الموت مكتوبي من الرحمن
خلقت مؤمن ورب الكون اعطاني=الخمسه اركان ذي توج في القرآن
الصبر حكمه وفيها الله اوصاني=مفتاح لبواب كان الصبر والإيمان
بالصبر تُبناء بروجاً في بناء باني=واهرام مصر المثل محكومة البنيان
اكرمني الله اوجدني واهداني=دين الوفاء والتسامح خيرة الاديان
مرة حياتي بها قاصي ولي داني=لي سيئاتي في الدنيا ولي إحسان
بنظر الى الماضي الأول من ازماني=ورحلتي من بداء عمري لحتى الآن
بذكر خطائي ومتناسي لاحساني=ذا مفترق كان بين الإنس والشيطان
مرة عليا مصايب هزّة اركاني=كادة تضيع أمل بالعيش والوجدان
منها البشر عابني والوقت عاداني=اتعمدوا ان يهدّوا الدار والعمدان
رمال ثارة وهاجة أعمة اعياني=البحر صحرا رجع والارض من بركان
فقدت فيهاالأمل واختل ميزاني=الارض مش ارض والانسان مش انسان
لكن وضعت الأمل في كف رحماني=دعيت يارب غثني إن شأني شان
عساك تسمع وبالتوجيه ترعاني=جنبني الشر واهل الشر والعدوان
اسمع دعائي وارحم دمع لعياني=واهدني الى طريق البر والاحسان
الله تجاوب وزال الهم وأنساني=مواجعي اتعالجة وانزالة الاحزان
ثم الامل عاد جرعات الهناء اسقاني=مسحت دمعات عيني والحزن ذي كان
الفجر نوّر بخيطه بالسماء باني=من بعد ليلاً طويلاً بت به سهران
مسكت حبله وفي ديني وإيماني=ومن تمسك بحبل الله ما يهتان
سامحت لكن ابد ماانسى مدى ازماني=مش ضعف مني ابد اوخوف اونسيان
هذه هيئ قصتي يا جمع لخواني=الله لا روي اي انسان ذي بي كان

المحبوش
16-01-2009, 11:04 PM
الشاعر /قاسم يوسف صالح (ابو اسمهان)

تبديت بك يامن على الكون ناظرا =عظيم الرجاء يا خالق الجن والانوس
وياعالماً ما تختفيه السرايرا =بما في الضماير تعرف السر بالنفوس
الاهي تجنبني عنا الجوع والعرا = وجنبني الويلات والذل والنكوس
سألتك في التوبه وسورة الم ترى =و في نور وجهك يامهيمن وياعبوس
فاعطف على من كان بالكون صابرا= لمنهم في التشريد لاجئ وبالحبوس
لمن مد لك كفيه منهك وحايرا = تلبي دعائه يامن احييتها يبوس
حنيني حنين العيس اذا الحمل جايرا= اذا اتسلقه لشعاب واحمالها عكوس
وما حن مسجونا مقيد الى الورا =بقيد الهلع والخوف ذي يرهب النفوس
سرا اليل قال الداعري هاجسي سرا= من المغرب الاسود الى مطلع الشموس
فقد جاب لي ابيات وابداع نادرا= نصايح لها تاثير بالقلب والحسوس
فحذرني الصاحب ولو لاح ماهرا=وحتى اذا يلتاح لك حيد ماينوس
فهوه الذي يخدع ويطعن من الورا=وهوه الذي يحفر وبده لك الغطوس
فمهما تنسب في اصول العشايرا= بأباه واجداده تعلوا على الرموس
فلا يخدعك لاقال انا شيخ كابرا= اذا قال انه عامد الاصل الجنوس
فهذا الذي شفته وذي هاجسي ارى= وعندي تجارب بالصداقه ولي دروس
فكمن وفي اوفي بقوله اذا اهترا= وكمن صديق ارتد بالمال ولفلوس
بابخس ثمن للخصم باعك واشترا=وان ضاقة الايام لقدامك آيبوس
بيقدم بحسب المصلحه او تاخرا= ذكي للحيل خدعاته الثعلب الخسوس
له اعيان كالحربا والوان ساحرا= لسانه طويله سم لحزاز والدحوس
اذا حس في اخطار لونه تغيرا=وترسانته جرثومة الخردلا وسوس
فهذه هي دنياء العنا والمخاطرا= خلق ربنا فيها الفريسه عشاء الفروس
فيا ويل من فيها وقع او تعثورا =تلاقيه متخبط في اسواقها يهوس
بذكر النبي نختم شفيعا ومنذرا = عليه الف صلوا كل ماهزة النسوس
[/quote]




كلمات الشاعر قاسم يوسف صالح ابواسمهان

اعدالقول قبل آقول وابدع = وقبل البدع بتحكم بشعري
فابياتي من الاعماق تنبع = بتشرح عن زمن ماضي وعصري
على بحرالهوى باغوص واشرع = وبشكي للهوى ماذا بصدري
وفآئي للحبايب فجر يطلع = ودمعاتي عليهم سيل يجري
فلا يوما ًيمر الا وادمع = ومالحظه افارقهم بفكري
لهم قلبي في النبضات يقرع = وهذه اذرعي تمتد جسري
احاسيسي بتتذكر وتجمع = وبتقيم مداءايام عمري
فبادرهاجسي قوله وابدع = حروفاًمستواها فوق قدري
في القيفان يبنيها ويصنع = ومعجونه بعوداخضروعطري
مثيل الورد في الاحقال يزرع = وهذاالحب به ماكنت ادري
كماالريحان نفحاته واروع = عروق الروح يمشيهاويسري
فنار البعد السنها بتولع - كواني الوقت فيها دون ادري
الاهي شكّوت المسكين تسمع = لغيرك ماانحنى راسي وضهري
توسلتك الاهي بيننااجمع = لانه زاد عالمعلوم صبري
بتوجيهك اصلي لك وبركع = ولك انته دعاء فجري وعصري
تسامحني وبالجنه لي اشفع = وبين ايديك لك سلمت امري[/quote][/quote]

د/يوسف العمراني
19-01-2009, 11:26 PM
بسم الله...
وبعد.....
الى وقت قريب مضى ،، ما كان يدور بذهن احد من الاخوة الذين كانوا يلتقون وباستمرار في لقاءات يغلب عليها الطابع الشعري - وذلك في اماكن عدة ومنها جمعية القعيطي التي استضافت العديد من الشعراء في لقاءات ثقافية وكان في بعض منها بوجود الاخ العزيز قاسم يوسف ولم يكن يظهر عليه حينها ان لديه قصائد شعريه من نظمه بدليل عدم مشاركته في اي من تلك اللقاءات ،،،، بالرغم من تفاعله الكبير حينها مع كل ما هو شعر جميل..... - انه يخبىء هذه الملكة الابداعية الشعرية الطيبة... فها هو نهر اشعاره الجميلة يجري حاملا جميل الكلمات ذات المستوى الشعري الراقي ... بما يشير الى اننا امام شاعر مخضرم متمرس في محراب الشعر .....
وانا اقرأ ما سبق من قصائد فأني كنت مستمتعا ايما استمتاع ...... وكنت سعيد ايضا ......
فاما استمتاعي فذلك لاني قرأت شعرا جميلا له وللمتواصلين معه ....... مثل الشعراء الكبار بن عسكر والمعمري ,,,, وكذلك الشاعر( بوش)......
واما سعادتي فانها تعود الى انني شعرت واشعر ان بيننا في القعيطي مواهب رائعة وطيبة ولكن الكثير منها لا تزال متوارية عن الانظار .. وحتما سيأتي الوقت لتعلن عن نفسها .. وسنرحب بها حينها بما يستلزمه الترحيب ...
لكم التحية ايها الشعراء ...

والتحية للاخ العزيز المحبوش لابرازه لمثل هذه الاعمال الجميلة ...
د/يوسف

ابوبشار
06-02-2009, 04:16 AM
بدع الشاعر
محمد صالح عويضان ابو محسن
مرسل للاخ والشاعر
قاسم يوسف صالح ابو اسمهان


يا كريم العطاء يا ساتر استر ولاطف = واغفر الذنب للي تاب وابدى اعترافه
خوف من قدرتك ما هو من الناس خائف = نفس ابو فضل تامن بك ولا هي مخافه
استر الحال ان العمر قرب يناصف = واقترب من ضياع الذاكرة والخرافه
اطلب العفو لا بطمع ولا اشتي وضائف = بس نكمل بمكة سعينا والطوافه
وانته الان يا عازم كما برق خاطف = خذ كتابي معك ما عاد للصبر طافه
لبن يوسف صديقي اينما كان واقف =با تلاقيه بالاردن يتم اصطيافه
دوره بالفنادق والطرق والمصايف = واسال المارة في كل شارع وحافه
لا عناوين له عندي ولا رقم هاتف =انما خذ نفس لما يتم اكتشافه
والهدية تصل عودي وماورد كالف =قدر للداعري ومن وجد في مضافه
رش ثوبه ومدكاته ورش القطائف =زد له القدر من عندي ورجح كفافه
من زمن له ثقل عندي ورجال عارف =ما لشخصه مثل من حيثما العين شافه
حب له في الكبد مالي وحب الشفائف =عهدنا ما يزل رمز الوفاء والنظافه
وصي الاب قانص كم من اهيف وشاعف = قال لي عهد سابق وانت يا ابني تلافه
وابن يوسف صديقي ما يزل حصن نايف =يا اله البرية مد عمره وعافه
واكتفل يا الهي كلما كان شافف =واكرمه بالذي يحمل امور الخلافه
يحمل الاسم للاسرة ويكمل مواقف =ذي لاجله تعب قاسم بقطع المسافه
الذي يعقبه لو كان في يوم زاحف =يا الله ادعوك فيما اراد مده وكافه
انت مكرم لخلق الله ومعطي وعاطف =قدرة الله فاقت حذقنا والحرافه
ذا وابا المعذرة من هرج ياتي مخالف =دون مقصد ولا نحوك نويت اغترافه
والف صلوا عدد ما يقراوا بالمصاحف =ع الحبيب الذي خير الخصال اتصافه
ذكر طه النبي المختار للهم كاشف =ذي تعالى على الكفار واهل السخافه


وهذا جواب الاخ والشاعر
قاسم يوسف صالح ابو اسمهان


اتكلنا بمن في العرش ناظر وشايف=بالذي اوجد الاسلام دين النضافه
في اماني ورحماني متئ كنت خايف=مئمن الخايف المهموم من ما يخافه
لي امل رحمتك يامن بلسرار عارف=جنب العبد شر الذنب قبل اغترافه
استر الحال وارحم عبد بالباب واقف=منتظر رحمتك بالستر لي والخلافه
قال ابو سوما البداع جيبو الرهايف=واحظرو الخيل نبدئ بالبرع والحفافه
واطلقو اسراب كاتوشا عيار القذايف=والمضيائه شراب النار من كل حافه
واجمعو المسك والريحان كالف لكالف=الا مجمع ابو سوما بدار الضيافه
والقدا جهزو ربيان فوق المناسف=والتحلي عسل مدهوم فوق الكنافه
يا هلا الجيد ابو محسن وما ليه هادف=مرحبا ما تفظل به وفي ما اضافه
بن عويضان متفهم وشاعر وعارف=يقرئ الخط قبل الخط يفتح قلافه
الصداقه من الاسلاف حسب التعارف=والموده ترافقنا برقم المسافه
اكتشفنا وفا الآبآ وقت التحالف=وقت فيه الوفا والصدق رافع سقافه
يعرفو الاخذ والمدا وحسم المواقف=والتعاطي بانواعه وافظل صنافه
وحدة الصف من ميزاتهم بالطوارف=لو اتئ خير او جا شر يقرع دفافه
مرة ازمانهم بين الفتن والمخاوف=والمشاكل في الاوضاع كانة اظافه
خيرة اوقاتهم قنص الظبا بالمخالف=ما بيخطي متئ مده وبالعين شافه
بالمراعي يصيدوها وبين النوايف=حيف ما اتشاعفه لوعال والظبي هافه
واستراحاتهم بين الحفر والهوايف=والمغارات عاشوها واعلا كهافه
عاشو الفخر والعزه تفوق المشارف=والثقه والوفا بالعهد كانة ثقافه
كان لا راديو توجد ولا كان هاتف=لا ولا كهربا او بنك لاجل الصرافه
لكن ان الثقه بالنفس كانة تساعف=اهل ذاك الزمن في اخذ ولا سلافه
كلمته عهد اذا اتكلم ولا با تخالف=عنده الوعد مثل العهد وعده يخافه
ناس كانة بها روح الوفا والتكاتف=حق في حق والميزان ترجح كفافه
ختمها بالنبي يا كل فاهم وعارف=الف تغشاه فوق آلاف زايد مظافه[/quote]

ابوبشار
06-02-2009, 04:18 AM
قصيده من كلمات الشاعر حسين عبدالرب الحنطري ومرسله الى الشاعر قاسم يوسف صالح ابواسمهان




يا عظيم الرجاء يالله عبدك توكل=فك ضيقه وفرج كربته واكتآبه
يا سميع الدعاء ما لي سواك انته اسأل=يا كريم العطاء يالله بدعوه مجابه
اطلب العفو واغفر ما سبق او تأجل=واصلح اعمالنا يا من نشيت السحابه
واذكر الهاشمي ذي حبه الله وفضل=ما دنا الليل او ما الشمس تشرق وغابه
بعد ذا الآن بارحب بذي عاده اقبل=من بلد مبعده وبساله ويش جوابه
شاعر الغرب جا من منهل الشعر ينهل=او اتاء بايحول صرحنا لا خرابه
خاف لا يطلع الرجال من بوش مرسل=يكشف اسرارنا ولا عملنا حسابه
مرحبا فيك يا طالب في الصف لول=طالب العلم في مدرستنا يا هلا به
المدارس كثيره بس مدرستنا اجمل=من دخل عندنا يقراء واجاد الكتابه
وابن يحيى وبن عسكر تلاميذ فشّل=من تعلم معاهم خاب والجهل صابه
نهجهم نهج راعي ذي بشاته تغزل=وأن تعمق وصف راعي الغنم بالحلابه
والحذر والحذر تسلك طريق ابن دهول=با يخليك في معلامته يا لوآبه
والنتيجه فشل ما باتصل حيث تأمل=الشقي ما تحصِل منّه إلاّ الغلابه
انصحك لا تجالس شخص للعلم يجهل=لا تكثر محادثته ولا الالتقاء به
جالس انسان ذي يفهم في الربط والحل=شخص مثلي مثقف كل واحد يهابه
اترك اللوح ياقاسم وخذ دفتر افضل=واترك الشخططه واللخبطه والشغابه
احفظ الابجديه اولاً لجل تقبل=بعدها بسألك وانته عليك الاجابه
واجتهد في دروسك لا تساير من اهمل=من سعي بايصل وبايحصل طلابه
العلا ما يحصلها الضعيف المدلل=من يريد الجبل لا يفتجع من شعابه
شو فانا كيف صرت النجم والناس هشل=بعتراف الدول والاصدقاء والقرابه
ختمها بالنبي ذي حبه الله وفضل=ما دنا الليل او ما الشمس تشرق وغابه




جواب الشاعر قاسم يوسف صالح ابو اسمهان


يا رسولي براي الله وحفظه توكل = قم توكل على أرض النبي والصحابه

من قدا الشام من عمّان بُكره ترحّل=اعزم الفجر قبل الصُبح يظهرحجابه

الرياض اقصده ع العُمده احسين اسأل =قُله الخط اتوصل وهذا جوابه

ارسل ابيات بن دينيش يا ليت ما ارسل=عقّده جو متكهرب وزاده كآبه

ايش ذي صنّفه دينيش عني وقول =اعتقد طاح ميزانه وفاقد صوابه

ليته اليوم ارسل لي رساله بيسأل= كيف حالي وما هي حجتي والاصابه

داخل الشام في عمّان لي شهر وطول=منتظر خير من عند الذي سا السحابه

كان رحبّت بالمرسال والي توصل=واعتنقته في الاحضان في ما اتى به

لكن العيب في بدعه تعدا واشمل=اتّهامات قد زادة بعزمي صلابه

يوم قال ان انا جاسوس من بوش مرسل=واتهمنا مع الموساد عامل عصابه

ثم حذّر بما جاده في القول لرول=من مجمع ابويحيئ يجب اجتنابه

مثل بن عسكر الاستاذ والجيد دهول=حين قال انهم بالشعر مش في مثابه

ليش دينيش الى مكريب واقد تهرول=هل هيئ حانة الايام نرفع كتابه

انتهاء شعر غنى به في العهد لول=حين ما كان يتدلع باول شبابه

كان دلوع بيجينا بفوطه مسربل=والمشط كان بيده والطرب والربابه

والمداعه معه ما يشرب الا معسل=والادب كان بيجيده بذيك الطرابه

الزمان اختلف والعهد لول تبدل=وامتلك قاطره ذي كان يرعا دوابه

سر دلا خير واذي قمت بالصُبح تحول= جيت بتراكض المغوار عاصر شنابه

كم هي انخار ذي ادميت بالشعر واسائل=ابن عسكر وابويحيئ ومن لا جنابه

من تحدا سقط من لكمتي حين توصل=كم ذلحنا وكم شُعّار ذي هي مصابه

باتقع وجبتي ياحسين مشتيك تخجل=لا رحم من حذر والجيد يعمل حسابه

عاد سيفي على خصري وبيدي المعدّل=من تعدا الخطوط الحُمر بحرق ثيابه

ذا جوابي وسامحني اذا الهرج طوّل=بس من حيف ماتبديت لازم اجابه

تختم ابيات بن يوسف على خير مُرسل=احمد المصطفئ ما شن طش السحابه

[/quote]

ابوبشار
06-02-2009, 04:20 AM
ذابة فؤاي لما شاف النظر = وشمسها اظلمة نصف النهار

الارض مالة وانزاح القمر = حسيت ان الفلك والكون دار

سته وعشرين ديسمبر صدر = قرار تدمير غزه والجوار

لفني وحسني وابو مازن حظر = في جلست القاهره تم القرار

وبعدها يوم فاجأنا الخبـــــــــر = بيقول تمطر سماء غزه جمار

من الاباتشي وإف ستتعشر = والمركفئ والبوارج بالبحار

غزه بتقصف قنابل مُنشطر = فسفور ابيض حُمم ذائب ونار

ونوع تشطير جواً تنفجــــر = فيما تسمى قنابل لنشطار

من صوتها السمع يفقد والنظر = شديدة الصوت وقت الانفجار

شفنا حممها بتشعل وانتشر = دمارها بالضواحي والديار

فيها تعدوا المقابر والشجر = حتئ المساجد هدف كانة مرار

خمسين مسجد حطاماً مندثر = ساحاتها والمنابر والمنار

قاموا الصلوات باجواف الحُفر = بين الدماء والمصاحف والدمار

هذا حصل بعد اعوام استمر = ظلم التآمر وآلام الحصار

حصار مؤلم ومن بحراً وبر = حتئ السماء اغلقوها والمطار

فرعون راهن لنصراً منتظر = لسياده اهل الكوافي والزنار

خابة ظنونه وقلبه انكسر = لما رائ الرد من بين الغُبار

كانة بتطلق صواريخ الظفر = من نوع قسام وانواعاً كثار

اشتدة المعركه والنصر قر = وابطال غزه تهنوا الانتصار

انذل جيشه واتقهقر وفــــر = من دون تحقيق اهدافاً تُشار

قد كان نصراً متوج بالدرر = درر دماء من كباره والصغار

ختامها المسك وارياح الشقر = تفوح بين المقابر والديار

تشمل هواها شجرها والبشر = وتمر لنفاق ذي تحت البرار[/quote]

ابوبشار
12-02-2009, 01:41 AM
بدع من شاعر من حطيب


المولعي قال باتوكل علئ الباري=واشن ع الداعري غاره ورئ غاره

باذوقه نار يطعم نار من ناري=وا يعرف المولعي بالصدق وادواره

نا ساري اليل وانته ايه الساري=بتسابق الميج في خيله وسياره

شف لي صواريخ روسيه وبلغاري=ماذا تسوي وتفعل بي بسحاره

ما تعرف اني معود ع البلا ضاري=مانا كما ذي بيتغزل في اشعاره

امثال محبوش ذي يطبخ بلا كاري=وبن عويضان ذي زيد بثرثاره

وارهبت بن زين ليلة امس بانذاري=وامسي مولع بغازي يحترق ناره

يا ويله اليوم من يقرب من اعصاري=ما با يروح سلم مني علئ داره

انا امير القوافي ايه القاري=شربت بحر الادب والشعر وانهاره

غزيت غزوات والجمهور بي داري=واحمد بن احمد صفعته كف بالحاره

وبعد يامن مع ريح الصبا ساري=قم شل مكتوب ما حاجه لدحاره

من مطرح العز من راسي ومن داري=والعطر والورد ما حاجه لكثاره

يا قاسم اليوم مهما قمت بأنكاري=با يشهد الدهر للمجهول ووكاره

بطشت باحمد وحملته على جاري =ساحر مشعوذ وانا من قمت بسحاره

وانته دل بس خليك التنهجاري=وقل لمحبوش شفني بالادب جاره

شفره بسيطه لكم شفرت بشفاري=واحمد بن احمد فهمنا امس شفاره
لو با يزيد بها با ثرثر اسراري=وزين بن زين حافض كامل اسراره
يا زين بن زين حبك بلدما جاري=ما شفت بالشعر مثلك ينضم اشعاره

هذا كلامي ومن بعده تشكاري=والحمد له عد ما صب صب في امطاره

جواب الشاعر الكبير قاسم يوسف بن علي عطاف القعيطي


نبدئ بمن في كماله صاق لسراري=وانشا خفايا الفلك والكون واسراره

نجوم دائر واخرئ بالفلك ساري=وكل نجماً حوئ خطه وايطاره

وكون الارض تربه بر وابحاري=واوجد بشر للتعارف بين اقطاره

وسا قطاعات نتعارف واشطاري=فيها كوائن كثيره جلة اقداره

منها الافاعي خلق تلذق وتتواري=وتختفي بين تبن الارض واحجاره

واوجد رموز الخلا اسود وانماري=حتئ الثعالب خلق تخدع ومكاره

وكم هساهس وجد سبحانه الباري=بعضه يغني وبعضه شب مزماره

حتئ البقابق لها كلمات واشعاري=بتعطي الشعر مفهومه ومعياره

الآ شويعر حطيب ما كنت به داري=من قبل يطرح حجر بالخط عثاره

عكر مزاجي بشعره والتهداري=ومن بيكثر هداره قل مقداره

الآن ماذا اسجل فوق لسطاري=بركب حصاني وبتصرف بمقداره

ام اننا اسكت وباقرا لي مع القاري=من مجمع الناس بالنادي وزواره

والله مااقبل الهدنه ولا اعذاري=ولا التزامات من طينه وديناره

عندي شروطي خبير اشتي ونجاري=من شان با رتب الشاعر بمعياره

زفوق يرمي ومنهن عوج واقصاري=محتاج مصنع ابويحيئ ومنشاره

كائن لقفه كبر يحتاج صغاري=ايضاً كبر عقله الطائش ومنخاره

يحتاج ترتيب باخلاقه وسطاري=في يد متمكنه ع الفاس والفاره

حذرت لكن اسف رافظ لحذاري=هاجم رموزاً في النادي وشطاره

من قاع سيله اثب تزرع وبعاري=يطلق صواريخ من انتاج ابقاره

قال انها روسيه والبعض بلغاري=وتنطلق من منصاته ورئ احماره

با حذرك يا شويعر من مدا اخطاري=واقول لك اننا في الشعر مغواره

الاسم قاسم قعيطي الاصل واجذاري=ترسخ على صلب بين اشعاب قهاره

اذا اتئ الشر سيفي حاد بتاري=من نخبة الموسطه من ناس جباره

نجمي تفوق على النجمات قهاري=واقرئ كتابك في التاريخ واسطاره

صلوا ع المصطفئ ما يقرئ القاري=حروف واآات مكتوبه من انواره

ابوبشار
15-02-2009, 01:53 AM
كلمات محمد يحيى المحبوش
مرسله للشاع القدير قاسم يوسف صالح بن علي عطاف


الاه الكون يسّر لي مهامي=وتوفيقك مدد للعبد والهام
بك اتوكلت يامُدرك مرامي=مقاصدها معك من دون اعلام
جزاك الحمد يامكسي عظامي= بافضالك مدى عمري ولعوام
ونا بستغفرك راوي وضامي=لتغفر لي ذنوبي يوم لحوام
وصلى الله على خير الانامي=رسولاً اصطفى في دين لسلام
يقول المولعي ساعة منامي= دفرني هاجسي من بعدما صام
بليله مظلمه شرّف مقامي= تعلاء ع الكواكب فوقها حام
دفر كالسيل في الوديان طامي=على الواقع ولاهوشي بلوهام
معه ماهاب لوحطوا امامي=بساحات الوغى مزروعه القام
وطار النوم في ساعة قيامي=وقال ابداء معي ترتيب لرقام
وباشرته وعاد الجو حامي=وسطّرنا بياني الاول الهام
بحفظي عُهدتي شرعي نظامي=بأذن الله هي في يد مقدام
اكابر في وصاياهم وسامي=وشفرتها معي للحفظ صمام
بها اتشرف وفي يدي زمامي=يصحصح من شغل نفسه بلوهام
وعهدي فيه توقيع التزامي=معمّد من جدودي مهر لختام
مُجنّح بالفضاء والزام زامي=رساله واضحه للخاص والعام
وعاد البندقه تحتاج رامي=ومن كابر على الباطل بيلتام
رسول شل حبه من حزامي=وسلمها لفارس جيد ضرقام
لشاعر حاز شعره باحترامي=واصبح مُحترف في ضرف ايام
وبادي بدء تهدي له سلامي=مع شاذي اريج الورد له خام
وقله قبل ماتباشر كلامي= عسى الله يبلغك مسعاك بالشام
وقد لي به رجاء يحمل ملامي=وقول الصدق به حرقه وآلام
ومن حرصي فقد اشهر حسامي=فلا يُشفاء وجع قاتل برزام
وقاسم جيد حُبه قد تنامي=حقيبه بس مُتسرّع بلحكام
ظلم نفسه ونصّب له محامي=وهو واياه يتهادوا بلقسام
طمع ذي كان بالماضي عصامي=بدعواه ان له رزوه بلتلام
وقله من تذكر دين عامي= وفجأه قال انا خصام غرام
عتاده ما بيحمل شي التحامي=ولاجابر تساوى هو وصدام
معه هاجس بشهفه من سهامي=بيصبح منتهي في حكم لعدام
وجده لاطرح زنبيل شامي=فلايطمع يشاركني بلهرام
ولاحُكمه منفذ ُ في ميامي=معي يصحى ولايدمن بلاحلام
ويتعبّر بذي ذاق انتقامي=ورجعته لحجمه بين لحجام
ونا ظمن الكواكب ذي تلامي=وطبع الوز مثل الأب عوّام
وفي ذكر النبي خيرت ختامي=عدد ما يسجد الساجد وما قام



جواب الشاعر قاسم يوسف صالح بن علي عطاف




عظيم الشان ثبت لي قوامي =واجعلني وفي عهدي ومقدام

وارشدني صلاتي والصيامي =وفعل الخير من حظي ولقسام

واجعل كل خطواتي سلامي =وتوفيقك باعمالي ومارام

ويسّر لي في الدنيا مهامي=وآخرتي في الفردوس قوام

سألتك في ظيائك والظلامي=وقرآنك وما يئويه لسلام

بان تسمع دُعاء جايع وظامي=ومتشرد في الدنيا وليتام

لمن عاشوا الملاجئ والخيامي=ضحايا البطش من قاده وحكّام

ابوسومئ يقول اثبت كلامي = بانئ سيل مترادف ودهام

بزيل الخصم اذا تطلق سهامي=وصوبي موت متفوق وحتّام

وابياتي تسطر لي وسامي=على الصفحات برسمها بلقلام

ترافقها سجولي والتزامي=ومبصومه في الراحه ولبهام

وبعد الآن يا طير الرُخامي=قم ارحل رد ابوسومئ من الشام

معئ نفحات من ريح الخُزامي= ومعجونه بعود اخضر وشمام

لبويحيئ مع اجمل سلامي=وقل له كيف اخباره ولعلام

تخبر واسأله عن ضيف حامي=اجانا اليوم يتنخذم تنخذام

زياره خاطفه جئ لا مقامي=وسط عمّان سلمني خبر هام

يقول انك بتذكر سجل عامي=وبا تفتح مشاكل حُلّة العام

بحضرة ناس كمن جيد رامي=تبادل سار للورثه وقسّام

وهذا بعد ما اشتد الخصامي=بهده عارمه صمول ومرجام

ابويحيئ انسحب والرأس دامي=مع بن عمه الي كان خصّام

ابوسوسن ذلح حمله ونامي= ظعف من بعد مهواشه وملطام

رمي الرأيه واعلن لنهزامي=ترك ما كان يسعا له ولحلام

طرحها لي رضى بعد الصدامي=بما فيها شُعب وعره واعجام

مع وديانها واعلاء اللكامي=ورعيان البلد كامل ولغنام

وسلمتوا القوافل والخطامي=ليوسف ذي ثبت في ذيك ليام

ابو عبده في الهده امامي=يخوظ المعركه جنبي وقدام

نصيحه ابتعد عن ذا النجامي=واسحب ماكتبه بين لقسام

وشد الخصر بارداف الحزامي=واتجنب لمن عبوك اوهام

مثيل الحاج هذاك الحرامي=ولد دينيش ذي جي يا تشمشام

بيصبغ سود غربانه حمامي=وسيفك يعتبر عنده بمشقام

نصيحه لك وانت اسمع كلامي=وما قوله تقل لي تم واتمام

له العقله الى شعب الرضامي=وبا نسلاه في قطبه وعظام

وخله يعترف فينا كرامي=ويفهم اننا لسنا بظلام

بذكر المصطفئ يختم كلامي=عدد طش المطر والسيل دهام

ابوبشار
20-03-2009, 04:05 AM
بدع من كلمات الشاعر محمد قاسم فاضل ابوبلال المحبوش



بدعت القول في رباً تفرد =الهاً في السماء والارض معبود

رفع سبع سمواتاً وشيد =ومد اليابسه والبحر ممدود

وسهل كل شي فيها ومهد =ولبن آدم بها من كل مقصود

فله حمدي وله شكري المزيد =لعافية البدن والحال محمود

وع الاسلام والدين الممجد=عطآ الله ما له اي محدود

وصلوا ع النبي مليون وزيد =على صفوة مضر بالخير موعود

شفيع الخلق في اليوم المحدد=شديد الهول شيب كل مولود

ابو سوسن بجنح الليل لسود =آتاني هاجسي والجسم مبرود

وقد كنت احسبه عني تمرد=لبضع اشهور منّه كنت مكبود

تركني مثل ما الصخر المجمد=وانا ما بين متحدي وعمرود

ولكن ما فسل بادر وعود=وبتنا بالنسم نا ويته اسدود

طرحنا الساس ع الحيد المؤكد=انا ببني وهو شاطر وفرهود

وقلنا عازم الليله توكد =بشنطه للسفر والحجز موجود

وفي اول فوج من اه هير عمد =على عمّان كن ذي حيل مشدود
بباقه من عطور اصلي تزود=بضاعه ما نلى منها اي منقود

وتتلزم بمضروفي المعمد =كما عقد الذهب مطوي ومعقود

لقاسم وصله في يوم لحد =وزفه له مع ريحان وورود

سلامي له عدة ما حن ورعد=وظلي سيلها كالنهر مورود

من الاجواد ذي تحسب وتعتد=تربي ع الكرم قاسم وع الجود

وداعي الخير بيسرع له وجود=بينفق في سخا من قلب مودود
عسى الله يرزقه فيما تودد=فما دام الامل باقي ومنشود
وابو سوسن لاول فصل بند =وحان الوقت لا نشره ومنشود

تقله هيمنة حسنى تبدد =تركها صاحبك لا ما ولا فود

وجل الشعب بالعيش المنكد =واباما قال عاد الوضع نو جود

بعيده عودة الوجه المهرد =لما كانت عليه ايام لجدود

وواهم من يظن الظلم سرمد =نهاية كل شي حتمي ومشهود

وحلمي في العرب بابه مؤصّد=لما بن شاهده من قمع وقيود

ورى الاعداء كلاً حاز مقعد=محاور قسمونا اتراك وهنود

لبسنا الذل والعار المؤبد =وصرنا للحمم والفتنه اوقود

وآخر ع اليمن شعبه مشرد=لاجل العيش يبذل كل مجهود

بلاه الله بجمله ناس حسّد =ولا ابغت للمواطن اي مردود

عصابه تنهب الثروه وتجحد =تسوق القافله لا باب مسدود

وآخر فصل في صعده ومقود =مجهز لك وللشيخ ابن مسعود

تريدوها لكم بارد مبرد=وانا ويت اخوتي تديوني لحيود

وكلماتي لها الجمهور يشهد=حروفي ناصعه تنفح كما العود

وابو يحيى معي بيرخى وبيشتد =وبعض احيان طبعه مثل لحود

على غلطه بسيطه من محمد =تجاوز عام له قاسي ومحرود

وطرفني انا للاخذ والرد=وقدامي نمور القاب واسود
وماهل قد محمد نار توقد=وسيفي للعداء جاهز ومحدود

وصلوا عل نبي مليون وزيد=على صفوة مضر بالخير موعود

شفيع الخلق في اليوم المحدد=شديد الهول شيب كل مولود







جواب الشاعر قاسم يوسف صالح بن علي عطاف






كريم الجود يا والي ومُعبد = ويا من للامل راعي ومنشود

حمدتك حمد لا يحصئ ويعتد = ودعوات التوسل فيك ياجود

بذكرك تنطفي نيران توقد =متئ ما كنت متئلم ومكبود

تزيل الظيق والاحزان تُبعد = وحبلك للامل واصل وممدود

ابوسومئ يقول يا يوم اسود = خبر مئلم اجئ واضح وماكود

اجاني خط من راحل مائكد =بانه حي متمتع وموجود

ابو سوسن علا قبره تمرد = ظهر غاضب ومتعصب ومحرود

معه سكين بيقاطب ومبرد =وفي يده صميل اعوج وقلمود

اجاني الفجر بيصيح وهدد = يقول ان الوراثه له وموعود

وصلني مبتلش في يوم لحد =وقلنا ليش متعصب ومشدود

اريد اعرف عن الاخرا ومن شد =عن الي قدخطو قبلك ولجدود

زعل مني وقال انئ محمد = عسا هذا كلامك غير مقصود

وقلنا سر دلا مالك تعند =غيابك غير متوقع ومعهود

وما هي حجتك غيبك تمدد =وقال اسجال عندي دون تعمود

اريد ان الحليله لي تعمد = وقل لشيخ يفتح باب مسدود

يعمدها ابو عبده ويشهد = علا صفحاتها من دون تعقود

وقلنا سيفك الي قلت مجرد= هي الابيات نقه حب محصود

هنا الساحه بسيف الشعر تسند=جبالاً تختلف اشعاب ونجود

مسك صدري في اليسرا وهدد =وباليمنا معه ملباج من عود

بتهديدي حسب اظعف وارتد = وانا ابوسومئ البداع ما نود

وجدة ان الولد وضعه معقد =وميزانه ظعف والعقل محدود

نصحته قلت اتوكل واصعد =انا طيب وعندي عقل مرشود

فما تبقا لحد دائم وسرمد =وما تصلح لمتخبط ومهدود

ان ذي خذتها في يوم تعهد=نهار الدمع ظلي فوق لخدود

بيوماً فيه شاجعكم تشرد =وبدل حبه الابيظ في السود

رصاصي اصليه من حين يمتد=واما زانتك خرده ومردود

وابوعبده عساه اليوم يسعد =بيبذل من صباح الخير مجهود

في الابداع اسمه قد تمجد =جزع فيها شعب عاليه وحيود

واما صاحبك شوفه تكبد = ابويحيئ بوظعاً غير محسود

بنعمه كان لكن ما تحمد = مظيع سار بيفسر ومبلود

بيتهرول اذا يمشي وجود=ومن كثر الحزن والدمع مرمود

واما عن خبر بقعئ تاكد =مدا التاريخ متخربش ومعقود

فلا بيهمني عباس لمرد =ولا حسني الذي في حزب ليكود

ستبقئ هكذا حتئ تحدد=من الي فوق يتحكم وموجود

ختمناها بمن هو خير موفد=بمن يشفع لنا في يوم موعود
[/quote]

ابوبشار
23-03-2009, 02:04 AM
قصيده من كلمات الشاعر يوسف عبدالله بن عتيق ابوعبدالله




قال ابن معتق معيى سيف يترهمـش=روس العدا دايمآ بيسي لهـا فقـداش
وانـا لـدم العـدا بخـرم وبتعطـش=واعداي من يحملون الكذب والحـراش
وبعد ذلحين قـم يامرسلـي اتهـرش=وشل خطي وسيـره بالنسـم هـراش
لبو بلال البطل الوحش ابـن الوحـش=قله اجاك الاسد ياوحش من لوحـاش
وخبره قبل مـا يختـاض او يتـرش=وقبل ما يخـرج الجنبيـه والرشـاش
قله اجتـك مفـاوض يابـو محبـش=من شان بانتحد ونسي لهـم مشـاش
وباندكـي انـا ويـاك فـي مفـرش=وسوف نقضي على الساحر مع النباش
يكفي خلافات قد كلـن بنـا عشـش=وبخاف لا يندعي في ورثكـم بجـاش
والجيد من قال انا وبما معـه ينعـش=ماعاد داعي لكثر الكـذب والعمـاش
قال المثل من بتل ياصاحبي اتجهـش=ومن يجدس حرم حتى مـن البريـاش
وانا معـي ذره صافيـه مـا تنخـش=مانا كما الغير ذي يتسعـرو بالكـاش
واليوم صفحه جديده ما نبـى نبخـش=قبور والكـل يشتنـى علـى لنعـاش
حرام ياصاحبي نسمـع لمـن حـرش=حرام نصبح ضحيه مـن ورا دحبـاش
يدي بيدك على لعـدا ويكفـي غـش=كلن يعرف بنفسـه يكفـي الجمـاش
مابانعول على ذيهوه كبيـر الكـرش=حتى ولو كان له ساعد قوي بطـاش
امامنا الذيب بايصبـح مثيـل الكبـش=والكبش للمجزره يحتاج لـه كبـاش
ولاهنى باختم اقوالي بـرب العـرش=والعهد ياصاحبي من خالفه لا عـاش
وزكي صلاتي على طه عدد ما طـش=وصبح الغيل مـن لركـاب يـادرداش





جواب الشاعر محمد قاسم المحبوش ابوبلال




يقول محبوش من حـب السمـر فـرش=ومجلسي لجل يوسف بالقطف والشـاش
عل عين والرأس يتمجلس ويتحشحـش=ودار في القلب له كامل سكـن وجـراش
من نسل لجواد با يوطـي وبـا ينهـش=وساعة الصفـر لا دقـه نمـر بطـاش
ماهو كما البعض لا ليل الدجى عشعـش=ولا سمع صوت بايهرب بـدون اكـواش
يا مرحبا آلاف ما سيـل الصفـا دردش=ومسي المزارع يسقي عاجـره وجهـاش
حيا بشيخ القبيله مـا الصبـاح اغبـش=والكل رحب معي مـن ريـو لا قـرواش
حيا على الحاصله لا ابخـل ولا اتبلـش=المعز موجود ون يطلب كبـاش اكبـاش
من بعد ما كـان قلبـي منهـم عـوش=وصل وضمد جروحي فـي دوا رشـاش
واليوم مـن طيـن بانمظـر وبنمخـش=الحـال واحـد جمعنـا ماركـه ووراش
ما دام شبل الاسد جنـب النمـر لرقـش=مـا عـاد باهـم لا ثعلـب ولا خفـاش
سيفي وسيفه ومن لحـم العـدا ننهـش=جاش البلا يا تيوس ابن العواضي جـاش
جوكـر كـراول بيـدي صعـب بتنقـش=يالجيد ويـش ايصلـح رانيـك والبـاش
وسيب ذي عـاده البـارح بـدا يدحـش=يصرف له العيسائي واحمد وبن متـاش
بيشمخـونـه بيتـبـدع وبيتـنـخـش=ولا معـه مقـدره للضـرب والوخـاش
يـا مـا نصحتـه وحذرتـه دلا يدهـش=من قبل تصبح قتيل الهـام يـا الحنـاش
وصر وعرض وعن قولي الحسن طنـش=يمكن حسبها فكاهه مـن فكاهـة طـاش
واليوم مسكين مثـل الطيـري الاريـش=ما عاد بالبحر لـه غـارب ولا ونـاش
مالي وما له يجيـش ويـن مـا جيـش=ينظـم للـروم ولا الفـرس والاحبـاش
والآن حـان السفـر يالعـازم اتحيـش=قدامك المرحله شاسـع وارض اعتـاش
حط الوقى عل فرس والحبل والعرجـش=وحمل العطر والحلـوى جمـاع اقفـاش
باخلص الشيـخ دينـي قبـلما اتونـش=ماشي بنقبل نكل من مـال حـد ببـلاش
وعا له الحـق لـو يشتـي لبننا نـش=وصلت لا ذا العلـم ونتـه لـك الفنّـاش
والحوم بالزاد من حس الحمـى جـوش=البارده لك وانا لـي الحـوم والجـواش
والختم صلوا على احمد ما الصباح اغبش=وما قـري بالقلـم والقارعـه والقـاش

ابوبشار
23-03-2009, 02:08 AM
تعقيب الشاعر قاسم يوسف صالح بن علي عطاف ابواسمهان







يابنت محبوش يمه طال لي عمرش=يامن وفيتي بوعدش ربنا يرعاش
يماه لو تطلبين الروح في امرش=وليت لعمار تُهدا كان عمري جاش
اماه مشتي من الدنيا سوا جبرش=معاد شيئاً على بقعا معي يسواش
تسعه شهوراً خلط دمي معا دمش=بالبطن تحت الرئه والصدر والاوناش
وبعدها اعوام اتغذيت في حظنش=مابين ليسر وليمن ذقت من اغلاش
واعطيشني اسم اتسميت في عمش=قاسم بدل قاسم السياف والهواش
وهديشني سيف ابو حدين من جدش=باذود فيه الهبرّش من خدم وحباش
استنفري يالحليله واحسمي امرش=وجيبي ابيات ذي ماخزا بها واختاش
جيبي قوافي جميله نقش من بدرش=من نحت لجداد نقي الصخر والمنقاش
وجمعي اللول والمرجان من بحرش=ذهب والماس مرسومه زهر وانقاش
واتحرشي بالقوافي من هجم دربش=صديق قد باعني بالرخص والبلاش
يهوين ذي بحسبه سافع طلع هبرش=وباع لجناح واصبح طير دون ارياش
ظعيف مهما نهض بالذيل او فرشش=من مفترس لا فريسه سار بالمجراش
ما اليوم باشغله فراش بالمفرش=من شيخ شاعر محنك كان الى فراش
واطرح معه من يعينه للغنم ينهش=راعي وجزار للذباح والكراش
يحلب ويرعي وجنب البيت لو قرش=يبني زرايب جديده للغنم واحواش
اتهددي يالحليه واظهري سحرش=واهزمي بالقوافي كل من عاداش
شيدي مباني قويه وارفعي جسرش=واحرقي من تطاول او وصل مبناش
لا ترحمي من تجاوز او عصا امرش=ارمي عليه المحرم سم من مذراش
ذلّي الذي اتآمروا من قصدهم عثرش=شلل تحب الاذا والغش والهماش
اسقيهم النار حامي جمر من جمرش=الموت لا ترحمي من يقترب مرماش
ضعاف في سعيهم ما يظعفو قدرش=مهما اسائو ابد ما يوقفو مجراش
اذا الثعالب عوة سرحان ما يهرش=ولا اسوداً تعيش اوكارها تهتاش
اسمي موقع بظهر السيف ذي يرهش=ومن يواجه بميدان الادب ما عاش
ختامها كل ما طش الندا غبش=علا شفيع القيامه ليلة المهواش






تعقيب محمد يحيى المحبوش ابو يحيى







يقول محبوش ببصر صاحبي عشش=يشكي ويبكي خسف راسه من الكشكاش
من بعد مكوى شريكه بالكبد تشتش=لما رجع لاطريقه ابتلش واحتاش
رجع يولول كما المرحوم بن لطرش=وحجته باطله ع الناس ياعماش
نصيحتي يلحقه من قبل يتكلبش=وقبل ما تستفخ لوما اتعض لمشاش
ذي كان بيسايره نجمه طفي هفش =وقفّل ابواب اسواره مع الاحواش
واليوم يابن علي عطاف قد نوش= بارق وراعد تحرقد عُقبها رجاش
رخصت لك في طرف ساقيه تتهمش=واليوم ريشك بشوفه قد بداء الجنفاش
عادك بجحله وطربش لك بها اتخندش= وخل منهو صليب الرأس للنواش
محبوش ذي علملك ياذاك تتركمش=وطلعك فوق بابوره وياقراش
لولاه من بقعتك ماظن تتحشحش=كانك على البيض حافش مثلما الخُفاش
سمحت لك في قناعه لاجل تتهرش=بشرط واحد تبطل مهرت القدفاش
وبعد تحذير ع البابور يتجحشش=والخوف لايبتدي الماطور بالبواش
باطلعك رأس ضوحه مُفجعه وابهش=لاهزّه الريح تسرح خلفها كنداش
ويش اكلفك حمل فوق الحمل تتقنش=رجليك ماتحتمل للجري والعنكاش
المجد مجدي وصعب امجاد تتشوش=كنوز حنشان آلت هام للحنّاش
بالله محميه على اقفاصها اتحنجش=ولمن تجاوز حدوده حده البطاش
لاقال ماقال يثبت فعل ماهوش=وهو مغمض يسوي للنصع نتاش
وانته تعبّر امامك واحد اتجرش=شوف العبر واعتبر واتجنب النخاش
من عاد للحق واتقنع بما غشغش=اتلاحق العافيه من غرفة الانعاش
ومُدمن الوهم بايذهن وبايترش=يصبح ضحية دسائس مُتقن الحراش
وبالنسب لك قديه منها اتعيش =من غير هروا بنا مابي هُرا العفاش
اغرف وحاذر لحوضي العذب يتخربش=لوماكفي رُح لبن عمك معه رشاش
قسمك معك ناصفه في قلتك اتهندش=والدوم لك والعجم يهناكم الطرماش
في عُرفنا سهم لك لاانته سمحق ابهش=لاانزاد عُصبه قصب ومعصبين برياش
وغيرها لابري واسمع وشفني اطرش=لكن معي قلب مايهرج من الهرباش
وبالنبي ختّم اقواله ابومحبش=تعقيب شاعر حروفه مابها هباش

ابوبشار
07-04-2009, 02:58 AM
بدع الشاعر محمد صالح عويضان مرسل للشاعر قاسم يوسف صالح





ابو محسن عليك اتوكل *يا مطلوب اخر واول=عندك ما عسر يتسهل*فرج همنا والكربة
يا سامع دعائي يا الله*ذي تسمع دبيب النملة=شف حملي ضناني ثقله*وانزادت سنين الغربة
عبدك يشتكي من بعده*يا كم له يجر النهده=حتى لو رفيقه عنده*ايام المهاجر صعبة
بذكر مطرحي والبقعة*وانزادت بقلبي وجعة=حلمي بالسفر والرجعة*لا وكر الهناء والرغبة
وانته لبني يا الهاجس*قد بوحي بكبدي فاحس=رتب لي بناء متجانس*وثق ع الحيود الصلبة
با اجهز رسولي باكر*لو قد شفت امره سابر=خطي با ارسله ع الطائر*والعطر المغلف جنبه
با اتخبر على ابو سومة*كيف حاله وحالة قومه=هل اوضاعهم مرزومه*او قدها بتلهب لهبة
لا ق الحال باقي جامل*با اسمع ايش اخر زامل=وان قد جاء القعيطي كامل*بو سومة انا من حزبه
بو مدعر ونعم الصاحب*باادافع معه واضارب=لان الوضع شكله خائب*جوه اهل القعيطي عصبة
رغم اني اعرفه ما يفزع*له قرنين فيها يردع=لو جاته فرق من مرصع*من قرب امامه ذبه
بو سومة توقع هرشة*ماداعي لكثر الربشة=من جاء قال انا ابو حبشة*صلح في اذونك عطبة
ما يدوك دحن الساعد*وانته مثل صخرة جامد=واقف للثلاثه واحد*قد صديتهم في ضربه
ما احبوا ان احد يتوسط*قبل الوضع ما يتلخبط=والا حد مراده يغلط *يحسب حد بيده لعبه
كنا با نشوف الحاصل*وانوقف لذي هو عاطل=لا اتسرع ولا بااجامل*با اقص السبب والسبة
والتاليه هذه تركة*يا ابو سومة اسلاء وادكه=تقسيمات مثل الشركة*كلا بايروح نسبة
ما احد جا لها بالظلمة*كلا بايروح قسمه=حصة ابوه والا امه*والشطاح يطرح جنبه
والله ما يحصل فكه*لو قال ان بقعاء ملكه=والميري معك بالشكه*وقت الجد ماشي هربه
واحسبني بجنبك واقف*لا اتردد ولا انا خائف=ياتي برد والا صاعف*جنبك للمهام الصعبة
ما با اسيبك في حالك*لو با ينكروك اخوالك=با اسويك مثل امثالك*حسب المعرفة والصحبه
هذاوانت ردك يوصل*اقصد يا فتى واتزمل=اشهر ما معك لا تبخل*اسبح بالنهور العذبة
واختمها بذكر الطاهر*طه ما يشن الماطر=ذي له سار حاجه زائر*طوف والتوى ع الكعبه

[/align]







جواب الشاعر قاسم يوسف صالح بن علي عطاف ابواسمهان




يامرحب بشاعر حساس * اهلاً تاج عالي ع الراس=في شاعر كلامه الماس * اعطيته بقلبي رُتبه

ابومحسن ونعم الانسان * له حكمه وعنده ميزان=فارس معتمد بالميدان * اقواله عسل من علبه

قُم ياطير ارحل بالرد * رفرف في جناحك واصعد=شُل ابيات فيها مقصد * الا انسان رافع جنبه

قُل له ياعويضان اجمع * من عرافنا والمرجع=واصحاب الصله والمنبع * اهل المعرفه والحُسبه

ناساً يعرفون التاريخ * امثالك وامثال الشيخ=مهما جين منه فذيخ * او اعلن عليا حربه

ظُم العيسائي بوعمار * الى جنبك وبعض الشُعّار=مثل احمد واخي بوبشار * قدكم لذكياء والنُخبه

هذه تكفئه بالمكتوب * بعطيها الفتئ بوايوب=باحطه محامي مندوب * لو تم الرضى والرغبه

ارجو حسمها يا الاخوه * قصوا الأمر خطوه خطوه=مااشتي من بلدهم رزوه * او حب المخازن حبه

شلو ذا الثقل من عندي * ذا سيفي وهذه يدي=مانا ضالعي او حدي * قاسم مائها والتُربه

قاسم ذي تبدل قاسم * هذا الامر عندي حاسم=واقراء ابيات فيها راسم * شوف السيف واقرا قلبه

DNA بفحص دمي * يتقارن بخالي وأمي=يثبت سيف قاسم قسمي * سيف الموت باول ظربه

عندي هاجسي وابياتي * تتناسب معا نغماتي=من شعري ومن كلماتي * تطلع جوف خصمي لهبه

يالمحبوش خل القذال * شف صوتك بحاجة عدال=صبري كان حب الاخوال * والنادي الابي والصحبه
اتمنيت منكم تشجيع * تعطوني علاقة تطبيع=أجمعتو عليا تجميع * والموضوع بعرف لُبّه

من يحلم بسيفي واهم * سيفي في سمائه تاهم=متشرع مثيل الجاهم * لا يلمس ويصعب سحبه

الا من بيعرف سره * يعرف في صيانت قدره=يتحمل عواقب امره* يفهم في امور اللعبه

خلو ذا البُكا والصيّاح * بالنادي عليا شُراح=كائنا جيت سالم رباح * قدامي وضعتوا زربه

بعد الآن ما بارجيكم * بحجار الحروف ارميكم=والقيفان فيها اكويكم * افضل لو عزمتوا الهربه

مروا بالعسر والسهله * قبل ان تدفعون الفُقله=با رد المزارع جله * والمشيام يرجع عصبه

ماطرح سيفي البتاري * للاعداء الذي انووا انكاري=مهما كانت الاخطاري * لو تقبل يُفاعه قطبه

هذا السيف مانا شاريه * ذا دم العروق الجاريه=يتلامع سهوماً حاميه * ينهي من ارادوا سلبه

باتحدا الخطوط الحمرا * واعلاء قمتاً والصحراء=واغوص البحور الكبرا * عندي للمتاعب رغبه

ابوسوسن ظعيف الحاله * سوف اعفيه عن ما قاله=لكن دون اشوف اقباله * يبحث عن طريق الهربه

اختمها بمن يشفعنا * يوماً تنتهي رحلتنا= في خير العمل يجمعنا * آخر مرسل الله حبه

ابوبشار
07-04-2009, 03:02 AM
تعقيب ابويحيى المحبوش





يلزمني بكلمه تعقيب*لتنبيه بعده مكريب=والترغيب يعقب ترهيب* واتشهد علينا النُخبه
كلمه للوسيط الخايب* ذا الشايب مكانه عايب=المفروض كانه تايب*ويش ابلاه عاجز تُبه
من ذي كلفه يتدخل *من ذي قال له يتفضل=بين الاهل هذا الجردل*ذي لوّث مناهل عذبه
من يدخل بما لايعنيه* ماغير الخزاء بايجنيه=خابت نيته والامنيه*للدم آيقع للرُكبه
متخلف بسن التخريف*جاء عندي مسوي عريف=يتمحذق يقلد حريف* يتمشطح ورجله عضبه
بيلوث زُلال المحبوش* يتهمش بها ذا المعشوش=وايلتحاح هذا الغشغوش*يوم العاصفه لاهبه
مابقبل وساطة فاشل*سجله بالمشاكل حافل=والصالح بعُرفه عاطل*جاء يفسد تُربنا الخصبه
ماشفنا وسيط اتفرع*الا الجُحف ذي ما اتقرع= من حقي دخل يتبرع*حسبها مجرد لُعبه
بين الاهل مثلك مقصور* لك حدك وحدي محجور=لنته جيت ساهن لمصور*مقداره بحسب النسبه
هذا للوسيط التنبيه* تنبيهي مُجرد تنويه=لي ظني فطن مايحويه* ذنبه بالتلى في جنبه
هذا فصل ظني كافي*لاعاد الطريق اتكافي=من عذبي الزُلال الصافي*والا ابتدينا جحبه
وا ندخل مع بن عطاف* لابده نقارب لطراف= يختار الدُرر والاصداف*مابرضى عليه الاُدبه
ياذي جيت تفحص دمك* ذا تنقوص في بن عمك=افخر بالبدايه بأسمك*وبماجدك طرح بالهكبه
ذي ناولت لاايده تكفيه*خوفي لاتزيده توفيه= مدحى جدكم مايكفيه * واتدخل معاه الدبه
حق الوالده في يدي* بايبقى امانه عندي=يتسلم متى مابدّي*اقنع لك وبطل لعبه
رع مافايده تتلبي* في عاجز يرد العلبي=بيقلد ليونس شلبي* متسهن لُقيمه رطبه
لاتسمع لصرف الواهم*كن مثلي خطابك صارم=لايضحك عليك العالم*من شرقه لاقصى غربه
لنته مُقتنع في حكمي* بايفديك لحمي ودمي=لااخترت الطريق السلمي*الصقر ايعود لاسربه

يكفي لاهنا ختمنا* ولله امرنا اسلمنا=بذكر المصطفى اكرمنا* ذي خصه وحبه ربه
[/align]

الداعري
15-05-2009, 05:07 AM
بدع من كلمات الشاعر منصر صالح الداعري
مرسل الى الشاعر قاسم يوسف بن علي عطاف


الداعري قال عيني ساهره=ونوم عيني هرب مني وسار
ايام راحة وباقي ناظره=با خذ من الوقت قسمي والمسار
با تحمد الله ماشي قاصره=حتئ ولا الجار شنوا لي حصار
حصار محصور قد باحاصره=ما دام شوري براسي والحوار
ها بعد ذلحين بأول طايره =يا عازم السير قادر بالنهار
ومر واجزع مساكن عامره=لا ارض فيها تقدم وازدهار
فيها صوالين دهشا فاخره=واخوان كانوا لنا سابق وجار
وقل سلامين ون شي عاثره=با حط جرمل وميجي والقطار
لخمستعشر مشنب ناضره=نمار قابات من وكر النمار
واقصد لنا ذيب رتبه عاشره=لا هو مناضل ولا هو مستشار
يهوين يتبع محرش داهره=ماقصده الا يدله ع البوار
يا قاسم اليوم فك الباخره=والا رميناك فيها بالبحار
من شان بابور بعت القاطره=تركت صنعا وعينك في ذمار
انتو سلاطين فوق الدايره=وحنا لك الكسب لول والضمار
اولاد عطاف منك حايره=مسكت بالخال وانهيت الشعار
ما كان مفروض تلعب باصره=وترخص الساس وتبيع الديار
وبن عويضان ما با سايره=ذي ولع الارض والدنيا بنار
ما وده الا تقع بالحافره=معروف همزه ورمزه والخيار
شف تاج قاسم متوج تاجره=بو حافظ الجيد شله بنتصار
امير بالشعر مثله نادره=شيبه ومعروف يتناخط شرار
وانا لك اخوك سيب القاهره=والا نفيناك من راس الجوار
هذا لك انذار صف الذاكره=من قبل تصبح مضيع بالمطار
وخذ من الروس طلقه شاتره=عسى تخذها بعين الاعتبار
والحق وحده انا باناصره=من يقرب التاج دمرته دمار
ولك من الورد باقه زاهره=ون تعشق الشر باشرتك بكار
على المشفع لنا بالاخره=صلاه مالليل يعقبها النهار[/QUOTE]




جواب الشاعر قاسم يوسف بن علي عطاف



[/size]

يقول ذي مسكنه بالغافره=عند الرواسي واوكار النمار

عند الفجئ والصقور الكاسره=والذئب ناجئ معه مرعى وغار

نجمي تعلا النجوم السامره=بين الروافع معي وادي ودار

تعرفني اعلا الرواسي القاهره=عند المحاجي بنينا والوقار

منها رميت السهوم النادره=من وكر لجداد بطلقها جمار

اسقطت مولا القرون الجاسره=مثل ابن يحيئ واعدائي كثار

الداعري اليوم قرب صابره= كفين يمنا وصفعه باليسار


باطير الجن لوبه ساحره=وبا تموت الشياطين الكبار

شف ابن عطاف ناره ساعره=تشهد لكامه وطينه والديار

وتشهد اسجال ذي له عامره=اسأل عليا وعنك كل جار

فتح عيونك وعيد الذاكره=عمر الاسد ما يقارن بالجعار


كنت احسبك ما تجيب العاثره=ياكم نصحتك وحذرتك مرار

لا تقترب با تقع بالقاعره=مشتيك تقبر بتبني والحزار

المحبشه شف شلل متناثره=وتاجهم لي وفوق الراس صار

شفني سحقت السهوم العابره=ووقفتها قبل توقع انفجار

الفسل ماباه او با سايره=والجيد بهدي وسامي والسوار

ليش التحرش بخيرت دافره=بومحسن انسان متفهم وبار

بعد التوسط لمه بتشاجره=راجل دفع كل وقته والضمار

من ينكر الخير ريحاً عابره=او مثل دخان متصاعد وطار

اومثل رحال صحرا داثره=بتظيع خطوات رجله والاثار

شف جدكم جيد لانته حازره=نمار واجه وقاتلها جهار

ذي كان يقنص وعولاً كابره=وكانة الصيد اكله والسبار


اطرح حجارك وحيد الدائره=شف ما معي الا المطارق والصبار


بادمرك من حيات الظاهره=وموقعك يوم با يصبح هدار

هذه نصيحه ومني بادره=عساك تاخذ بعين الاعتبار

ختامها ذي ثيابه طاهره=صلو معي ع النبي ياكل بار [/QUOTE]

الداعري
15-05-2009, 05:10 AM
قصيده من كلمات الشاعر يوسف عبدالله بن عتيق
وهي مرسله الى الشاعر قاسم يوسف صالح بن علي عطاف
ابدع بربي وبأسمه من بدع بسمل=من اكتفل بي وامي لم تزل حامل
والله هوه ذي خلق الانسان واتكفل=كلاً وله قسمته وربنا الكافل
وكنت بين اخوتي مولودها الاول=سهرتها ايام بل اشهور بالكامل
مسكينه الام كم تصبر وتتحمل=ياكم وكم قدمت لي من ونا جاهل
والاب من شاننا يومي وهوه يعمل=وكل واحد بهم بالخير يتفائل
كلاً بهذا الولد بالخير يتأمل=والعالم الله يصلح واقده عاطل
والوقت كله مراحل فيه نترحل=واحد بيقبل وواحد مننا راحل
وانا من العاشره قد كنت لايعقل=صغير بالسن بس العقل متكامل
وجدت نفسي مع الشعار بتزمل=مافيش موقف حدث الا ولي زامل
وكل من شافني قالوا الوليد اخول=كسبت حب البشر والاهل بالكامل
والجد يوسف رحم ناولني الجرمل=ناولني الجنبيه تقول باقاتل
وقال حافظ على الناموس لو تقتل=وبعد عبدالله ابني انته العاقل
وبعد ذلحين سجل ياقلم بركل=والكلمه العاثره مانا بها قابل
طاب السلاء طاب مادام الحمام ازجل=من يالله اليوم ماتسمع سوا الزاجل
ويارسولي جباك الخط واتوكل=الى ارض بلقيس ذي قاسم بها حالل
وسوف يستقبلك في حين ما توصل=ولاتقع شي زلب قله على الحاصل
واهده له الورد ذي خذنا من المشتل=واهده له العود لنه جيد يستاهل
قل له الى الله كم بدعي وبتوسل=ياشوق قلبي متى ماسمع خبر عاجل
والصبر حكمه ومن يصبر ويتمهل=لابد ياتي الفرج من ربنا العادل
هذا خرج فصل والثاني قد اتعدل=ماشي بقاسم سخى من ناري الشاعل
حتى لو القلب منه باللهب يشعل=خلاص باسجله انسان متخاذل
ذي كان بالامس بيهني قد اتبدل=والآن يشتي يشل الورث بالكامل
وفوق يوسف رجع ذلحين يتزنقل=وقام لي بالحجار الدرم بيدابل
ايضاً وعاده نطق عني كلام ارول=واحمد بن احمد معه بالكذب بيجامل
من حق من قلنا ياذي بتتجمل=من حق من يوم بتقطب وبتناول
ماعادشي حل ثاني غير ذاك الحل=والشيخ لاقال هوه ذي كلمته فاصل
ومن اندعي كذب شوفوا الكذب بايكمل=لاتفتحوا سوق شوفوا الناس بتماثل
وان كان لك ورث شف جدك ترك مكحل=دور ورا شرقذه ولا في الكاحل
سيره ترواد لنه من جري هرول=ياذي بتجري ومن تحتك حجر راقل
ياقاسم ارجوك تتعدل وتتمثل=قدك معلم وشعرك عندنا هايل
وبالميادين يلمع سيفك المسقل=والمعتدي من تصبح دمعته سايل
والجيد من قال انا ويحُف بالمحفل=ويشل كاس البطوله مننا شامل
حرام نجلس انا وياك (نتسبل)=واطياننا بالذره والعوبلي سابل
ومن تسمي بغيره سوف بايخجل=ويعرف ان مطلبه بالتاليه باطل
خليك في صفنا ياقاسم الجنتل=وبانشكل تحالف شبه متكامل
ومن تطاول قطعناها من المفصل=وبانقع لك بساعات البلاء عازل
مثل الرواسي شوامخ مابتتحلحل=ومن تعدا حدودك يعتبر فاشل
اما بن الخال يحيى سهل لا ميل=مابانعول على ذي هوه (صبح ذابل)
وابو بلال البطل بيقول دمه بل=حتى احرقه وارمه الجثه على الساحل
ولا هنا من فتح ابوابها قفل=ولك تحيات من بو سوسن الباسل
والختم صلوا معيا ع النبي المُرسل=شفيعنا حينها من ناره الشاعل



جواب الشاعر قاسم يوسف صالح بن علي عطاف
يا ساري الليل عبر النت اتوقل = بالزمك ذا جوابي وانشره عاجل

عبر النوادي وبالكيبورد تتسجل = لا نادي اهل القعيطي مر ياراحل

اطلع على النت في شاشاتها اتجول=بين المواقع وفي نديانها حاول

لا موقع الشيخ والديوان باتوصل = اعطه ورودي مع اغصانها الطايل

وعرف نفاح بالريحان ذي تشمل = شقر وازاب متنوع ومتداخل


قل له كتابه وصل يا ليت ماارسل=وليت ما انشاء دروب الفصل والعازل

والآن لا بد ما يدفع ويتفقل = على الاسائه بدون اسباب او عامل


كلام جارح ومفرط دون يتثقل = حجار اجتني ولاعرف ليش بيجادل

يقراء في التكفئه ذي اعطيتكم اول = حطيت اماني بكم وحكمكم آمل

خمسه وساطه وابومحسن قد اتقبل =وثائقي كامله والفحص متكامل

واليوم من بين خمسه جيت تتسلل =لاجل تظعف نقط موضوعي العادل

حرفت ماقلت بابياتك بتتزمل =راجع حسابات يمكن عنها غافل

وقف حجارك وخل الرجم والمدبل =ما ينفعك ذي عطاك احجاربتدابل

هذه قضيه لها ماضي ومستقبل =فيها شُعب ملويه طالع وشي نازل

شف شرقذه ماقدرت امغط ولا اتحمل =وكل ماجاء ببدعك لست به قابل

ايضاً تسبال ماعندي لها مدخل =ولا بحوضي لها تاريخ او سابل

العُر هو هاجسي من يقربه ينشل =لوحن سيلي المعمم بالشجر مايل

يدهم ويدعم في السيله ويترقل =شليت كل العرم في سيلي السايل

سحبت ذي كان قلعه قط ماتقلقل =وكل مؤذي ومتقطرس معي زايل

مالومك انته ولومي ع الذي مول =واعطاك احصام فيها السيل بتدابل

بويحيئ المفتري والحاج ذي اتجول =بوسوسن اللي طفي وبيعتبر راحل

غروك عني وردو عاليك اسفل =وانا الذي صحت لك ياشيخي العاقل

هذه العبارات فيني ليس تتمثل =ولست بياع في اسمي ولابادل

الاسم قاسم بدل قاسم ولا اتبدل =باشل مملكة اخوالي في الكامل

حطيب ملكي وحربوبك لي اتحول=وعادنا شل حيق الواسعه كامل

باكوّن المملكه والاسم بايحمل = ثلاثه ال ( ح) باسم الفارس الباسل

با غيّر الاسم والتاريخ والجدول =في اسم قاسم عساك ان تفهم البازل

هذا قراري صدر ومن رفض يُقتل =وبغرقه بين بحر الشعر والساحل

الجنبيه لك مع الدسمال والجرمل = اما الهواجس فكانة قسمي الحاصل

ختامها بالنبي ماسيلها سيل = وكل ماشن ماطر ع الوطن كامل

الداعري
15-05-2009, 05:14 AM
بدع من كلمات الشاعر قاسم يوسف صالح بن علي عطاف
موجه الى الشاعر يوسف عبدالله بن عتيق



بنيت ابيات من خير ابتكاراتي = حروف دونت باقلام الذهب والماس

من نوع نادر صنع بااجمل مصباتي = انتاج فكري وممزوجه من الاحساس

فيها منى مُهجتي وقطر دمعاتي = وافواج آهات تتردد من الانفاس

تحمل دُرر هاجسي ونقش لوحاتي =ابيات شعري بكفات الادب تقتاس

عندي هواجس بها سطرت صفحاتي =وانشأت شعري على عمدانها والساس

بين الحقول الجميله صغت كلماتي =نفحاتها الورد ذي باغصانها مياس

لكن خصومي حجر عثره لخطواتي =وآخرو رحلتي والوقت كان اعكاس

قاموا حواجز حُفر وانشوا مطباتي =مرادهم عثرتي واعلاني الافلاس

الآن يا مرسلي قُم شل ابياتي =كلمات مثل العسل واحرق من البسباس

فيهن حوالي وفيهن من مريراتي =الى عند شاعر عهدته بالادب نبراس

الشيخ يوسف تبلغ له تحياتي =واخبره ان عهدي فيه لن ينتاس

مهما تكون العوائق والمكيداتي =العهد والوعد معيار الرجل والكاس

قهري من اللي كلوا دخني وبراتي =ورجعوا لي بدل بري غبا وشراس

اللي انكروني واختاروا معاداتي =المفتري الحاس والخداع ابو نواس

ذي اتصعدو بك عليا لاجل اسكاتي =مرادهم يدهفونك الى ركب طحاس

عندك بحورك وانا عندي محيطاتي = انا لي السيف وانته نمشتك والفاس

جهزت كامل قوائي والمعداتي =للحرب جاهز متى ما دقة الاجراس

بابني قواعد ومنها اشن هجماتي =باحتل حيق الوسيعه واسجن الحراس

تصبح اماره كبيره من اماراتي =باغيّر القائد المغرور والفراس

واكون فيها الملك مولى الجلالاتي =السيف بيدي وتاج المملكه ع الراس

وانعمل افراح فيها واحتفالاتي =واكون والي وحاكم ع البلد والناس

واقيم فيها الجوامع للدراساتي =والشيخ باحطه الاستاذ للدراس

واستشاري سيتولى اداراتي =يعرف لحل العُقد والربط والخلاس

واحمد بن احمد سيتولى دفاعاتي =واسلمه محكمة لعدام والحباس

واعطيه رُتبه وزيراً في خزاناتي =راجل ذكي يعرف الميزان والمقياس

اما الجماعه سيتولوا الصياناتي =شغلاتهم باتكون الغسل والكناس

واوقات يرعوا المواشي في زراعاتي =بوسوسن ايعتمد للذبح والدحاس

اما حقيبة ابويحيئ كما ياتي =بتول بالطين للترّاب والنياس

هذا قراري صدر يعمد كماياتي =باينتهي عهد فيه الكذب والهلاس

ختامها بالنبي بازكى صلاواتي =شفيعنا يوم تحشر جنها والناس


جواب الشاعر يوسف عبدالله بن عتيق



يالله ياعالم اسراري ونياتي=الطف بعبدك وسالك لا ترينى باس
واعوذ بك يالاهي من حماقاتي=واعوذ بك من شرور النفس والوسواس
والحمد والشكر لك في كل حالاتي=واستغفرك في دناياها وفي لقباس
وازكي صلاتي على نوري بظلماتي=على محمد رسول الله خير الناس
وبعد ذلحين ياغالي بنظراتي=سليت قلبي ومسمست الكبد مسماس
اجلس معى وجب لي قات من قاتي=من شان ينظم معيى هاجسي الهجاس
وهات لي القبضه آنفتح ملفاتي=خوفي لعى اصبح ضحيه مثلما العطاس
من بعد ماكان هوه مولى القراراتي=اجى الخجيفه وسي له بالتلا كرباس
وفي فلسطين بعد الانتخاباتي=ربح هنيه ولكن شلها عباس
زمان لا صحت من بايسمع اصواتي=وعاد بعض البشر بالكذب يادلقاس
والآن يامرحبا في ضيفنا الاتي=حيى وسهلا على عيني وفوق الراس
شاعر محنك وعاده في البداياتي=ومن يروم العُلاء لابد من كراس
شف لي ثلاثين عامآ بكتب ابياتي=وانت تشتي تصل لعماقها درباس
وهاجسي والحليله خير ثرواتي=ونته قد اعطاك ربي المال بالاكياس
ياقاسم الجيد لا تحلم بمدكاتي=والسيف لي وانته الشفره مع لمواس
باحط لك سجل وابصم لك ببصماتي=وباندلفس كلامك ذي صدر دلفاس
والملك لله لو تفهم عباراتي=ما عاد داعي لكثر الضغط والرفاس
اقنع بحقك وانا باقنع بحقاتي=ومنطقي الصدق ما يعجبني الملاس
عارف بحبك وانا عارف بحباتي=وغيرنا يعرفون الدوم والبلاس
وانت دايم لهم رهن الاشاراتي= ياحسرتي اليوم تمسك في صبح نواس
وانا الذي بحسبك خيرت خياراتي=وانا لكم وانت لي وقت البلى متراس
والاجنبي سوف يحرق في شراراتي=واذا رميت الهدف بافلسسه فلساس
وكم من المعتدين يشكون طعناتي=حتى بن الخال يحيى سيت له بركاس
ماحد معه مقدره يصمد للكماتي=ومن يحاول برده دايمآ ريواس
والنصر لي دايمآ والفوز عاداتي=والتاج ملكي ولو بادحم على لضراس
فارس وعارف متى بحسب حساباتي=والوحش في موقعه بايبسه يباس
وابو بلال البطل رغم المسافاتي=لكن متى ما نديته قال حاظر ياس
قدهوه ذراعي وجنبي طول لوقاتي=وبحسبه دايمآ من خيرة الاجناس
قمنا تحالف وفي كل الولاياتي=خذنا شيكاغو وواشنطن مع تكساس
هذا قراري وخذته من قناعاتي=وانا الذي قمت بالتصميم والهنداس
ولا هنا والسماح من اي زلاتي=من بعد ما بت طول الليل يانعاس
ونشي غلط وضحوا واحكم بغلطاتي=قد بعرف الصوب والناموس له لباس
مانا كما ذي يحبون الخصاماتي=ومن ورى الكبر قد والو البلد جداس
وازكي صلاتي على نوري بظلماتي=على محمد رسول الله خير الناس

المحبوش
24-09-2009, 09:34 PM
بدع من كلمات الشاعر محمد صالح عويضان
مرسل الى الشاعر قاسم يوسف بن علي عطاف



عجائب يا زمن كلك عجائب=ضعيف الحال بك تاعب ومغلوب
تفرق اهل وابعدت الحبائب=وقالوا الناس ذا قسمة ومكتوب
ويتناسوا المصالح والمكاسب=نسوا ان كلا بقدر المال محسوب
بقدر المال با تاتي المناصب=من اترقى يسونه شخص حبوب
اذا اتكلم خطاء سووه صائب=ولو هرجه حوى زلات وذنوب
ولو يصدق قليل المال كاذب=حديثه دائما ناقص ومكذوب
خسارة يا زمن كلك غلائب=فؤادي دائما حائر ومتعوب
من الاوجاع والاتعاب شائب=تحملت الردى والهم مغصوب
وذا يا مرسلي الوقت المناسب=لقاسم صاحبي غادر بمكتوب
ورشرش مجلسه عطر المضارب=وعودي يوصله من خير مجلوب
سلامي يبلغه سنة وواجب=ومن عنده حضر بالجمع محسوب
ابو سومة ونعمك خير صاحب=ومن اسرة علي عطاف منسوب
بغيت اتخبره بعد المتاعب=مع اصحاب المحاقن واهل حربوب
وذي من حيق قد حاك المقالب=وهو مسكين بالاشجان مكروب
ويا ما نقصوا قدر المواهب=وقالوا حقنا باسجال مكتوب
وبا ننفي الدعاوي والمطالب=من اتهور تجاهه حيد منصوب
وبا يرجع وراء مدحور خائب=ولا عمره يروح حق مسلوب
توسطنا وقلنا با نقارب=اسر تفريقهم نقدة ومعتوب
وسووني انا مخطي وخارب=وقالوا انته سبب الاشكال والحوب
وانا حاولت اجنبهم متاعب=ولا اشتي منهم ماكل ومشروب
وبن قاسم بقي مسكين هارب=مراعي مصلحة مسكين محنوب
ولا يخشى مع اصحابه عواقب=دخل سوق البيس لعبة وملعوب
شريك اصبح مراعي للمكاسب=ومن اهله قده مبعد ومحجوب
وحلمي خاب واصبح حلم كاذب=بحسب العرف صار الحلم مقلوب
ويا قاسم انا وانته بقارب=حذيرك لا تهرول بعد مجذوب
تجنب من ثمر طينه عواكب=وساير ذي قده صادق ومجروب
وذكر المصطفى خير الحبائب=عدد ما ارخى المطر من كل جلبوب

المحبوش
24-09-2009, 09:34 PM
جواب الشاعر قاسم يوسف بن علي عطاف



بمن رفع السماء وانشأ الكواكب =وصاغ الارض فيها كل مطلوب

بسرّه كوّن افواج السحايب =لها بارق ومنها القطر بيذوب

شراب الحي منها والترائب =ويشرب منها ظاهر ومحجوب

غلافاً سأ على الدنيا وحاجب =معلقتاً كُره ميزان بتلوب

وبعد الآن ياصقر الروائب =تحمل خط بالبارود مكتوب

على خط الأمل ارحل وحاسب =لان الوضع متعقّد ومعكوب

وسلم رد محسوم العواقب =ابومحسن مع تحذير مصحوب

رساله طيب من كل الجوانب =لاني سرت من ما قال مكئوب

ابوسومئ يقول النوم هارب =ثمان ايام بتنهد ومغلوب

كذب من قال ان الوقت عايب =ولكن بالزمن عايب ومعيوب

برى ان العدل للمظلوم غايب =ومن يجرم يرد الوقت مذنوب

كذا الدنيا بها طيب وخايب =كفاف العدل والقانون مسلوب

فياعويضان اترك ذه الدبايب =شفه بيقع بها عاتب ومعتوب

ودرماح اللحايئ والشوارب =لان البدع بالغلطات مخلوب

اعاتب والزمن مثلي يعاتب =ابومحسن يهاجم دون اسلوب

يقول انّا بقسمها حقايب =كانه للبلاء عاشق ومطروب

يعاديني ولا خاف العواقب =واتناسا وفاء بالامس منسوب

حسبت انه رفيقاً لي وصاحب =كفى يااصحاب بعد اليوم باتوب

صديق اصبح بغمضت عين عايب=وفي لحظات ظني فيه مشطوب

دفعت اثمان صدقي والضرائب =وما راهنت به ميّت ومسحوب

مضه ليام من عايب لعايب =كفايه لا هنا ياصحاب متعوب

خلاص اوقفت وانهيت التجارب =وحبل الوصل بلاصحاب مقطوب

اذا قلت آن حارب من احارب =معاد الا في الميدان شيبوب

ولا باعد جيشي والكتائب =على الاخوال كمن جيد ملغوب

رجال الموت اوقات المصايب=لهم جودات وقت الضيق مرسوب

بني حبشه دفاعي بالمحانب =وهم دماً باضلاعي ولجنوب

اختمها بمن هو خير صاحب =بمن يشفع لنا في يوم محسوب

المحبوش
24-09-2009, 09:37 PM
بدع من كلمات الشاعر محمد صالح عويضان
مرسل للشاعر قاسم يوسف صالح بن علي عطاف


يا الله يا من بحالي والضمير اعلم=وكل ساكن ومتحرك ولك فهمه
يا عالماً بالنواياء وانت بي ارحم=عبدك طلب رحمتك يا واسع الرحمة
خير الخواتم متى ما روحي استسلم=ا دعوك تجعل لنا خير العمل ختمه
والان يا هاجسي ارجوك تتفهم=مشاعر الناس واعطه كل شي حجمه
شفني مضيع كما ساري بليل اظلم=مهما اشرق النور دربي ما يزل ظلمة
يا طارش اسرح مع الطائر متى ما اعزم=وصل كتابي ومن حوض الشقر رزمة
بدون تاخير لو تسمح وتتكرم=عليه عنوان والهاتف معك رقمه
عنوان قاسم معك يا مرسلي محكم=اعطه كتابي وخذ ما جاز من حكمه
سلام له عدما شخب المطر يدهم=لاهله جميعاً ولا تنسى بني عمه
وعود اصلي على الاصحاب يتقسم=من كان حاضر وغائب يوصله قسمه
من بن عويضان ذي هو بالصحب مهتم=يحفظ عهوده ولا با يحتقر خصمه
قاسم صديقي رجل فهمان ما يشتم=للضيف با يجلب المعدوم من عدمه
لا اتخبرك قل له ان الجوف يتكرضم=من وقت فيه البري يتحمل التهمه
اخوك ابو فضل يتلوى ويتالم=ولا تقول ان قده ضائع فقد عزمه
بل قدرما شاف بايكتب ويتكلم=كلام ما مس تاريخه ولا اسمه
ماهو كما البعض ذي بالعافية يكرم=وساعة الضيق با يتحمل الشتمة
بقول له يا فصيح اللهجة اتقدم=لا الوضع ضيق معك قدرة على حسمه
عمد جهودك ونطقك بالعرق والدم=واثبت جهودك متى ما شدت الازمة
لا تبتعد لو قد المكريب يتوهجم=شف عادها واصلة هجمة وراء هجمة
وانك تبى موت غيرك وانت با تسلم=وبا تهرول وراء المصلوح واللقمة
لا الوضع قد ساعدك في الوقت ذي اتقدم=لا تفتكر كل بيضاء يا فتى شحمة
وبعدها با تحول عيشنا ماتم=وايش الذي با تعوض من خسر دمه
ما انا فلاآصيح من داخل قفص مبهم=ولا بعاجل مع الواهم على وهمه
بعمل براحة وبا اسس بناء محكم=ذي لو اتى خصم ما يقدر على هدمه
مهما بذل جهد با يسقط ويتحطم=بفضل ربي ومن ثُمَّ ابو شرمة
وصاحبي لو يترجم ايشما ترجم=مقبول منه وودي استمع نظمه
انسان واعي وكلماته دواء مرهم=وانا لي الفخر في حربه وفي سلمه
واذكر محمد عدد ما راعده زرجم=على النبي ذي اتى بالنصح للاُمّه

المحبوش
24-09-2009, 09:37 PM
جواب الشاعر قاسم يوسف صالح بن علي عطاف



نبدع بمن اوجد الدنيا وطن واكرم=غذائها والهوا والماء والنعمه

اربع وعشرين ساعه يومها صمم=بتدور دور الفلك والعلم هو علمه

سبحان ذي سا نهاراً بعد ليل اظلم=وسخر ارزاق كلاً جاد له قسمه

قال ابن يوسف نبع قيفان واتنظم=ودوّن ابيات مبنيه في الحكمه

كلمات في ثُقلها تنطق وتترجم=بين السناد الروافع قد ظهر نجمه

وبعد ذا الحين ياصقر الهواء لرقم=انهض جناحيك سرعه اوصل الخدمه

بالفجر بكّر عسى في رحلتك تنعم=سلّم كتابي ابومحسن في اللزمه

اهده سلامي مع ذا خطي المُختم=يحمل شهودي مع التوقيع والبصمه

قل له كتابه قراءته بالوفاء والتم=وصار مفهوم عندي كلما ظمه

شرح همومه ووضع الاُمّه المؤلم=ومابيجري على ارض الوطن عمه

قال القعيطي تعهد هاجسي وقسم=ان لا يبالق ويعطي كل شي حجمه

يابن عويضان واضح حسب ما تعلم=شف فاقدين المصالح مالهم ذمه

راحوا اقتيالات ذا يُخفى وذا يدرم=مثل العصابات كانوا من لقي طمه

في البدايه كسيل العر لاتكرم=والتاليه مثلما الشخلول بالعجمه

ضاعوا وضاع الوطن في قبضت المُجرم=مع اهل صنعاء رجال القات والشمه

ابا اسالك ليش عرش الظالم اتحطم=وليش جيشه نُسف ذي كان بالقمه

فينه مطيع البطل والفارس المُكرم=وسالمين الذي لو قالشي تمه

تبكي عليهم عيوني دمعها من دم=راحو سدا في جناح الليل والظلمه

غابو وغاب الامل للشعب ذي سلم=الامر لله مولى العرش والرحمه

والتاليه سلموا الباقين للفندم=اما الوطن والامل للشعب ما همه

راحو كما القافله للتُهلكه تُخطم=لا سوق جزار بالبارح سمي خصمه

واليوم عنده مطالب بعد ما استسلم=من بعد ما ضيع المحزام والحزمه

عريان شلوا ثيابه والحقوا المحزم=ضايع دخيل العرا حافي بلا جزمه

كيف آنشجع خجيفه قد عصا وجرم=عمل مجازر ولا زالة على اسمه

ياكم اُسر شتته وكم اُسر حطم=وكم هي ابطال في عهده كُسر عظمه

قاسم بربه بدع وبالنبي ختم=صلاه ما رتلوا الآيات بالختمه

المحبوش
24-09-2009, 09:39 PM
بدع من كلمات الشاعر محمد عبدالحافظ العيسائي



ابدع بك ادعوك يا عالم في المكنون=يا عالم اسرار وسط الجوف مكنونه
فيك الرجاء والأمل والظن يالمظنون=في وقت كُلاً وضع ظنه بمظنونه
سالك بلطفك وتوفيقك لنا والعون=وتجعل العافيه بالستر مقرونه
واغفر ذنوبي انا سالك بسر النون= ذي قبله الكاف فيه اسرار كينونه
والحمد لك عَد ما في مصحفك يتلون= واعَداد ما بيتك الطاهر يزورونه
وازكى صلاتي وتسليمي على المأمون= عليه صلوا معي ياذي تحبونه
العيسائي قال يافني حَسين اللون=يا قرهمان الادب والشعر وافنونه
قم رد صوتك وسَلّه حالة المحزون=وانظم لي ابيات بالقيفان موزونه
ضاقت على قلب من جور الزمن مغبون= والوقت كَشَّر عليه انياب مسنونه
والهم خلا طموحه مثلما العرجون=ذي يابس الوقت لين باسق اغصونه
لكن قد النخل طبعه ما يشل الهون=يموت واقف وعمره ما رضي هونه
مسكين ذي ما معه ساعد قوي مفتون= يشل حمله وَهَن غصبا على امتونه
ومثله آلآف من جور الزمن يشكون=ذا سال دمعه وذا سهرانه اجفونه
حال الزمن كم فتى شاطر غدا مغبون=كم وعل نطّاح كسّر وقته اقرونه
وبعد يا طير شل ابياتي الموزون=لا عند من له حروف الشعر مرهونه
وسلِّم الخط شاعر يفطن المضمون= وشيخ بالجود كم له ناس ممنونه
والنعم والله بقاسم خير من يوفون =صديق صادق وفي والطيب مضمونه
سلام له عد زهر الفل ذي يجنون=وعد نسمات عطره ذي يشمونه
لا اتنشدك قل له الدنيا بلا قانون=والوضع معجون فيه الناس مفتونه
والطعن لا ظهر بن علوان والمطعون=ما ظن ينسى نزيف اطراف مطعونه
وذاك في حب ليلى مثلما المجنون=يحوَل وليلى بحبه غير مجنونه
والحب بالغصب باطل قل لذي محنون=نتيجته للفشل لا شك مضمونه
الحب رغبه تفاهم عند ذي يهوون=شريعته بالرضأ والود مسنونه
لكن قد الجهل خلا ذي عشق مفتون=من دون يفهم اصول العشق واجنونه
عينه على اللول ذي في صدرها مرصون=وعالذهب والحلي تتسابق اعيونه
ما قدّر الحب قدْرَه او عرف وشلون=يكون شرع الوفاء .. والبذل وشلونه
ولا عرف تضحيه بالحب عالمزيون =والحب عنده غنايم مال يجنونه
قصده يعبِّر زمانه كيف ما بيكون=وبعدها لا بقي عالارض مزيونه
هذا الذي خلّي اجواء البلد مشحون=وفجّر احقاد كانت شبه مدفونه
ما هكذا الحب ياذي تدعونه دون=ما تدركوا كيف شرع الحب وافنونه
حمامة السلم ذي جت تحمل الزيتون=كيف انتهت في قفصكم ذاك مسجونه
الظلم ظلامات ياذي بالخطا تمشون=والكبر راس الكبائر لا تشلونه
والتاليه بيد من بيده امور الكون=تسريح باحسان او للحب قانونه
الظن بالله دايم والامل مسهون=من جود فضل الكريم الفرد ما دونه
بقول يمكن ولو قد كاهلي مدحون= ماهل بشكّل لدمع ايتام محزونه
وإلاّ فقدهي هنا بين السبل والنون= عدن بعيمي وعندي دوم مصيونه
هذا كلامي ولا شي قاصره تعفون=من جور همي غدت لفكار معجونه
ختمت قولي بذكر الصادق المأمون=عليه صلوا معي ياذي تحبونه

المحبوش
24-09-2009, 09:39 PM
جواب الشاعر قاسم يوسف صالح بن علي عطاف



يالله بفضلك تُمد العافيه والعون=وأجعل حياتي أمل دايم ومأمونه
بمسك بحبلك بدون افلات يامأمون=ياباعث الغيم فيها امطار مخزونه
انت الاحد والصمد والمُحسن المسهون=بابك هو خيرة الابواب لا دونه
يامن نشيت الكواكب في فلك موزون=معلقه في هواء هاوي ومرشونه
المُلك لك لو تقول لشي يكن فيكون=وفي خفايا القدر تعرف بمظمونه
انته رجائي وانت الظن ياممنون=تزيل مني سقم وامراض مزمونه
ترعئ حقوق البقاء ياربنا وتصون=المُحتقر والضعيف اللي يهينونه
اسمع دعائي ومن يشكي وذي يبكون=ومن حياته سُدا بالقهر مرهونه
حنيت ماحن اباً بالضجر مغبون=مقهور لما رئى اولاده ينادونه
جياع بابه بيشكو له ويترجّون=دموعهم دمعة الجيعان مشنونه
نريد لقمه ولوهي خبز بيصيحون =فيها يسدوا رمق جوعاً يعانونه
وامُهم دمعها سيال من لعيون=من جوع اولادها تنهد ومحزونه
اجسامهم ناحله في حالة المهيون=نقص الغذاء والدواء والخوف يشكونه
ياويح قلبه ابوهم صار كالمجنون=من كثر دمعات عينه جرّح اوجونه
ها بعد ياعازمين الليل لو تنوون=هذا جوابي معاكم باتودونه
من ارض باراك ارض العز والقانون=شعارها الحريه والعدل يأوونه
ارض الوفاء والمبادئ عامدة لحصون=حياة من حلّها حُرّه ومامونه
لا ارض ذي ع الحسد والحقد يتربون=والقهر والافترآ دايم يعيشونه
ارض اليمن حيث حل ((الخاين)) المديون=وشعب يركع ورى حكام ملعونه
تسلّم الخط ابو عمّار والمظمون=مع تحيه بروح الروح معجونه
ومن ورود الحسيني رافعة لغصون=والمسك والعود له من كل نامونه
قل له وصلني كتابه ذي بحرف النون=كلمات شعره عسل بالسمن مدهونه
قد نورتني ونارت داري المحصون=فيها نسيج الادب والشعر وفنونه
شكيت لي وضع به خاين وحد مخيون=ياعيسائي امرها واضح ومفطونه
المشكله عالقه في وضعها المعجون=مابين سارق وخاين ذي يودونه
ماتنتهي مشكلتهم في خُطب يفتون=اوبالندآت اوفي حكي يحكونه
الامر واضح وضوح الشمس بيعدون=لكارثة حرب تنهي كل ميمونه
ليش التهرّب من الواقع وما يدون=افكار غير انفصال الشعب يشتونه
قاموا احتفالات للهارب وبيهنون=ولا افتهم لي السبب ماذا يريدونه
من بعدما خانهم بيقدموله عون=وساقهم لا وبا ماركس وحظونه
تسعه وعشرين عاماً ذلهم ويهون=واليوم دار الرئاسه بايردونه
ثمَّ دخل وحدة الطاغيه والنازون=واتجاوب الشعب يالله لاتخيبونه
ذي خان ارضه وباع الجيش والمخزون=ذي كان لازم أمَام الشعب تخزونه
ياليت ياصاحبي من نومهم يصحون=والجهل ذي صابهم ياليت ينهونه
ختامها في حبيب الله والمائمون=شفيع يوم القيامه ذي يحبونه

المحبوش
24-09-2009, 09:42 PM
بدع من كلمات الشاعر محمد قاسم فاضل ابوبلال المحبوش



بدعت القول في رباً تفرد =الهاً في السماء والارض معبود

رفع سبع سمواتاً وشيد =ومد اليابسه والبحر ممدود

وسهل كل شي فيها ومهد =ولبن آدم بها من كل مقصود

فله حمدي وله شكري المزيد =لعافية البدن والحال محمود

وع الاسلام والدين الممجد=عطآ الله ما له اي محدود

وصلوا ع النبي مليون وزيد =على صفوة مضر بالخير موعود

شفيع الخلق في اليوم المحدد=شديد الهول شيب كل مولود

ابو سوسن بجنح الليل لسود =آتاني هاجسي والجسم مبرود

وقد كنت احسبه عني تمرد=لبضع اشهور منّه كنت مكبود

تركني مثل ما الصخر المجمد=وانا ما بين متحدي وعمرود

ولكن ما فسل بادر وعود=وبتنا بالنسم نا ويته اسدود

طرحنا الساس ع الحيد المؤكد=انا ببني وهو شاطر وفرهود

وقلنا عازم الليله توكد =بشنطه للسفر والحجز موجود

وفي اول فوج من اه هير عمد =على عمّان كن ذي حيل مشدود
بباقه من عطور اصلي تزود=بضاعه ما نلى منها اي منقود

وتتلزم بمضروفي المعمد =كما عقد الذهب مطوي ومعقود

لقاسم وصله في يوم لحد =وزفه له مع ريحان وورود

سلامي له عدة ما حن ورعد=وظلي سيلها كالنهر مورود

من الاجواد ذي تحسب وتعتد=تربي ع الكرم قاسم وع الجود

وداعي الخير بيسرع له وجود=بينفق في سخا من قلب مودود
عسى الله يرزقه فيما تودد=فما دام الامل باقي ومنشود
وابو سوسن لاول فصل بند =وحان الوقت لا نشره ومنشود

تقله هيمنة حسنى تبدد =تركها صاحبك لا ما ولا فود

وجل الشعب بالعيش المنكد =واباما قال عاد الوضع نو جود

بعيده عودة الوجه المهرد =لما كانت عليه ايام لجدود

وواهم من يظن الظلم سرمد =نهاية كل شي حتمي ومشهود

وحلمي في العرب بابه مؤصّد=لما بن شاهده من قمع وقيود

ورى الاعداء كلاً حاز مقعد=محاور قسمونا اتراك وهنود

لبسنا الذل والعار المؤبد =وصرنا للحمم والفتنه اوقود

وآخر ع اليمن شعبه مشرد=لاجل العيش يبذل كل مجهود

بلاه الله بجمله ناس حسّد =ولا ابغت للمواطن اي مردود

عصابه تنهب الثروه وتجحد =تسوق القافله لا باب مسدود

وآخر فصل في صعده ومقود =مجهز لك وللشيخ ابن مسعود

تريدوها لكم بارد مبرد=وانا ويت اخوتي تديوني لحيود

وكلماتي لها الجمهور يشهد=حروفي ناصعه تنفح كما العود

وابو يحيى معي بيرخى وبيشتد =وبعض احيان طبعه مثل لحود

على غلطه بسيطه من محمد =تجاوز عام له قاسي ومحرود

وطرفني انا للاخذ والرد=وقدامي نمور القاب واسود
وماهل قد محمد نار توقد=وسيفي للعداء جاهز ومحدود

وصلوا عل نبي مليون وزيد=على صفوة مضر بالخير موعود

شفيع الخلق في اليوم المحدد=شديد الهول شيب كل مولود

المحبوش
24-09-2009, 09:42 PM
جواب الشاعر قاسم يوسف صالح بن علي عطاف






كريم الجود يا والي ومُعبد = ويا من للامل راعي ومنشود

حمدتك حمد لا يحصئ ويعتد = ودعوات التوسل فيك ياجود

بذكرك تنطفي نيران توقد =متئ ما كنت متئلم ومكبود

تزيل الظيق والاحزان تُبعد = وحبلك للامل واصل وممدود

ابوسومئ يقول يا يوم اسود = خبر مئلم اجئ واضح وماكود

اجاني خط من راحل مائكد =بانه حي متمتع وموجود

ابو سوسن علا قبره تمرد = ظهر غاضب ومتعصب ومحرود

معه سكين بيقاطب ومبرد =وفي يده صميل اعوج وقلمود

اجاني الفجر بيصيح وهدد = يقول ان الوراثه له وموعود

وصلني مبتلش في يوم لحد =وقلنا ليش متعصب ومشدود

اريد اعرف عن الاخرا ومن شد =عن الي قدخطو قبلك ولجدود

زعل مني وقال انئ محمد = عسا هذا كلامك غير مقصود

وقلنا سر دلا مالك تعند =غيابك غير متوقع ومعهود

وما هي حجتك غيبك تمدد =وقال اسجال عندي دون تعمود

اريد ان الحليله لي تعمد = وقل لشيخ يفتح باب مسدود

يعمدها ابو عبده ويشهد = علا صفحاتها من دون تعقود

وقلنا سيفك الي قلت مجرد= هي الابيات نقه حب محصود

هنا الساحه بسيف الشعر تسند=جبالاً تختلف اشعاب ونجود

مسك صدري في اليسرا وهدد =وباليمنا معه ملباج من عود

بتهديدي حسب اظعف وارتد = وانا ابوسومئ البداع ما نود

وجدة ان الولد وضعه معقد =وميزانه ظعف والعقل محدود

نصحته قلت اتوكل واصعد =انا طيب وعندي عقل مرشود

فما تبقا لحد دائم وسرمد =وما تصلح لمتخبط ومهدود

ان ذي خذتها في يوم تعهد=نهار الدمع ظلي فوق لخدود

بيوماً فيه شاجعكم تشرد =وبدل حبه الابيظ في السود

رصاصي اصليه من حين يمتد=واما زانتك خرده ومردود

وابوعبده عساه اليوم يسعد =بيبذل من صباح الخير مجهود

في الابداع اسمه قد تمجد =جزع فيها شعب عاليه وحيود

واما صاحبك شوفه تكبد = ابويحيئ بوظعاً غير محسود

بنعمه كان لكن ما تحمد = مظيع سار بيفسر ومبلود

بيتهرول اذا يمشي وجود=ومن كثر الحزن والدمع مرمود

واما عن خبر بقعئ تاكد =مدا التاريخ متخربش ومعقود

فلا بيهمني عباس لمرد =ولا حسني الذي في حزب ليكود

ستبقئ هكذا حتئ تحدد=من الي فوق يتحكم وموجود

ختمناها بمن هو خير موفد=بمن يشفع لنا في يوم موعود
[/quote]

المحبوش
24-09-2009, 09:43 PM
ذابة فؤاي لما شاف النظر = وشمسها اظلمة نصف النهار

الارض مالة وانزاح القمر = حسيت ان الفلك والكون دار

سته وعشرين ديسمبر صدر = قرار تدمير غزه والجوار

لفني وحسني وابو مازن حظر = في جلست القاهره تم القرار

وبعدها يوم فاجأنا الخبـــــــــر = بيقول تمطر سماء غزه جمار

من الاباتشي وإف ستتعشر = والمركفئ والبوارج بالبحار

غزه بتقصف قنابل مُنشطر = فسفور ابيض حُمم ذائب ونار

ونوع تشطير جواً تنفجــــر = فيما تسمى قنابل لنشطار

من صوتها السمع يفقد والنظر = شديدة الصوت وقت الانفجار

شفنا حممها بتشعل وانتشر = دمارها بالضواحي والديار

فيها تعدوا المقابر والشجر = حتئ المساجد هدف كانة مرار

خمسين مسجد حطاماً مندثر = ساحاتها والمنابر والمنار

قاموا الصلوات باجواف الحُفر = بين الدماء والمصاحف والدمار

هذا حصل بعد اعوام استمر = ظلم التآمر وآلام الحصار

حصار مؤلم ومن بحراً وبر = حتئ السماء اغلقوها والمطار

فرعون راهن لنصراً منتظر = لسياده اهل الكوافي والزنار

خابة ظنونه وقلبه انكسر = لما رائ الرد من بين الغُبار

كانة بتطلق صواريخ الظفر = من نوع قسام وانواعاً كثار

اشتدة المعركه والنصر قر = وابطال غزه تهنوا الانتصار

انذل جيشه واتقهقر وفــــر = من دون تحقيق اهدافاً تُشار

قد كان نصراً متوج بالدرر = درر دماء من كباره والصغار

ختامها المسك وارياح الشقر = تفوح بين المقابر والديار

تشمل هواها شجرها والبشر = وتمر لنفاق ذي تحت البرار

المحبوش
24-09-2009, 09:45 PM
بدع الشاعر ابو ايوب القعيطي







ابو ايوب ياقلبي تصبر=ولجل الامر صليت استخاره
وجاءالهاجس معي ينهم ويزار=وتتقارح مع الفاضه شراره
سالني بعد ما توطخ تخبر=عن اوضاع البلد بعد انهياره
وكيفه سور قاسم ذي تسور=وجاب الناس لاحربوب آره
ومملكته ومافيها تطور=وماحقق بها بعد اختياره
لان الشعب من حكمه تذمر=بيشعر ان تعيينه خساره
بلاكهرب ولا ليتات تذكر=ولاماء سي يسقي به ثماره
ولاتوجد طرق اوجسر عمر=وكلن صعدته يتبع حماره
على المحبوش قومها وثور=اخذ هو بقعته والدار داره
واصدر حكم بلصفحات صدر=بتاخيره وقد حاز الصداره
ابو يحي برغم ان ذاك مقتر=اداري مابيفهم بالاداره
ولكن ظلم ماقد قاسم اصدر=بتقريره وما جا في قراره
وابومحس انا ماظن قصر=بتحذيره وطرح الاستشاره
كذب من قال زودها وكثر=ومن شب اللهب يحرق بناره
وبعد الان ياعصفور شمر=تحط الحمل في قصر الاماره
قدا قاسم قل المندوب ودر=تجاوز هو وكيله كيف صاره
وجرحي من يداوي ذي تعور=اوي مرجوم لجلك بالحجاره
فسامحته وهو ذي دمي اهدر=وقد خططت ياقاسم حصاره؟
تمهل ياقويسم ليش تبطر=وراجع مستشارك في الوزاره
ابو محسن ونعمك لاتنهجر=متى ماقال دوري واستداره
واعزل من حكومتكم مجور=وزيرك ذي مضي عالاستماره
وابو يوسف سمعت انه تعور=ويلجا نحوكم نحو السفاره
فشكل لجنتك واكتب بمحضر=تفاصيل الخبر بعد اختباره
تفاقد اصبعه لطول ولقصر=ومنهو منهم كانت سباره
وشف اذنيه من ايمن وايسر= وانفه زد تاكد من فقاره
تاكد هو غلط ولا بها غدر =وفي خطه يريدوهم وداره
وأبو يحي وريثه كيف دبر=وخطط يلحق التهمه بجاره
وفي التاليه يعذر من قد انذر = ومن جاب الخطا جاب اعتذاره
وباختم بالنبي ماقد تبلور=محمد ماحدا يملك وقاره
عدت مالسيل للوديان دفر = وجرجر من وقف له في مساره

المحبوش
24-09-2009, 09:45 PM
جواب الشاعر ابو اسمهان القعيطي
على المندوب ابو ايوب القعيطي






ابوسومئ بشوف الغيم تمطر=وامزانه بترخي في غزاره

مطر سقي بلد ظامي وطهر=قلوباً سود تحتاج الطهاره

رسولي طير في خطي وبكر=بخير ابيات واختار السياره

ومن مزرعة ابوسومئ تشقر=من اجمل عاصمه سر والاماره

توكل من حطيب الواد لخضر=ومن بين الحصون اجمل دياره

قواعد ثابته في كل محور=حطيب المقعطه تاج الحضاره

رموز الفعل والقول الموقر=وفرسان القوافي والجداره

برحلة يوم يا عازم واكثر=وباتنزل مساطر في مطاره

على عنوان بن صالح تخبر=وبا تلقاه متأنس بداره

تبلغ له سلامي الف مخطر=وسلّم له جوابي والحذاره

وروح الروح والكاذي وعنبر=لبو ايوب ذي نال الصداره

رجل معروف عمره ما بيعثر=وكان الصدق بالسابق شعاره

ولكنه غلط فيني وزور=عليا اوراق ما هي من مساره

اكيد انه دخل بالنص لغور=ابومحسن وناساً لا جواره

حجر عثره طلع للشر مصدر=وانا واجب علي اوقف قطاره

وهو باب البلاء دلفس وبخشر=جماع اللي اجيني من حجاره

وقع بيدي كما العصفور واصغر=كشف واليوم با يحصد ثماره

رفع قصره على ارضي وسور=بسد المعركه يبني جداره

يسي نفسه غبي وعجم واصور=وتكفي يالحليم مني الاشاره

هوا اللي ركب الفتنه ودبر=وهو ذي حرشك والنار ناره

محامي للملك قد كنت واكثر=ومندوبه اذا اتحانه وجاره

سيبقا مكتبك والرتبه اكبر=وانته حُر بس اعمل اشاره

انا باحذرك وعساك تحذر=ابو محسن مسايرته خساره

عدوي بعد ما قايس وشبر=نقص وزنه بعيني واعتباره

كلامه مثلما الحلتيت لصفر=اذا اتكلم بتطلع لي الحراره

اكيد انه من الاعمال هستر=دخل سوق العماله والتجاره

معه عدة مواقع ذي تأجر=مخازن للعصاير والسجاره

اخذها كامله جُمله ومكسر=في الاسواق من حاره بحاره

وصلني ذالخبر عاجل واكثر=من الاخبار تأتي من مداره

ختمناها في السيد المطهر=وختم الانبياء كان اختياره

المحبوش
24-09-2009, 09:47 PM
كلمات الشاعر ابواحمد اليزيدي مرسل الى الشاعر قاسم يوسف بن علي عطاف القعيطي




قال المجاهد بالحزام الناسف=اجبرت اوباما لنهج الاعراف
لولا حزامي حط جيشه نازف=خططت لامريكه بحرب استنزاف
البيت لبيض من حزامي خايف=ذي دلهف اوباما الينا دلهاف
ذي جاء في جيشه الينا زاحف=اصبح ينادي في خروجه اسعاف
كابول تشهد والعراق العاصف=ذي مااندفن فيها اوي ع الاكتاف
وبوش بالارهاب ضدي قاذف=صارت دول عظمى علينا احلاف
واليوم جيشه حسب ما هو شايف=والقاضيه والحاسمه ذي ما شاف
واليوم سُبحان الذي هو عارف=وقوته ع الاقوياء بالاضعاف
هو ذي اجبر امريكه يفوز الطارف=حُكمه مرجّح بين كل الاطراف
والآن قُم يامرسلي ع الكاشف=شُل الرساله ليل بيدك كشاف
لاعند ذي قالوا خليفت شايف=رغم ان جده بن علي بن عطاف
سلم على قاسم سلام امضاعف=واهده بخور العود كامل لوصاف
وقل لقاسم ويش ذا من سالف=قد جائنا اوباما بعكس الاسلاف
هل جاء يداوي لقتصاد التالف=وجيشه الغازي منتف نتاف؟
لاتحسب ان الامر هذا صادف=هذه هزيمه لومعاكم انصاف
والمُستفيد انته مكانك واقف=من يسمعك ضنك وزير الاوقاف
يمكن قدك ع الذل لوّل والف=ونا حزامي ذل منكم آلآف
لما متى تصبر وريقك ناشف=والحق باين من لزم به ماخاف
والختم صلوا مايطوف الطائف=تغشى النبي طه وسيد الاشراف[/quote]

المحبوش
24-09-2009, 09:47 PM
جواب الشاعر قاسم يوسف بن علي عطاف القعيطي




يالله يامن بالضماير عارف=ياعالماً ماتختفيه الاجواف

انته اماني والرجاء ياعاطف=الطف بعبدك ياامان المُختاف

رباه جنبني غرور السارف=وشر متلهي بدين الحراف

ذي حقدهم ورّث بكونك صاعف=لارأي واضح عندهم او اهداف

ياهاجسي خير القوافي راصف=كلمات يفهمها الغبي والعُراف

من جوف بحرك نق ماهو كالف=زمرداً غالي ولاُلئ واصداف

وسطر الا بيات شعراً هادف=قرقف عسل حالي وصافي شفاف

قال ابن يوسف عند قولي واقف=وديني الاسلام دين الانصاف

دين التسامح والشموخ النايف=ودين آخر لنبيآ والاشراف

وبعد ياصقر الروابي الشاعف=ياشيمراني بالهوى يارفاف

ودعتك الرحمن خير مساعف=في رحلتاً متواصله دون ايقاف

انزل عدن عند النظام الزايف=حيث السرق والنهب والاستهداف

ابحث على ابواحمد ومن متحالف=من يقرع اطبول البلاء والادفاف

ذي قال واشنطن تخافه واصف=مابين قوله والحقيقه مخلاف

امريكه اقوى حسب ماانته شايف=وحسب لستطلاع وضح وشتاف

اماحزامك ذي وصفته ناسف=كان المساجد مقصده والاهداف

تدميرها والقتل خذ ياطارف=هيهات كم مليون راحة اسراف

دمائنا واشلائنا تتراصف=حتى المُدن خسفتموها خساف

هذه سبلكم طبعكم والسالف=رغباتكم هدم المدن والارياف

انتم سبب زلزالكم والراجف=هبا ضياعاً بالشُعب والاكهاف

ضعتو غباراً في مهب العاصف=رماد يطوي في هواً لفاف

باابقاء على دين النبي ما خالف=وانته مع الارهاب ابقاء طواف
ذكر النبي مارتلوا المصاحف =على محمد الف يتبع آلآف



[/quote]

المحبوش
24-09-2009, 09:53 PM
قصيده من كلمات الشاعر يوسف عبدالله بن عتيق ابوعبدالله




قال ابن معتق معيى سيف يترهمـش=روس العدا دايمآ بيسي لهـا فقـداش
وانـا لـدم العـدا بخـرم وبتعطـش=واعداي من يحملون الكذب والحـراش
وبعد ذلحين قـم يامرسلـي اتهـرش=وشل خطي وسيـره بالنسـم هـراش
لبو بلال البطل الوحش ابـن الوحـش=قله اجاك الاسد ياوحش من لوحـاش
وخبره قبل مـا يختـاض او يتـرش=وقبل ما يخـرج الجنبيـه والرشـاش
قله اجتـك مفـاوض يابـو محبـش=من شان بانتحد ونسي لهـم مشـاش
وباندكـي انـا ويـاك فـي مفـرش=وسوف نقضي على الساحر مع النباش
يكفي خلافات قد كلـن بنـا عشـش=وبخاف لا يندعي في ورثكـم بجـاش
والجيد من قال انا وبما معـه ينعـش=ماعاد داعي لكثر الكـذب والعمـاش
قال المثل من بتل ياصاحبي اتجهـش=ومن يجدس حرم حتى مـن البريـاش
وانا معـي ذره صافيـه مـا تنخـش=مانا كما الغير ذي يتسعـرو بالكـاش
واليوم صفحه جديده ما نبـى نبخـش=قبور والكـل يشتنـى علـى لنعـاش
حرام ياصاحبي نسمـع لمـن حـرش=حرام نصبح ضحيه مـن ورا دحبـاش
يدي بيدك على لعـدا ويكفـي غـش=كلن يعرف بنفسـه يكفـي الجمـاش
مابانعول على ذيهوه كبيـر الكـرش=حتى ولو كان له ساعد قوي بطـاش
امامنا الذيب بايصبـح مثيـل الكبـش=والكبش للمجزره يحتاج لـه كبـاش
ولاهنى باختم اقوالي بـرب العـرش=والعهد ياصاحبي من خالفه لا عـاش
وزكي صلاتي على طه عدد ما طـش=وصبح الغيل مـن لركـاب يـادرداش

المحبوش
24-09-2009, 09:53 PM
جواب الشاعر محمد قاسم المحبوش ابوبلال




يقول محبوش من حـب السمـر فـرش=ومجلسي لجل يوسف بالقطف والشـاش
عل عين والرأس يتمجلس ويتحشحـش=ودار في القلب له كامل سكـن وجـراش
من نسل لجواد با يوطـي وبـا ينهـش=وساعة الصفـر لا دقـه نمـر بطـاش
ماهو كما البعض لا ليل الدجى عشعـش=ولا سمع صوت بايهرب بـدون اكـواش
يا مرحبا آلاف ما سيـل الصفـا دردش=ومسي المزارع يسقي عاجـره وجهـاش
حيا بشيخ القبيله مـا الصبـاح اغبـش=والكل رحب معي مـن ريـو لا قـرواش
حيا على الحاصله لا ابخـل ولا اتبلـش=المعز موجود ون يطلب كبـاش اكبـاش
من بعد ما كـان قلبـي منهـم عـوش=وصل وضمد جروحي فـي دوا رشـاش
واليوم مـن طيـن بانمظـر وبنمخـش=الحـال واحـد جمعنـا ماركـه ووراش
ما دام شبل الاسد جنـب النمـر لرقـش=مـا عـاد باهـم لا ثعلـب ولا خفـاش
سيفي وسيفه ومن لحـم العـدا ننهـش=جاش البلا يا تيوس ابن العواضي جـاش
جوكـر كـراول بيـدي صعـب بتنقـش=يالجيد ويـش ايصلـح رانيـك والبـاش
وسيب ذي عـاده البـارح بـدا يدحـش=يصرف له العيسائي واحمد وبن متـاش
بيشمخـونـه بيتـبـدع وبيتـنـخـش=ولا معـه مقـدره للضـرب والوخـاش
يـا مـا نصحتـه وحذرتـه دلا يدهـش=من قبل تصبح قتيل الهـام يـا الحنـاش
وصر وعرض وعن قولي الحسن طنـش=يمكن حسبها فكاهه مـن فكاهـة طـاش
واليوم مسكين مثـل الطيـري الاريـش=ما عاد بالبحر لـه غـارب ولا ونـاش
مالي وما له يجيـش ويـن مـا جيـش=ينظـم للـروم ولا الفـرس والاحبـاش
والآن حـان السفـر يالعـازم اتحيـش=قدامك المرحله شاسـع وارض اعتـاش
حط الوقى عل فرس والحبل والعرجـش=وحمل العطر والحلـوى جمـاع اقفـاش
باخلص الشيـخ دينـي قبـلما اتونـش=ماشي بنقبل نكل من مـال حـد ببـلاش
وعا له الحـق لـو يشتـي لبننا نـش=وصلت لا ذا العلـم ونتـه لـك الفنّـاش
والحوم بالزاد من حس الحمـى جـوش=البارده لك وانا لـي الحـوم والجـواش
والختم صلوا على احمد ما الصباح اغبش=وما قـري بالقلـم والقارعـه والقـاش

المحبوش
24-09-2009, 09:55 PM
تعقيب الشاعر قاسم يوسف صالح بن علي عطاف ابواسمهان







يابنت محبوش يمه طال لي عمرش=يامن وفيتي بوعدش ربنا يرعاش
يماه لو تطلبين الروح في امرش=وليت لعمار تُهدا كان عمري جاش
اماه مشتي من الدنيا سوا جبرش=معاد شيئاً على بقعا معي يسواش
تسعه شهوراً خلط دمي معا دمش=بالبطن تحت الرئه والصدر والاوناش
وبعدها اعوام اتغذيت في حظنش=مابين ليسر وليمن ذقت من اغلاش
واعطيشني اسم اتسميت في عمش=قاسم بدل قاسم السياف والهواش
وهديشني سيف ابو حدين من جدش=باذود فيه الهبرّش من خدم وحباش
استنفري يالحليله واحسمي امرش=وجيبي ابيات ذي ماخزا بها واختاش
جيبي قوافي جميله نقش من بدرش=من نحت لجداد نقي الصخر والمنقاش
وجمعي اللول والمرجان من بحرش=ذهب والماس مرسومه زهر وانقاش
واتحرشي بالقوافي من هجم دربش=صديق قد باعني بالرخص والبلاش
يهوين ذي بحسبه سافع طلع هبرش=وباع لجناح واصبح طير دون ارياش
ظعيف مهما نهض بالذيل او فرشش=من مفترس لا فريسه سار بالمجراش
ما اليوم باشغله فراش بالمفرش=من شيخ شاعر محنك كان الى فراش
واطرح معه من يعينه للغنم ينهش=راعي وجزار للذباح والكراش
يحلب ويرعي وجنب البيت لو قرش=يبني زرايب جديده للغنم واحواش
اتهددي يالحليه واظهري سحرش=واهزمي بالقوافي كل من عاداش
شيدي مباني قويه وارفعي جسرش=واحرقي من تطاول او وصل مبناش
لا ترحمي من تجاوز او عصا امرش=ارمي عليه المحرم سم من مذراش
ذلّي الذي اتآمروا من قصدهم عثرش=شلل تحب الاذا والغش والهماش
اسقيهم النار حامي جمر من جمرش=الموت لا ترحمي من يقترب مرماش
ضعاف في سعيهم ما يظعفو قدرش=مهما اسائو ابد ما يوقفو مجراش
اذا الثعالب عوة سرحان ما يهرش=ولا اسوداً تعيش اوكارها تهتاش
اسمي موقع بظهر السيف ذي يرهش=ومن يواجه بميدان الادب ما عاش
ختامها كل ما طش الندا غبش=علا شفيع القيامه ليلة المهواش

المحبوش
24-09-2009, 09:56 PM
تعقيب محمد يحيى المحبوش ابو يحيى







يقول محبوش ببصر صاحبي عشش=يشكي ويبكي خسف راسه من الكشكاش
من بعد مكوى شريكه بالكبد تشتش=لما رجع لاطريقه ابتلش واحتاش
رجع يولول كما المرحوم بن لطرش=وحجته باطله ع الناس ياعماش
نصيحتي يلحقه من قبل يتكلبش=وقبل ما تستفخ لوما اتعض لمشاش
ذي كان بيسايره نجمه طفي هفش =وقفّل ابواب اسواره مع الاحواش
واليوم يابن علي عطاف قد نوش= بارق وراعد تحرقد عُقبها رجاش
رخصت لك في طرف ساقيه تتهمش=واليوم ريشك بشوفه قد بداء الجنفاش
عادك بجحله وطربش لك بها اتخندش= وخل منهو صليب الرأس للنواش
محبوش ذي علملك ياذاك تتركمش=وطلعك فوق بابوره وياقراش
لولاه من بقعتك ماظن تتحشحش=كانك على البيض حافش مثلما الخُفاش
سمحت لك في قناعه لاجل تتهرش=بشرط واحد تبطل مهرت القدفاش
وبعد تحذير ع البابور يتجحشش=والخوف لايبتدي الماطور بالبواش
باطلعك رأس ضوحه مُفجعه وابهش=لاهزّه الريح تسرح خلفها كنداش
ويش اكلفك حمل فوق الحمل تتقنش=رجليك ماتحتمل للجري والعنكاش
المجد مجدي وصعب امجاد تتشوش=كنوز حنشان آلت هام للحنّاش
بالله محميه على اقفاصها اتحنجش=ولمن تجاوز حدوده حده البطاش
لاقال ماقال يثبت فعل ماهوش=وهو مغمض يسوي للنصع نتاش
وانته تعبّر امامك واحد اتجرش=شوف العبر واعتبر واتجنب النخاش
من عاد للحق واتقنع بما غشغش=اتلاحق العافيه من غرفة الانعاش
ومُدمن الوهم بايذهن وبايترش=يصبح ضحية دسائس مُتقن الحراش
وبالنسب لك قديه منها اتعيش =من غير هروا بنا مابي هُرا العفاش
اغرف وحاذر لحوضي العذب يتخربش=لوماكفي رُح لبن عمك معه رشاش
قسمك معك ناصفه في قلتك اتهندش=والدوم لك والعجم يهناكم الطرماش
في عُرفنا سهم لك لاانته سمحق ابهش=لاانزاد عُصبه قصب ومعصبين برياش
وغيرها لابري واسمع وشفني اطرش=لكن معي قلب مايهرج من الهرباش
وبالنبي ختّم اقواله ابومحبش=تعقيب شاعر حروفه مابها هباش

المحبوش
24-09-2009, 10:03 PM
البدع من ابو اسمهان القعيطي




رباه سالك تصُن لي عزتـي واحترامـي=ارفــــع مـقـامــي مــقـــام
استر عيوبي ويسر ما عسر من مهامـي=ونـعـمـتـك لــــي تـــــدام
جنبني الشـر واهـل الحقـد والانتقامـي=والـمُـشـتـبــه والـــحــــرام
ثم اجعل اسمك اذا اتحدثـت اول كلامـي=واســــم الـنـبــي بـالـخـتـام
بجاهك ان تجعل الدنيا صلـه والتزامـي=والآخــــره لــــي مــقـــام
سالك بعيسئ وموسئ والنبـي والامامـي=عــلــي عـلـيــه الــســـلام
انظُر الا من هوا في الارض جايع وظامي=وفــــي الــعــرا والــظــلام
فاقد امل ضاعة احلامه بظُلـم النظامـي=وحـيــث مـــا ظـــل نـــام
صارة حياتـه واملاكـه بايـدي اللآمـي=فــــي رحــلــة الاغـتـنــام
قال ابن عطاف ما لي غير ربي محامـي=لـلـحــكُــم والاحــتــكـــام
وبعد يا شيمرانـي بالهـوا يـا رُخامـي=قـــم شـــل خـطــي لـــزام
ارحل بابيات ذات اهداف رامـة مرامـي=مظمـونـهـا كــشــف عــــام
الا عند شاعر متوج بالرُتـب والوسامـي=وفـــي الادب رقــــم هــــام
سلم لابومازن القاظـي حفـاوت سلامـي=وتـحـيــتــي والـــســــلام
وعطر من نوع روح الروح هندي وشامي=والــفُــل لــــه والــخـــزام
اتخبره كيف عن صعده برا الجو حامـي=مــاهــو ســبــب لـحـتــدام
وعن جنوب اليمن حالـة الا الانقسامـي=وفـــاقــــده لـنــســجــام
كني برا الوحده العُظمـا بقايـا حُطامـي=رمــــاد بــيــن الــرُكـــام
دخـان بتشُبـه الاريـاح مثـل التهامـي=يُـظـهــر واوقــــات هــــام
الدم ينزف بدون اسبـاب فـوق اللكامـي=وفــــي الـسـيــل والـعـجــام
اتجرثم الجرح يابومازن الجـرح دامـي=وانــتــم تـقـولــو تــمـــام
ماذا تُقل عن وبأ صنعا وفعـل الحرامـي=مــــا رايُــكـــم بـالـيـتــام
لابد ماحملـك بعـض العتـب والملامـي=فــــي ذاكـــــرة لـتــهــام
ماذا يسجل لـك التاريـخ بيـن النمامـي=بـيــن الـصـطــور الـنـمــام
هل تعترف ان هذا مـن بقايـا الامامـي=ومــــا بـيـجــري حــــرام
تميت قولي بذكر المصطفئ فـي ختامـي=صــــلاه ثــــم الــســـلام

المحبوش
24-09-2009, 10:03 PM
الرد من ابومازن القاضي




بدعت باسم الإله الفرد خير الأسامي=الله رب الأنام
عالم بحالي وحال الناس بيّن وهامي=غافر جميع الأثام
يارب اسالك إله العرش تقبل صيامي =مع صلاة القيام
وامنح كتابي مع اليمنى بيوم الزحامي=وامح الذنوب الجسام
يارب مالي سوى جودك وليك اعتصامي=وعروتك لي دعام
يامن امرت العباد المؤمنة في الأنامي=بالجمع والإعتصام
إجعل جميع أفئدتنا عامرة بالقيامي=والود حاضر وتام
يامن جعلت التشرذم والتفكك أثامي =والتفرقة والخصام
جنّب بلاد السعيدة من دروب الصدامي =واليأس والإنقسام
وبعد يامرحبا واهلا بنسل الكرامي=بو أسمهان الهمام
مرحب بقاسم تراحيب المطر للظوامي =لاهلّ فيض الغمام
ترحيب من لسن ابومازن وكل اللحامي =حيت ضيوفاً كرام
حتى لو اشهر عليّا في الاخير الحسامي =باقابله باحترام
مابي سخا اقوم اكسّر في سواعد عظامي=لو ما لقيت الطعام
ما يجري اليوم في سفيان مشهد درامي =في فلم عادل إمام
تمثيل معلو وعبده والوصيّ الرزامي=وزيد قاوم هشام
إنتاج حوزة نجاد الفارسيّ الهمامي=في فكر بدوي وخام
ودعم ابومتعب القى الرمز مندوب سامي=واعطا المناظل وسام
عاد الحراك الجنوبي ذي يشدّ الحزامي=بافكار برمنجهام
أفتاهم الديلمي !! وإلاّ حمود الشبامي !!=ترجع حضارة شبام
إمام صعدة وسلطان ابين ارخا اللثامي=وبينهم خام رام
والمشكلة عندكم تعميم شامل وعامّي =يشمل جميع النسام
انّ الشمالي سبب داء المرض والسقامي=الكل فيهم جُذام
تحليلكم كان خاطئ . ماسكين الزمامي=هم السبب في الزُكام
والمفترض ان تكون القافلة والخُطامي=للسير نحو الأمام
جنوبنا والشمال الشعب كلّه لِمامي=يتوزعين المهام
نجتث سوس انتشر ينخر حبوب الطعامي=حتى نخر في العظام
نا بانصحك لا تساير شخصية لنفصامي=ورجعية لنهزام
انا الّذي باسألك عن دور قبل الؤآمي=ووحدة الإلتحام
ماذا صنعتم لأروى قبل عشرين عامي=غير الغُنا والهُيام
أسكنتموها خلا خالي وصارت مدامي=بين العشش والخيام
واليوم عادت لشبّتها بهاء واحتشامي=في قصر مبني رُخام
والختم اصلي على احمد ماتشن الغمامي=بالكيل منّي جمام

المحبوش
24-09-2009, 10:04 PM
بدع م كلمات الشاعر الكبير عبدالله عمر عبدالله بن علي عطاف ابوهاني
مرسل الى الشاعر القدير قاسم يوسف صالح بن علي عطاف ابواسمهان


بن علي عطاف قال الهاجس الليله دخيلي=ساعة الرحمن بانقضي سوى سهره جميله
قال تحت الامر في طوعك توجهني سبيلي=سيف بأيدك تبترع به من تحداك آنزيله
قلت له جاني خبر عن شخص بالوزنه عديلي=وابن عمي بالقرابه من نسب واحد وعيله
ذه السنه قالوا بداء يشعر وياليته دعي لي=كنت باهني وابارك له بشعره والحليله
للاسف بعد الفرح جيت اسمعه عكّر مقيلي=عندما اتنكر وزور بانتسابه للقبيله
بطلبه تفسير لان الامر هذا هد حيلي= ايش تفسيره لذلفعله ويرفق لي دليله
بن علي عطاف فوق الحاشديه والبكيلي=والحُمه بالرأس في ناب الحنش ماهي بذيله
منتظر تفسير من بعد اعتذارك يازميلي=او تدوّر لك من الليله لبن عمك بديله
بعدها قدنا من الباطل مجهز لك صميلي= والنباء منك تحددها ولك بالشي مثيله
ون رجعت الحق هذا ربما يشفي غليلي=مامضى غلطه وسجعت من ذرف ساعة رحيله
جدنا منجم ذهب صافي ومن معدن اصيلي=من شطب اسمه انا خصمه وماباليد حيله

ذه نصيحه او توزه قبل ما تُجرف بسيلي=عاين البرقه وشوف اللعمجه من ع المخيله
بدعي المولى يجنبنا البلاء يومي وليلي=نجتنب شور المحرش او مسايرت الهبيله

اعتذارك لارجعت الحق بايطفي فتيلي=من رجع للحق من بعد الخطاء قالوا فضيله

المحبوش
24-09-2009, 10:05 PM
جواب الشاعر القدير قاسم يوسف صالح بن علي عطاف ابواسمهان
زمرة التخريب والتشويه اتحدة سبيلي=صنفة اقوال عن خط الادب والفن ميله

قال بن عطاف ياميج الهوى شدي الرحيلي=سابقي الارياح ذي تطوي المسافات الطويله

احملي ابيات موزونه لمن ماله مثيلي=لابن عمي سلمي وردي واغصاني الجميله

اسائلي ابن العم عن مرسال اجاء يشعل شعيلي=هل هي اقواله ام ان الوضع به لعبه وحيله

ما افكر ان ابو هاني الاسد يرجع ثعيلي=ربما حاقد نبع ابيات في اسمه هزيله

محتمل كلمات بن عسكر عليه الله وكيلي=اكتشف اسجال مدفونه بلقفاص الدويله

منهو الي باح بسجالي وسري والدليلي=يعتبر خاين يجب كشفه ومن ارضي رحيله

قد فضح تاريخ يوماً جاء الى ارضي دخيلي=عاش جنبي اخ لكن للاسف جانا نقيله

من بني شعموط نعم القبيله خيرة قبيلي=نعم من خاويت والثاني نقلته ع الجليله

استقر في تيم واسائل عنهم كمن جليلي=من يواجهم رجال الموت من بقعا يزيله

يايزيدي قول من ذي خولك تدخل حبيلي=انسحب ولا قسم بادقها شعبه وسيله

يابن عسكر شل نفسك وابتعد عني وذي لي=من تحداني قتل ولا اوي دمه غسيله

قهر قلبي ذي حسبته صرح عالي لايميلي=مال جنبك ليش بيهاجم كذا نصباً وحيله

لو هوا غيره لهاجمته وارديته قتيلي=او ربطته سجن بعد اشعال ناره والفتيله

عندي التوضيح يا ابن العم كامل والدليلي=بشرح التاريخ لك حتى اذا القصه مليله

ياترى جدي علي عطاف ماهو شي قليلي=من اصول المقعطه تشهد لي اسجالي الجليله

كان ظرباته الم ظرباته السيف الثقيلي=مثلما العُر المورد من تحرش به يشيله

كم اجاء عاصي مدا الازمان بيرده ذليلي=من تحدا جدي المقوار من بقعا يحيله

المحبوش
24-09-2009, 10:06 PM
بدع من كلمات الشاعر الكبير احمد حسين بن عسكر
مرسل الى الشاعر القدير قاسم يوسف صالح بن علي عطاف ابواسمهان


لا بها حيا ولا يا مرحبا قال اليزيدي=مابها الا امشاط ابو قُبه وبهريه جديده
كيف با رحب بتهمه جابها ساعي بريدي=جابها المحبوش في يده ولهجتها شديده
جاء يبشرني بها والوعد فيها والوعيدي=فكر اني بارتعد واخاف واخشاء من وعيده
كيف انا با خاف من قاسم وهو مني بعيدي=ناحلالي بالجبل لنصب وهو سيله نكيده
ويش ذي با يطلعه شامخ عجي وانصب شديدي=ذي ضياحه سود صماء والملاوي به عديده
لا يفكر انني في ذا الجبل عايش وحيدي=شف معيا انمار لاجاء الخصم تقطع له وريده
من وصلني خصم مابا اكله شي من عصيدي=ما يذوق الا سقطري مُر ما هوشي عصيده
والتُهم ذي جاب ضدي زيده نبضة وريدي=ماهي الا باطله كالمشتبه ماهي اكيده
مثل تهمة بوش ذي وجه لصدام المجيدي=ذي بها دمر وطن واغتال به كمن وليده
واعترف بالكذبه الكبرى وهو فيها سعيدي=اعترف من بعد ما احرقها وخلاها خميده
وانت يا قاسم قدك من زمرة الشخص الحديدي=تتهم باطل وتنشر كل تهمه بالجريده
اعرف ان الصوب ذي صابك شفه ماهو من ايدي=صوبكم من حولكم لا ترمي التهمه بعيده
واسأل المحبوش واسأل زين بالامر المفيدي=اسأل الاثنين با يعطوك لخبار المفيده
او هواة الشعر ذي تسأل على ماهو جديدي=لو تشوف ان ابن عمك ليس اهلأ للقصيده
ربما با تنكر اصله مثل ما انكرت القصيدي=با تقول انه زبيدي او عبيدي من عبيده
وانتوا اسره جدكم عطاف هو شاجع وجيدي=من بغير الجد فيكم يهتري يظلم حفيده
وانت يا قاسم اذا صريت او تبقى عنيدي=تتهمني كذب والباطل عليا با تزيده
حط تحكيمك وتحكيمي مع الشيخ العهيدي=شيخكم شيخي وابو يوسف قد احكامه سديده
اوبنه يوسف قده معكم وهو شاعر فريدي=كم سمعنا له من اشعاره ولبيات الفريده
من قبل تحكيمنا منهم انا فيهم سعيدي=واحذر الاثنين شف لثنين صناع المكيده
واخر ابياتي وافضل ذكر فيه اختم نشيدي=بالنبي طه محمد ختم الشاعر نشيده[/quote]

المحبوش
24-09-2009, 10:07 PM
جواب الشاعر قاسم يوسف صالح بن علي عطاف ابواسمهان






من حطيب الكور مسقط راسي ابدع في قصيدي=ذي رفُع دربه حماه الله باشعاباً سنيده

مرغد الاوعال والاسدان كمن فذ جيدي=كم رأت عيني من الوديان ما وادي نديده

محتمي باشبالها كمن عتش قاسي عنيدي=عار من يدخل ويتحدا القعيطي بانبيده

ملتوي وادي وله سيله على سده حديدي=مسكن الشجعان اهل العز والناس المجيده

قال بن عطاف دقيت الجبل ذي هو شديدي=واسائل التاريخ بارض الهند عني من تريده

بعد ياعازم قم ارحل ذا جوابي لليزيدي=من حطيب المقعطه من بين لكوار الركيده

لاتجيبه لو سائل خلي حديثك من بعيدي=سلمه خطي طرف شلاقتك لا تلمس ايده

والسبب خاله سمعت انه من الشعب اليهودي=واليهودي لا يجد ذمه ولا عنده عقيده

يابن عسكر اتق الرحمٌن وامسك بالوحيدي=او توكل لك علا اخوالك وبدفع ماتريده

ياترا خالك نتنياخو في اقوالك يشيدي=روح تلابيب مانشتيك في ارض السعيده

لعبتك خداع كالموساد تحفر من بعيدي=سرت لي مكشوف بالكوفيه وارداف الكشيده

اتهامي لك حقيقه واضحه فيها اكيدي=من بن الشيخ الذي عندي طرح كلمه عميده

عندي اثباتي واقوالي عليها الله شهيدي=والقعيطي كامله جنبي واصحاب العقيده

هل كفا هذا لان الوضع مترشح يزيدي=اعتقد فهمان في قصدي عسى ان تستفيده

ما يخيفني هرا منك ووعدك والوعيدي=احتياطاتي معي من كيد آتي اومكيده

لا تفكرني هدف ترميه واقف كالجليدي=ما انا ثعلي تخيفني ولا صيدي تصيده

ابتعد عني وعن شيخي وحدي والحديدي=وابن عمي وابن خالي ابتعد عنهم بعيده

ذي بتوصفهم بقولك انهم ساعي البريدي=انها كلمه لها مغزا كشف لي ما اريده

قوتي بالله لو باموت بتسجل شهيدي=وانت يابوحسين ماذا قول هل لك بالخليده

اختم اقوالي بذكر المصطفى سيدك وسيدي=اذكروه آلاف يامن شاف قولي والقصيده
[/quote]

المحبوش
24-09-2009, 10:08 PM
[align=center]بدع من كلمات الشاعر محمد صالح عويضان ابومحسن



يقول ابو فضل ما عتبة على من صدق=ولا على من طرح صاحب على مفرقه



عتبة على من جفاء الأصحاب من دون حق=والا الذي با يسوق الناس في مسوقه



ما انا ورب البشر لو يطرحوا لي الحلق=ما الصدق انه شعاري دائماً ما افرقه



يا مرسلي لو شعاع الفجر شفته بزق=اسرح على ميج حتى الريح ما يسبقه



دور على انسان يتعلم علينا الذلق=ما ادري لماذا لسانه نحونا ذلقه



يا ما دعمناه من سابق ولكن زفق=واليوم من بعد ذا ما عاد با آصدقه



بيغير اسمه وتاريخ البشر ذي سبق=ذي حققوا احلامهم بالطعن والبندقة



ان قال انا داعري قامت تعارض فرق=من هذه التسمية كلاً شحن بندقه



وان قال انا بن علي عطاف قالوا حذق=ومن متى قد تعلو هذه المحذقة



واختار له اسم ثالث دبره بالروق=على الشرائط وداخل مكتبه علقه



وقال انا بن علي عاطف بباطل وحق=اسم اشتريته بدولاري وبا اطبقه



قد دور اسام قبله ثانية ما نفق=ستر علي هو الذي فكر وذي شمبقه



غير له اسمة وذه الحينه براه انطلق=كيف ابتكر له علي ذا الاسم لا وفقه



خرج بذا الاسم ظنه حقه المستحق=واليوم جانا على الاصحاب يا بقبقة



يا مرسلي قل له اني ما بحب العلق=وعهد الآباء با اصونه وبا اوثقه



واهديت له زهر ذي عاده بحوله فتق=مني هدية وحطيته على مفرقه



قل له تذكر زمانك يا فتى ذي سبق=ولا توافق لحد يرميك الى المحرقة



شفك بتلعب الاعيبك مع اقبع خلق=وتالي اليوم با يديك يا مطرقة



من بعد ذا اليوم يا قاسم خلاص الحنق=وصاحبك ذي طبخ صدره قفاه الحقه



حطه في الجوف او بالعين تحت الحدق=ذا شي يخصك وان حبيت با تفرقه



او با تقع مثلما قالوا حمي واحترق=والا ربش كل ساعة يختلف منطقه



والا فقللت في مدحك وقلل سوق=قدامك العر لو حاولت تتسلقه



والبدع عاده موسد عندكم ذي سبق=واياك توبه لثاني بدع لا يلحقه



ذكر النبي ما طلع جاهم وبرقه برق=المتصف بالامانة والثقة مطلقة



المصطفى ذي بذكره كل عابد نطق=عليه صلى وسلم كل من يعشقه

المحبوش
24-09-2009, 10:09 PM
جواب الشاعر قاسم يوسف صالح بن علي عطاف ابواسمهان




قال ابن عطاف مالي من كلام الحلق=اهل الدعايات واهل الكذب والزندقه

ذي لا رفعته بيدخل فيه بعض السمق=واذا تجنبت شره يحسبك مدحقه

يا هاجسي دُق من شر القوافي ونق=والبدع ذي جا متوج بالخطاء مزقه

افضح قوافي كتبها الحضرمي ع الورق=ودون ابيات من دخانها نشقه

جهز قناعه وجهز مربطه والحلق=وجهز الفاس والشاكوش والمطرقه

لا بد ما علّم المغرور طعن الذلق=طعن الخناجر وطلقات الفنئ المحرقه

عطافي الاصل يشهد لي الزمن ذي سبق=واقفاص لسجال والتاريخ والمنطقه


الناس عينه سوى لا فرق من ذي خلق=ما عند ربّ السماء ميزه ولا تفرقه

الا بلاعمال والافعال عنده فرٌق=اعمال لنسان ينظرٌ سود او مشرقه

واليوم ياناس قد جاني الملل والعثق=من ذي رجم دون اي اهداف اتحققه

صحيح منظُاق من ذي زوره واختلق=من دون اسباب لا تاليه اومُسبقه

يا هاجسي من قواعد قاح صوب انطلق=واللي تطاول علي عطاف لي دقدقه



قُم يا معنا صباح الخير وقت الشفق=ارحل بابيات ناريه حُمم محرقه

بركانيه لجل خصمي منها يحترق=كلمات وزان بالقيفان متنسقه

لا عند شاعر عرفته بالقوافي لبق=وبعرفه من رجال الموت لا حلقه

حباطي الاصل يوفي لو وعد او نطق=عندي التقارير والاثبات والمخلقه

من بيت صمصوم لكنه عليا زفق=وصنف ابيات في ديوانه اتعلقه

ابحث على موقعه لا بد ما يحترق=ومدفعي في حباط التحت با فرقه

با خرّب النخل ذي سيتوا عليه العُلق=والتمر ذي فرّق الاخوان با نعلقه


من دون فتاش مابدي كلام الحنق=ما ودي ازعل المغرور او حنقه

علقم ومحد من العلقم بيطبخ مرق=سم الافاعي اذا بدك تذُق ملعقه

ما عندي الا شراب النار ذي بالحلق=وسم لكباد من صنعي انا بسحقه

ذكر النبي كلما شنه غيوم الغدق=صلاة تغشاه ما غابه وما اشرقه


[/align]

المحبوش
24-09-2009, 10:11 PM
اخي العزيز ابا اسمهااااااااااان اتمنى ان تراجع محتوى الديوان من قصائد
واذا مازال هناك قصائد لم تنقل اليه ارجو ان تعطيني خبر وانا في الخدمه
تحيااااااااااااتي

ابو اسمهان القعيطي
05-09-2010, 04:32 AM
بسم الله الرحمن الرحيم


أخواني الكرام
السلام عليكم ورحمة الله وبركاته
أسمحوا لي بطرح بدع الشاعر الكبير محمد علي الصوفي((الوحدوي))
وجواب الشاعر القدير قاسم يوسف بن علي عطاف ابو اسمهان ويطلب منكم جميعاً السماح على أي هفوات قد يفهمها أي منكم
بأي طريقة لا يتعمدها ولكم مني ومنه التحية والتقدير

بدع الشاعر الكبير محمد علي الصوفي ((الوحدوي))



يقول ابو اكرم محمد حـان مقطـاف العنـب=يا محسنه طازج ويـا محـلاه لاقدهـو زبيـب
وعاد يا محلا السمـر علـى الثريـا والطـرب=كم تكمن الفرحه وتزهو لا حضر فيها الحبيـب
يسلا بها الخاطر وينسـى للمئاسـي والتعـب=فترة نقاهه نبتعد عـل السـلا جـوه يطيـب
منذو وانا فالعاشـره حتـى تقلـدت الرتـب=وانا معايش حومها والموت واصوات النحيـب
واليوم فالغربه متـوه مثـل غيـري مغتـرب=لا لي في الدولـه والابالناصريـه لـي نصيـب
نا شيخ من بيتي وقد سويت عالـراس العـذب=والكل يعرفني وراسي مثلما الحيـد الصليـب
صوفي على صوفي وخارج من سلالات العـرب=لا بوي من فارس ولاامي هنديه مانـا غريـب
ما خون للثوره والا الوحده ولتحـول ذنـب=او طيع با سنحان واستسلم ليافـع والشعيـب
ببقى على مبداي متصدي وعنـي بـو شنـب=ما بانساوم على المبادي والوطن مهمـا نغيـب
لو تزهق الأرواح والا الـدم يبقـى للرُكـب=او يشنقونا بالمشانق او يقـع كسـر الرقيـب
ما با نسلمهـا لمتسلـط ولصحـاب الرتب=على موعد وموعدنا معاهم هـو قريـب
من ضغطهم با تنفجر ثوره وبا يحصـل غضـب=من وايله للحيد الأخضر لا تهامـه لا حريـب
لا يسلم الجاهـل والا العاقـل والا اُمـاً واب=ولا قرابـه عـاد تشفـع او مـروه للنسيـب
جماجم الأبطال تحـرق مثلمـا نـار الحطـب=لا عاد مستشفى يعا لجهـا ولا يوجـد طبيـب
وحال ما تهدا يبولـو فـوق جثـة بـو لهـب=وبن سلوله حتم با نرمـي عظامـه للكريـب
والجو يتغير على اهل الفـن واصحـاب الأدب=والحسن يتحول من الفتنه الـىى منظركئيـب
من بعد ذا يا مرسلي عجل بسرعـه وازتهـب=احمل معك هذ القوافي لا قدى الشهم النجيـب
بلغ تحياتي لشاعـر فـذ مـا عُمـره كـذب=والا مدح من لا يحق المـدح او يرمـز بعيـب
قاسم صديقي يا قعيطـي ياعجيبـي بالعجـب=هل با تجاوبني على بدعي خطـا والا مصيـب
ساير لها واحسب وميز مثلما غيـرك حسـب=عن با لبوزه في عيونـي مثلمـا عبـد الرقيـب
كم ناس قالو جيش سبتمبر معـادي مغتصـب=هذ العناصر تشبه العـري وحـلاب الحليـب
حتى ولو سعدون معها قـد تبـرع وانتسـب=من تاجر الشمه ترقا فـي شيكاجـو لا مهيـب
نسي او اتناس العلاقـه والمبـادى والصحـب=من بعد ما قد كان فالجمعه مؤاذن او خطيـب
لا فكر ناصر حاز في قلبه ولا عـاد احتسـب=ولا ذكـر شايـف محمـد او تأثـر بالأديـب
هذا الذي كنت احسبه ما بـا يغيـر وانقلـب=الله لا يلجي محمـد ليـه فالوقـت العصيـب
خذلك عنب طازج وهات لي بُن والا ادفع ذهب=والموسطه بيني وبينك لا دخل ثعلـب وذيـب
هذا ختام القول والهاجس حلف مـا ينسحـب=ختمتهـا بالمصطفـى قـرة عيونـي والحبيـب






جواب الشاعر قاسم يوسف صالح بن علي عطاف ((القعيطي))


على الشاعر الكبير ((الوحدوي))




رباه زيل الجهـل حكـام التخلف والنخب=أسمع ضجيج العبد ذي يبكي وصرخات النكيب
اهدم عروش الظلم والطغيان مـن كانواسبـب=هجري لأوطاني وحرماني من الحق السليب
انظر الى داعيك جنبنا من انصـاف العـرب=من يعبثوا فيها عبث فين المطالـب والمجيـب
اتأزمة لوضاع فـي ارض الغلايـب والتعـب=تهوي الى المجهول لا محسوب فيها او حسيب
من يحسم الاوضاع من يرعى حقوقي عن كثب=والله ماتخلا ولأ باسيـب مثـل الغيـر سيـب
لن اعرف الاسرار لكن بفهـم ارداف اللجـب=بترجم النيات ما تحمل فـي الجـوف الغليـب
والآن يا مرحب من اتوصل الى داري ولـب=بالشاعر الصوفي وما قدم في الخـط العجيـب
يعزف ويتمرقص على جثمان من روحه وهب=ياليت ما غنى ابواكرم في الوقـت العصيـب
ندد جبل يافـع شماريخـه وانحـار الشُعـب=واتلاجبة لصوات من وادي حمومه لا حطيـب
اتنكسه لعـلام ذا يبكـي وهـذا لـه شجـب=من خط ابواكرم محمد ذي تعنى بـه وجيـب
احل قتل النفس ذي حرم عـن الملـه هـرب=فلا رحم مرأة ولاشيبـه ولا الطفـل الغليـب
قال القعيطي صغت ابياتـي بصفحـات الادب=مداد قاتل سم احمر من لمس بـه مـا يطيـب
اقسمت اني لن اساير او اصادق مـن كـذب=مهما حلف لي او قسم خاين وبالتالـي يعيـب
انا الذي تشهد لي الساحـات اوقـات الغضب=تشهد لي اوقاري في الماضي وبالعهد القريـب
لاقبل بحكم العنصريه او بحُزمـة بـا هـرب=لو تبزق البيضأ من المغرب وبالمشرق تغيـب
قوائـم التاريـخ بسجالـي تحملنـي العتـب=تلومني قالـة عليـك الله يـا قاسـم حسيـب
ماذا الذي صابك بتتمسـك باهـداب الشـذب=قد قالها التاريـخ يتسائـل وبصماتـه تجيـب
طبيعة الغـدار يفـرُك فيـك اوقـت الحنـب=يهجم ويتحديك بالشـدات والوقـت العصيـب
وقت البروده جمر احمر فـي مواقيـد اللهب=وفي الحوامي ثلج جامد لو تذيبـه مـا يذيـب
بل يعذلك ويعيق سعيك بل ويوقف لك مطـب=حجرة عثره كسرها لازم ولـو كانـه تعيـب
قمنا في الخطـوات اقدمنـا لظـم المحتسـب=ظم الايادي لجل نتكاتف في الوحـل الرهيـب
نقضي على الطُغيان وامراض التخُلف والجرب=والجوع والحرمان ذي عشتوه بالعهد المُغيـب
تسعى وانا باسعى لتفكيك النظـام المُغتصـب=لكن غنم سلمى بتترحل ورا التيـس الجليـب
واليوم لا معنا ولا معهم كمـا عـود الخشـب=ما باقبلك يا ذاك مالك في مصاحبتـي نصيـب
اما على مـولا التقاريـن الجليلـه والرًجـب=بينك وبينه وانصحك ماشي من المرجب حليب
اهدا واتذكر معك مشيام عصبه مـن قصـب=ما كل بيضأ يا فتى شحمه وكل احمر صبيـب
الا هنا اتوصلـت بقوالـي وتختـم بالمُحـب=شفيعنا يوماً في الاخرى مـن النـار اللهيـب

ابو اسمهان القعيطي
24-09-2011, 02:20 PM
سعيت جاهد ادوٌر شخص بالأمـس ظنيـت
شـهـريــن خـلـفــه جــريــت
ان كنت حياً فانهظ يا ابن عسكـر ورديـت
انـــا مـعــك لــــو بـقـيــت
ما باطرحك يوم لو بحرق في النار والزيت
او بـالــرصــاص انـتـهــيــت
بحثت ارض اليمن عنك وبالشـام مريـت
ولـيـبـيـاء مـــــا اســيـــت
ولا بتونس ولا فـي مصـر آثـار لاقيـت
ولا بــمــكـــه رائـــيــــت
لكنهـا البارحـه اخبـار عنـك تلقـيـت
وغــيٌــره مـــــا نــويـــت
كنت احسُبك نجم من فوق الثُريـا تعليـت
وعـالـمــجــره رســـيــــت
ياليت قالو عن الدنياء رحل كـان عزيـت
يـاحـمــد ومــنــك سـلــيــت
من يوم صالح رحل يا ثعلباً ليـش فريـت
عــــن الــوجــود اخـتـفـيـت
ماهو التوافُق اريد اعرف ولك مـا تمنيـت
ولأ حــبــالــك طـــويــــت
قالو بلندن مـع الكُفـار منصـب توليـت
مـشـاهــره لــــك وبــيـــت
يا ليت لصحاب تعرف ما فعلتـه وسويٌـت
انــــك بـتـونــي الـتـقـيــت
بالجامعه حيث تدرس فكرهـم ذي تبنيـت
وكــذبــهــم ذي اعـتـنــيــت
لا تفتكرني نسيت الشعر ذي فيـه غنيـت
وبــعــت بــــه وشـتــريــت
انته تآمرت تشهـد قندليـزا وبيـل جيـت
وعــمــتــك مــرجــريـــت
هاجمتني ظُلم كم حملات بالامـس شنيـت
ايــــام حــــرب الـكــويــت
والله ما سامحك لو سيت لي ايش ما سيـت
ألأ لـــصـــدرك كـــويــــت
ما دام لي سيف ابو حدين صنتـه وحديـت
مـــا مـــن سـيـوفـي نـجـيـت
والآن يا مرسلي قُم شـل خطـي ورديـت
اخــبــار احــمــد وجــيـــت
اتخبره ما هيـى الصفقـه لمـاذا تعليـت
هـــل حــــض ام ارتـشـيــت
وصرت عضو الكنيسه ذي في الامس سبيت
وجــنــب تــونــي بــديـــت
وليش عن موطنك والشعـر عنـه تخليـت
والـشـعـب خـلـفــك زويــــت
يا كم اناشيد بالساحـات للشعـب اعطيـت
والــيــوم ظــهــرك لــويــت
اكيد شيبه مخرف خـف عقلـك وركيـت
وبـالــخــبــال ابـتــلــيــت
بسـواق لنـدن بتترفـه بنفسـك تعنيـت
بــدلــه جـمـيـلــه وتــيـــت
رميت شالـك ودسمالـك وجنبيـه سنيـت
والـبـنـدقــيــه رمـــيــــت
طرحت وادي حمومه ذي ببطنـه تربيـت
وفــــي سـهـولــه رعــيــت
وكيف بالبُن ذي بيـدك زرعتـه وسقيـت
ومــــن جــنــاه ارتــويـــت
خلاص يكفيك وسمح لي اذا كـان شديـت
انــهــا الحـقـيـقـه حـكــيــت
ذكر النبي تُختم اقوالي عليه الـف صليـت
فـــي كـــل حـرفــاً هـجـيـت




وهذا جواب شاعر اليمن الكبير احمد حسين بن عسكر على الشاعر ابواسمهان






قال اَحمدأحسين يا ثعلب ذكـي كيـف سويـت


لافَّـــــم ذيـــــب ارتــمــيــت


حوَّل بك الله حوالـه كـم وكـم لـك تمنيـت


فـرصــه بـهــا الـيــوم جــيــت


من قبل مافينـي اتعشيـت انـا بـك تغديـت


خــرمــان لـــــك واشـتـهـيــت


لـو بافرمـك فـرم بانيابـي وباقـول تميـت


شـــف عـادنــا مـــا اشـتـفـيـت


مـا باقتلـك قتـل وانتـه عـادك اِلاْ تهنيـت


مـــن خــيــر ربــــك جـنـيــت


بل انمـا باتركـك مأسـور بيـن الحوانيـت


مـابــيــن حــيـــاً ومـــيـــت


دونك بما ارسلت لي من مُـر حالـك وحلتيـت


تـشـتــي عــســـل او لـتــيــت


باجرعك من صقطري مُر مـن حيـث كديـت


تـحــصــد يـــــدك مــاذريـــت


ما اْخشاء الثعالب ولابا اْخشاء القطط والكتاكيت


شـفـنــي نــمـــر لا احـتــويــت


امـا الذبابـه اذا حطـت علـيـا بجاكـيـت


بــارشـــهـــا بـالــفــلــيــت


ضاعت عليك الحيَّل ياجيب تمشـي بـلا زيـت


ولا اشــــــــاره ولــــيــــت


وكل ما حـل بـك منـي ومـا اليـوم لاقيـت


تـسـتـاهــل اْنـــــت اْبـتــديــت


من شن عدوان اومـن جـاك حَّمـال للبيـت


يـاهـاجـســي بـــــه بـلــيــت


ماشي معك غير يا الهاجـس تجـاوب ولبيـت


مــثـــل الـنــمــر لاعــديـــت


صُد الهجوم الشرس بالصاع صاعيـن رديـت


وعــادنـــا مـــــا اكـتـفــيــت


يامرسلي قل لبو يوسف علـي حـرب شنيـت


ايـــضــــاً وزور ادعَّــــيــــت


ماشـي مبـرر لكذبـك اوسبـب ذي تبنـيَّـت


مـــا غــيــر شـبـعــه اتــيــت


مافيـك تتذكَّـره لكـن نسيـت الـذي سيـت


بــاذكـــرَّك لـــــو نــســيــت


وصلت من عند بوش الاْبـن عابـر ترنزيـت


ايـــــام حـــــرب الــكــويــت


وقفـت ضـدَي لانـي بالصراحـه تحاكـيـت


مــاشـــي عـلــيــه افـتــريــت


لانك معه عضو فـي حزبـه وكيلـه تسميَّـت


ايــضـــاً وفــيـــه اغـتــديــت


عايش مع بوش واوبامـا بتمسـي وضلَّيـت


لـلـبـنـتــجــون انــتــمــيــت


امـا انـا جيـت قـدام البشـر مـا تخبيـت


وانـتــه تـقــول مــــا دريــــت


ماشي معك سمع تسمع كلما ما خذت واعطيـت


اصــــور وزيـــــد اعـتـمـيــت


جسمي بلندن وقلبي لـم يـزل حيـث حبيـت


كـــم قــلــت يـالـيــت لــيــت


ليـت التمانـي تعيـد الامـن لاحيـث حلَّيـت


والـجـنـســيَّــة مــابــغــيــت


وانته تريـد أن تعـزي بـي وانـا ماتوفيـت


لــكـــن عـلــيــا افــتــديــت


بتقول ظاهر ويعلـم ربنـا كـل مـا اخفيـت


ومـــــا بـقـلـبــك نـــويـــت


هـذا جوابـك ولا عـادك حـدودك تعـديـت


ولا عــلـــيـــا أعــتـــديـــت


بالقنـك درس فـوق الـدرس ذي قـد تلقيـت


لـــن تـنـســأه مــــا حـيـيــت


ما عاد باينفعـك مـن بعـد ذا سيـف حديـت


ولا الــشــكـــاء لا شــكــيـــت


ما با اعتذر لك وانا خلصتـك الديـن ووفيـت


وانــتـــه بــدلـــوك دلــيـــت


وختـم لبيـات قُـم واذكـر محمـد وصليـت


وفـــــي هـــــداه اهــتــديــت


</b></i>

ابو اسمهان القعيطي
29-10-2011, 08:51 AM
quote=ابواسمهان;166624]



ليلة البارحه أمسيت في ضيق جارح = هزني الشوق واتذكرت ارضي الحبيبه

عدت ألا الخلف بالذكرى وأمسيت سارح = بين أشعاب ما يوماً عن الذهن غيبه

لم تزل عالقه بين الكبد والشرايح = في حنايا الرائه تلصي وتطفي لهيبه

حن قلبي لفجٌات السيٌل والضوانح = حيث ماترادعه ذيك السيول الرهيبه

بذكُر اشعابها الخضراء وطيب الروايح = كيف للقلب يتخلأ وينساء حطيبه

كيف أنساء مراعي هُلتي والمسابح = والمُنيفات اشعاباً بها الروح طيبه

ليت لي جسم ينهض بي وعندي جوانح = صقر باعيش بين النايفات المُنيبه

بحرس انهارها الواطيه واجي ورايح = بين (نوعان)(والنصباء)(وريو) الخصيبه

كهف عندي وانا معتز بين الجوارح = خير من قصر بمريكه ونفسي كئيبه
[/quote]

ابيات ابواسمهان

ابو اسمهان القعيطي
29-10-2011, 11:58 AM
quote=ابواسمهان;9804431] بسم الله الرحمن الرحيم










أعزائي واخواني الكرام حياكم الله اليكم بدع اخي وصديقي

الشاعر/هاشم ناصرمحمدالعُمري النعوي.



قال الهاشمي من على شامخ تنحم المعتلي
=========ماباخاف مابرتعب دامه معتلي عالجبال
ماباهم دامي وانا نعوي حامل الجرملي
======-===للعزه -ولا-غيرها -مابدل -بدلها -بدال
النعوي وانت اعرفه لانته فيه لاتجهلي
========اتخبر جدودك وهم بايقولون ويحك رجال

لانغتر على غيرنا والافيه نتقللي

=========بل نرفع مكانه اذا شفنا طبعه الاعتدال

اما ذي يجينا وهوه بيقلد علينا ولي

==========-بارويه أنا أوليا الله قبل رفع السبال

والطيبه ولا مثلهااسمع كلمة المدولي

=======هي ذي تكسرالجامده وتلين قلوب الجمال

اماالحنتره مالهالاتربه ولامعولي
========-الاقطع أوصالها بالحد لا وصالاً وصال
واماالان آن السفرشل الخط يامرسلي
=======لاعندالقعيطي ذي اتخطى في ردود المقال
لن ماشاف في قولنا لا اتشبج والا اتدللي
======بل شاف الحقيقه ولا بعدالحق عدشي جدال
ذا بواسمهان الذي ذابدعي له الاولي
========-متحجج بحجه خطي ومقدم عليه القبال
ميماً دال رآئاً وميم زايد ميم وجيماًولي
======هم ذي يحكمواحكمهم وانته واجب الامتثال
ماني لأجل شرب المرق من قعدان والا طلي
=========نحمد ربنا شابعه كل انمارناو الوعال
مابالك بنافي نعم ربي خيرمايكملي
======دام الروح متواجده مستورين بسترالجلال
لك ميزه ولك قدر ماننكر شعرمتسلسلي
=====-لاكن عاد ياصاحبي منهم فوق شامخ وعال
لاتزعل *اذا قلت لك لاتغتر وتتهرولي
======احكم سيرتك وانتبه وابقى خير سائق ورآل
لاتتجاهل احد ولا ذا تلعليه وذا تهملي
======شطحه دون ماخلفيه لاتصبح عدائي وضال
من عقب وقال الحقيق لاتحسب تقول ارولي
=======بل قال الحقيقه ولا له فالمدح والا الدجال
شف والظيف لاقداتاك رحب به وقل مسهلي
=========لاتلفت بوجهك كذا عنه واقتدي للمثال
هذا ما أتاء لك صدراماالان بانرحلي
=====هذا البدع لك ذي وصل واسمعناجوابك عجال
وآخرقول ذكر النبي من حبه ومن جللي
=========صلى دايماًلايمل اسمه والصحابه وآل





















وهذ جواب ابواسمهان المتواضع على
الصديق هاشم محمد ناصر العُمري النعوي
مع تحياتي لكم جميعاً


بن يوسف بدع واتكل بالواحد احد أولٌي
=========== مطلوبي وهو مقصدي وحده عند شد الرحــال
نطلب رحمته والشفق غفرانه اذا نبتلــــي
=========== مسكينك رفع لك يديه بالتوجيه في كل حــــــال
ثم قال الفتى بواسمهان يا قيفاني اتسلسلي
=========== جيبي مُفردات الأدب عند الكيل والمستكـــــــال
لا تخفي ولا تفضحي والموضوع ضدي ولي
=========== نخفيها وهي جارحه والماهر بيقطص وجـــــال
بتجنب ولكن اني بالحاميه ماني دلــــــــــــي
=========== راسي بالسماء العاليه من فوق الجبال الطوال
انجي حق ماشي حنق أما الشر لي صمولي
============ ما رده وانا يافعي جاهز حق ولأ نـــــــــــزال
اترعرعت بانحارها والتاريخ واضح جلــــي
============ مترجز ولي بُندقي لو لاح الهدف بايــــــــزال
بقنصها وهي شاعفه لا تقصر ولا تعتلــــي
============ متمكن على صيدها كانه مقرنه او ثعــــــال
أما الآن يا مرحبا حيا الله بغالي علــــــــي
============ حيا الله في الهاشمي ما هزه نسيم الشمـــال
صاحب بحسُبه من زمان لكنه نوا مقتلي
============ يطلب حق من دون حق لكن بانجيب الســـآل
ماذا قول يا صاحبي بانتقاسم القملـــــي
=========== لو لك حق عندي ثبت بحكم لك بخمسه جمــال
ولأ خلها هكذا لك بُرك ولي جُلجلــــــــي
=========== والتاليه خايف عليك من بُرك يصبح سيـــــــال
ما يحتاج كبارها والسعدي طرح ما يلـــي
=========== حط ايده على الموجعه والمفروظ طي الحبال
فوق الراس يابو وليد ما قلته ولن ينزلي
=========== وان الهاشمي خالفه من يفلج يشل الثقــــال
ظم اثنين مانختلف له قوله ولي مزملــي
=========== اشتي اثنين الا جنبهم بو محسن مع بو منال
هذه تكفائه ميته مكتوبه بخطي الجلـــــي
=========== بابصٌم عليها سلف باليُمنى ويدي الشمــــال
واتقصوا على ما حُدث في تعقيبه الأولي
========== والمقصود ما ينبقي طيله بس من حيث قــال
هذه هي أشاره فقط يفهمها ويتمثلـــــــي
========== ما ودي بتوضيحها ما داعي لكشف الجـلال
ختم القول ذكر النبي المختار من فضلي

========== سيد الخلق شفاٌعنا في يوماً عسيراً مطـــــــــــال
[/quote]
مع تحيات ابواسمهان

ابو اسمهان القعيطي
29-10-2011, 12:13 PM
اخواني واولادي الكرام في نادي القعيطي اليكم

بدع الشاعر القدير الاخ والصديق مدرم اليزيدي وجوابي عليه
اتمنى ان ينال اعجابكم
قال اليزيدي جهــــــــزوا لي العيلمان
======== ألماني الصُـــــنع الرشيــقه فوهته
وسبعتعشر مُحـــــــــــــرقه زايد ثمان
======== فيها أحــــــــــــيي جيد غالي قدمته
نجم الأدب ذيب الســــريه بو إسمهان
======== بن يوسف الغالي علـيــنا وصلته
وبعد ترحيبي بمن خــــــــــــلا المكان
======== بالنور زاد أنوار ســــــــاعة هلته
باقول حيا بك عــــــــدد طش المِزان
======== وإعداد ما هل المـــطر من مُزنته
والأن يا بن يوسف إشــرح بإفتهان
======== عن ما جرى في العُر عالي قمته
قمـه على شامخ عجي ما يســتهان
======== قمه بها التـــــاريخ سجل بصمته
بالأمس وافقنا يضـع نقطة أمـــــان
======== وأمن ما قلـــــــــنا يضع به قوته
لكن تمادى ضنه الســـــــاكت جبان
======== وإن أبو يافــــــــــــع طفيه هِمته
ما يعرف إن العُر عنــــوان الكيان
======== ومجد من حـــوله ومصدر عِزته
رسم وخطط حسـب ما قايس وكان
======== أمر النهايه غـــــــير فكرة خطته
والخاتمه جر الهـــــزيمه والهوان
======== وقادر المـــــوقع بيسحب شملته
ولو يكررها جـــــــــــــنانه بالجنان
======== ويا عذابه لو يكــــــــــــرر فعلته
مغرور يبــــحث من يقدم له ضمان
======== يحميه من شعـــبه وقوة سطوته
وشعب أقسم له من الساعه ثوان
======== ما عاد تبــــقي فوق قمة سًلطته
إرحل كفا يا إسم خذ مـــــنا الأمان
======== إرحل كفـــــــــانا شر خاين ذمته
ختمت قيفاني وفي خــــــتم البيان
======== قولوا لبن يوسف يدون حِكمته
ويرد بالصوت الشجي وادان أدان
======== يمكن بصوت الدان تبرد حًرقته
وهذا جوابي
بسم الله الرحمٌــــــــــــن نبدا بالامان
=============بالله ذي لا قــــــــــــوه الأ قوٌته
من مصحف القرآن ندعي المستعان
=============آيات نتليها ونطــــــــــلب رحمته
سُبحان من انزل كتــــــــابه والبيان
=============وقال اقراء واحتكم في حكمتـــه
ثم قال بن يوسف على عرف اللُبان
=============استيقظ الهاجس وهـو في ليلته
وقال جانا ضيف له موقف وشـان
=============وقــــــلت له فوق المفارق بقعته
حيا اليزيدي الف حيا بالـــــــركان
=============وبدع نظــــــم كالشمطري ريحته
با رد لك يا شيـــــخ ورد الاقحوان
=============وعطر روح الروح غالي قيـمته
سألتني عالعــــــر شامخنا المُهان
=============العر اسمـــــــي كيف لي با فلته
فيه اسم جدي فيه فخري والهوان
=============منذو القِدم والعر راجـــــح كفته
لكٌنه التوقيت فاوتنـــــــــي الاوان
=============ولعبة الملعون صالـــح واخوته
يا ليت قاومنا وهاجمنـــــــا زمان
=============من قبل هزات الزلـــل ذي شلته
ليش التسرع يا رفيقــــي بالمحان
=============من قبل ما نحلق لصــالح لحيته
انظُر تعز العز ارض الامتحــــــان
=============واشبال صنعاء كالاسود اتحدته
حتى عدن بتصيح حان الوقت حان
=============قلع الجذور الفاسـده والمحوته
قد هي امامك لونها حمرا تبـــــان
=============ان الملاحم باليمـــن من حيلته
شمسان عندي مثل شامخ كوكبان
=============واي قريه عاصمـــــه لي ثابته
هنا هيى المصداقيه والاكتمـــــان
=============شف تارك اهله مثل تارك ملته
ختمتها بغصان ورد الاقحـــــــوان

=============صلاه تغشى المصطفى يا احبته


مع تحيات
ابواسمهان

ابو اسمهان القعيطي
02-11-2011, 01:10 PM
هرولت يا فالت التاريخ الا حضن شيطــــــــــــان = في جمعة الامتحــــــان

نهار ظلأ السماء تمطر رصاصاً ونيــــــــــــــران = وسُم قاتل دُخــــــــــــان

كان الهدف حرب اهليه وتفريق لوطـــــــــــــــان = حرب البقى والضمـــان

صوٌبت نارك على الابطال ظُلماً وعـــــــــــــدوان = بالنار والهنــــــــــدوان

صدور عاريه تصرخ قالة ارحل فــــــــــــي الآن = خليك هذا الرهـــــــــان

نصيحتي يا علي خُذها ثمينه ومجـــــــــــــــــــان = خُذ من كلامي الحســان

اسحب ذيولك وارحل قبل تسقُط وتهـــــــــــــــتان = وكل فاسد جبــــــــــــان

كفاك قتلاً كفاء يا من على الدم عطشـــــــــــــان = قبل ان يفـــــوت الأوان

اصبحت عاله بقايا دار من دون عمــــــــــــــدان = خطر فلى لك امــــــــان

معاد لك سقف او مدماك عالي وبنيــــــــــــــــان = ولا بطانه تبـــــــــــــــان

فين القوائم وفين السانحه فين لركــــــــــــــــان = فين الجسور المتـــــــان

بنيت دوله كوادرها هساهس وديــــــــــــــــــدان = من العفن والدمـــــــــان

لو كنت انسان كان انشيت دوله لها امتـــــــــان = لها كرامه وشــــــــــــان

ماذا تريده في التاريخ يا قرد تعبـــــــــــــــــــــان = في ذاكرات الزمـــــــــان

فينك من الله هل لك بالملأ قلب انســــــــــــــــان = وهل لك اربع بنـــــــــان

الشعب ثائر غضب في كل ساحه وميـــــــــــدان = وانته لسانك لســـــــــان

اهتزة الارض من حولك زلازل وبركـــــــــــــان = واعقب سُنامي كــــــمان

دمر نظامك وحاشيتك عيالك ولخـــــــــــــــــوان = وكل عاصي مُــــــــــــدان

مكشوف يا من لك التهميش والكذب عــــــنوان = وكل يوماً بيـــــــــــــــــان

نهايتك وارده هذا اليمن ليس دُكـــــــــــــــــــــان = او متجراً للرهـــــــــــــان

شعب اليمن قال لا للحرب في صوت رنـــــــــان = لا للمدافع مكـــــــــــــــان

القهر والظلم في عينك عداله واحســــــــــــــان = والتفرقه لك ظمـــــــــــان

لو امطرة دم والارياح هبٌة بلكفــــــــــــــــــــــان = والنار صارة حنــــــــــــان

ما صدقك عاد يا ظالم ولا فيك إركـــــــــــــــــان = خلاص فــــــــــــات الاوان

ابو اسمهان القعيطي
24-04-2012, 04:54 AM
الاخوان الكرام ،،
السلام عليكم ورحمة الله وبركاته ..
هذا بدع مرسل للشاعر ابو يوسف قاسم القعيطي
قبل عام
وهو يحكي عن الوضع السياسي
وقد توقعنا فيه ان يحكم اليمن شخصية من جنوب الوطن ..
نتمنى ان نرى الجواب او لمن اراد المداخله ..
سلامي ومحبتي
يقول ابو ناهـد فـي بدعـي والكـلام = بـديـت بالله العلـيـم بالخـافـيـات
الخالـق البـاري المـكـوّن لـلانـام = يعلم دبيـب النمـل وامـر الراسيـات
الحـمـد لله والـصـلاه والـســلام = تغشـى رسـول الله بلسم النايبـات
مـن بعـد يالهاجـس تقـدم للامـام = وايقظ بحور الشعر من بعـد السُبـات
جوّب وقـال إبشـر اوصلـك للمـرام = ودي اخاطـب بـه أميـر المُـفـردات
الشاعر اللي هو علـى الحـق إستقـام = كبيـر فـي قومـه بوقـت النايفـات
وصّـل لـه العـوده وعنبـر للمقـام = مقامه اللـي كـا الجبـال الراسيات
يستاهـل الجيـد المحبـه وإحـتـرام = شعرك سكن داخـل فـؤادي والريـات
والورد بانهديه لـك مـن ارض سـام = مخصوص لك يا اللي حملت كُل الصفات
اليوم يـوم العيـد عـادك كُـل عـام = وعاد وطنا الحُـر فـي كُـل الجهـات
سلام لبـن عطّـاف شاعرنـا الهُمـام = فرصـه سعيـده بـا نسجـل ذكريـات
واستسمحـك يالجيـد ويابـن الكِـرام = نشرح عن اوضاع اليمـن والمُشكـلات
قالوا حراك وسط الجنوب ويش الكـلام = قالـوا مطالبهـم والاوضـاع فاسـدات
إن كان صحيح هذا حـرام والله حـرام = وظُلـم ذوي القُربـى اشـد الواقعـات
ردوا وظائفـهـم وشيـلـوا للـجُـذام = إن كان اخي مظلوم فِحُما عـا اللحـات
وإن كان اخي منـي فِيُمسـك للزمـام = وإحنا معاكم فـي الامـور الصايبـات
اخي وهـو لـي درع واقـي والحِـزام = ما اظن يُغدر بـي ويرضـى بالشمـات
وإحنا الجميع اخوان وقد زِلنـا الظـلام = بعد المحبه كيـف بـا نُصبـح فـوات
مطلبكـم اول حـق واليـوم إنقـسـام = بعد التوحـد كيـف نرضـى بالشتـات
والآن سؤالي لك سـؤال مُفـرد وهـام = ايش موقفك ياصنو من تلـك الفيئـات
صلـى عليـك الله ياسـيـد الانــام = مـا يتلـو الانعـام وجـزء الذاريـات


ويـن راح قاسـم إختفـى بـيـن الـركـــام=والـهـم والاحــزان وافـعــال الـطُـغـات
ضـاع الصديـق الـحُـر تــاج الاحـتـرام=وشـاعــر الـوحــدة شـهـيـد الامـنـيـات
مــن مـثـل قـاسـم بالـوفـاء والالـتـزام=نحـو اليمـن رُغـم التـمـزق والشـتـات
ايـن جيـت يامـن كنـت لقمـان والوئـام=كــم نفـقـدك لانـــك مـجـلـل بالـصـفـات
وجــاك ابـــو نـاهــد مـنـاشـد لـلـسـلام=وقـد تـوقـع جــزأ مــن صـيـد الـرُمـات
مـاكــان مـتـوقـع مــعــارك وإحــتــدام=واعـرافـنـا تـسـقـط لتـصـنـع إنــفــلات
ولا الـحـراك يُصـبـح فضيـحـه لـلانــام=يـحــارب الـثــوار والاخــــلاق مــــات
قــد احــرق السـاحـات رفـــداً للـنـظـام=البربري واصبـح مـع الحوثـي خـوات
ذاكــه بصـعـده والجـرائـم لــه جـســام=تفرعنـوا ضـد الوطـن واضحـوا بغـات
فــي ظــل ثــورة شـعـب يمـتـاز اللـئـام=بـالـغـدر والـخـسـه وتلـغـيـم الــرُفــات
توسـعـوا بالـحـرب عـامـاً بـعــد عـــام=مات البشر والارض والمـاء والنبـات
وجـنـدوا لـلـحـرب قـــوه مـــن عـــوام=الـقــوم بـاســم الطـائـفـيـه والـنـجــات
وبـسـم اهــل البـيـت والـغـائـب إمـــام=وأنـهــم اهـــل الـــولاء والـمُـعـجـزات
والثأر مـن كـل العـرب رهـن الحُسـام=بـايـقـتـلــون اطـفـالــنــا والامـــهــــات
يـــا اُمـــة الاســـلام اشــتــد الــظــلام=والجهـل هيمـن فـي التمكـن والثـبـات
والحقـد استسيـد علـى صـوت السـلام=والانتـمـاء لـــلارض والامـــه نـكــات
مـــن اجـــل ذلـــك ياقعـيـطـي مـاتــلام=لـو غبـت مـن بعـد إنتصـار الموبـقـات
دم الجنـوبـي قـالــوا ان الـــدم حـــرام=بــيـــن الـجـنـوبـيـيـن اولاد الــــــذوات
وقـوّمــوا ثــــورة وفـتـنــه وإنـقـســام=وحــلـــلـــوا دم الــشــمــالــي والادات
وعـنـدمـا شــافــوا نــجــوم الالـتـحــام=شـبـابـنــا والـنـاعـســات الــثــوريــات
بصـوت واحــد يسقـطـوا أحـقـر نـظـام=كـل اليمـن هـبـي ومــن كــل الجـهـات
تـقـطـرنـوا ثــــوار تـصـديــر الــكـــلام=وخائـنـيـن الـعـهــد هــــم والـخـائـنـات
واحـرقـوا سـاحـات الابـطـال الـعِـظـام=وقـتّـلــوا احــــرار صــيــره والـبـنــات
وفـي المكـلا فـي عتـق او فــي شـبـام=الـصــدق ابـلــج والجـريـمـة للـعُـتـات
يقـول ابـو صخـر النمـر طـاب المـقـام=في الشعر والاحـزان والنشـرة وقـات
شاركـت ابـو نـاهـد بــروح الانسـجـام=واتممـت إعجابـي وصغـت المـفـردات
لاجـل اليمـن ثُرنـا علـى عهـد الـظـلام=عـهـد العسـاكـر والـخـون والمافـيـات
واتممت غُرمي في وصى عاجل وهام=لـكــل شـعّــار الـيـمــن والـشـاعــرات
تمـتـرسـوا للـمـجـد يـــا احـفــاد ســـام=ومـزقـوا بـالـحـرف اعـــداء الـحـيـات


أبو صخر البنا - محافظة إب - بتاريخ : 19/4/2012م

وهذا جوابي المتواضع على اخواني من شمال الوطن
ابوصخر البناء وابوناهد سلاح الاشاره أتمنى ان ينال اعجاب الجميع
ولكم تحياتي وشكري العميق

يا مرحبا يا من لكم لبداع دام
=========== يا اهل الشهامه يا رفيعين الصفات

الحيد أبهج والمداحي والعجام
=========== واتفتحة أشجاج بعد إلأنكبـــــــــات

مالبرق لعلع وامطرة سود التهام
=========== والسيل سيٌل واصبحة بقعا نبــات

أصل الوفا أهل الكرامه والمقام
=========== رمز الأدب بالقافيه والمُفــــــردات

ماذا عساني قول نتخطا المهام
=========== أنسا مقاتيلي رُحم من مات مـــات

غلطان من قال اننا تحت الحطام
========== بل فوق حارس ساهر اعياني تبات

باقول يا بوصخر ما حاجه رجام
=========== لولا الجنوبي كانكم فيها رفـــــات

منذوا القدم من عهد فارس والامام
=========== وانتم محطة وصل تحمون الهوات

وأسأل أبوناهد سلاح الأقتحام
=========== يقول لي ماذا بقتل الأمُهـــــــــــات

ألأرض تبكي والسماء تبكي اليتام
=========== وانته بتسألني ولا ترعا الهبــــات

قال القعيطي إن بالصبر السلام
=========== إن التصُبر فيه بسمات الحيـــــات

لا تسألني أسألأ اصحاب الخيام
========= عن ارض تعشقها الهساهس والهُفات

إن كنت جنبي با نعد الألتزام
=========== ولأ فيحرم ما لكم فيها بتـــــــــات

مانا مع تفريقها والأنقسام
=========== لكن خايف يوم تصبح ذكريـــــات

أترفعة لنذال فيها والغزام
=========== واتساقطه لبطال واحنا بالفتـــات

طلعه ونزله في شُعبها واللكام
=========== أسلبتنا الطاغيه واصبحنا عُــرات

ما همني يا من لكم غير المرام
=========== يا من تحبون التفُرق والشتـــات

لا مزح بالوحده ولا فيها نجام
========== قد عشت فوق اطلالها باني البُنات

هي حلم آبأي واجدادي القدام
=========== وانا على درب التوحد لا فــوات

أسقيتها دمي ولحمي والعظام
=========== منذوا تسابقنا الا صنعاء حُفات

قد جيت الا عندك نهار الألتحام
=========== واعطيتها أغلا عيالي وألبنات

اكرمتها بالدم من عهد الأمام
=========== ولم أزل ماسك عليها بالثبات

با عيش للوحده ولو كانة رمام
======= باكون ساعدها القوي حامي الحُمات

أسستها تبقأ وتمضي الا الأمام
=========== لكن مواقفكم تشمتها شمات

خنتوا كوادرها وأصحاب القوام
======== حتا القضا عفاش عاقه والقُضات

وكم من الثروات كلتوها حرام
======== سرقتم اموال اليمن والمُنشـــــآت

الا هنا تُختم بأغصان الخُزام
======== ذكر النبي ردوا معيا في الصـــــلات

ابو اسمهان القعيطي
20-01-2013, 07:09 PM
السلام عليكم ورحة الله وبركاته
بعد التحيه ولأعتذار عن بعدي عنكم في منتديات القعيطي
اقدم لكم بدع الصديق الشيخ
ابويافع المعمري وجوابي عليه
وهذا البدع من المعمري قديم قبل سنه وأكثر
ولكن لن أشوفه إلأ الآن


أبويافع يقول الليل طول
========= على السهران والمنضاق حاله


جفاه النوم طرفه ما تكحل
========= وبات الليل ما غمض سباله


أسير الهم بأحزانه مكبل
========= وانا ذي كنت اجزعها سهاله


أحس القلب به مكريب يشعل
========= إذا ابغى ينطفي زاد اشتعاله


وصابر عالثقل ذي له تحمل
========= حمول الميل ذي يرهق جماله


وأتعبني بكثر الحط والشل
========= وجور الحمل فوق الظهر شاله


وذي ظني بهم ما حد تجمل
========= معيا والوفاء ضاعت رجاله


فسل ذيما توقعناه يفسل
========= وقصر والزمن ضيٌق مجاله


ولكن كلما ضاقت لها حل
========= بفضل الله ذي مرسي جباله


ومن بالرزق سبحانه تكفل
========= ومن غيره تضمن بالكفاله


بوجه العبد بابه ما تغفل
========= ومن بالحق يحكم والعداله


وبعد الآن يا عازم توكل
========= ل بن يوسف توصل له رساله


إذا جاء الضيف رحب به وسهل
========= وقاسم للوفاء مدي حباله


قعيطي ما على الأصحاب يبخل
========= وسلم لي على عمه وخاله


وابويحيئ صديق احمد ودهول
========= وابوبشار ذي هو راس ماله


ذي اتخبر عليه دايم وأسأل
========= وخاله نادراً يوجد مثاله


وابويافع من الأصحاب ما مل
========= وابوهمام ذكر الطيب ماله


لهذا البدع يا قاسم تأمل
========= يعبر لك صديقك من خلاله


على اصحاب الوفاء لك باع أطول
========= على الجوده تعود والجماله


وانا باقولها من دون ما أخجل
========= وذكر اهل الكرم ما هي فساله


يعطر ذكرهم سمره ومقيل
========= عسئ من لامني يفقد عياله


قصيرين الشروع كمن مبهذل
========= يضلوا في نظر عيني حُثاله


وتعرفني وانا للذل ما اقبل
========= مثيل البعض ذي عابد رياله


برغم الوقت لي ما ساب مدخل
========= جعلني رهن قيده واعتقاله


وبا نرجع إلى موضوع أجمل
========= ذي اسعدني وهم القلب زاله


من المحبوش عبر الهاتف اقبل
========= بشارة خير يا حيا قبالــــــه


خبر طيب من الاردن توصل
========= يبشرني بسرعه في عجاله


محبينك لكم بارك وأشعل
========= لشمعات الفرح في كل صاله


وربك بالولد والبنت حول
========= وما هو لابن أدم با يناله


دعينا الله والباري تقبل
========= سؤال العبد ما خيب سؤاله


وهل تذكر كلامي لك من اول
========= وقلت الخير أتي لامحاله


كفى والمعمري للبدع كمل
========= بذكر المصطفى المختار وأله


وهذا جوابي المتواضع أتمنئ أن ينال رضأكم



بريح المسك يا حياء من اقبل
========== صديق الجيد حياء الله قباله


ابويافع كما شمسان واطول
========= جبل عملاق شامخ من ثقاله


ذهب صافي عياره ما تبدل
========= بخور العود ينفح من خلاله


بتاج المجد والجوده تدسمل
========= وثيق العهد محمود الاصاله


أتانا من قُدا صنعاء محمل
========= رسالة ود يا خير الرساله


مع أبيات ندب مسك حلحل
========= وابويوسف طرحها فوق شاله


شقر عالراس من شاعر مبجل
========= وابويافع وسط قلبي حلاله


في الجودات ينعم من تجمل
========= ومن مثلي صبر يشرب زلاله


من الجنه عظيم الشان حول
========= بمولودين من عنده حواله


في الستعش بالشهر المفضل
========= سنة الفين وأحدعشر قباله


دموع الفرح عالخدين هشمل
========= ترافقها السعاده والجماله


حمدته ما رعد راعد ونزل
========= صبيب الغيم واتقذت رماله


وبعد الأن هز الفوج واشمل
========= قوافي كيلها الهاجس كياله


بزخات الأوالي والمعدٌل
========= وهجات البرن عند إنفعاله


رجالي حيه الشيخ المأصل
========= وخالي قال حياء في وصاله


وابويحيئ وزين الزين سهل
========= ودهول قال اهلاً بالزماله


وابوهمام اجاء برعه ومزمل
========= وغنه واحجره كمن غزاله


شكيت الهم والوضع المخلخل
========= صُبر يا شيخ خذها بالمهاله


لعل الصبر يوصل من تأمل
========= ومن يصبر وصل غاية مناله


لها حلال في ربك توكل
========= كذا الأيام من حاله بحاله


سفينه عابره طلعه ومنزل
========= وسط بحر الأمل تغطس وجاله


قيادتها الهساهس والقرمبل
========= بقايا من سُفالات السُفاله


بحق اللي نشاء الدنياء وعدل
========= هواها في شموسه والظلاله


وأنشاء الحي والميت وسهل
========= من الأرزاق كلن في مجاله


بأن يرفع شكيت من توسل
========= ويسمع دعوة الداعي وما له


وينهي كل متقطرس مخول
========= من اصحاب الفخامه والجلاله


ويجعل منهم مكريب يشعل
========= جهنم من لهب تشعل شعاله


انا سالك وغيرك من لي اسأل
========= تحرر شعب أمن بالرساله


بنظره عاجله يا مالك الحل
========= وعهد القهر با نطوي حباله


لأن الظلم راسب ما تململ
========= وحاكمها قذر يحكم جهاله


مسكها غصب ما حرم وحلل
========= يقول الأرض ملكه والسماء له


بهذا القدر تُختم بالمرٌسل
========= حبيب الله واصحابه وآله

ابو اسمهان القعيطي
17-02-2013, 01:29 PM
اخواني واولادي في نادي القعيطي
اليكم ابياتي المتواضعه
مع خالص تحياتي



نبدء بمن قال أقراء واستمد
============ سلطان يكشف مددها والحدود


سبعاً بسبعاً رفعها واعتمـــد
============ أسرارها أسرار للخالق تعود


من استند قال بن يوسف نجد
============ ومن تعلم عرف كيف الصعود


ومن بعد عن كتاب الله بعــــد
============ يموت موت البهائم والقـــرود


دينه تجرد وفي ربه جحـــــــد
============ مجهول لا قُرب عنده او بعــود


من اتجه فوق في علمه رصد
============ علم الفلك والكواكب والوجود


العلم إيحاء من وحي الصمـد
============ من يعشقه فاز جنات الخلــــود


سيف الكمالات له قيمه وحد
============ يتملكوه النصارا واليهــــــــــود


أقراء في العلم مفتاح العقد
============ وفيه كسر الحواجز والقيــــــود


قال ابن عطاف من قلبه نهد
============ أبكي سنوات عُمري والعقــــود


فاقد وطن والأمل حمل وشد
============ على ركــاب التماطل والركـــــود


الجهل شدد وطغيانه حشــــد
============ أفكار متلونه حمراء وســــــــود


ياليت بالدمع حقاً يُستــــــرد
============ وليت إن الأماني با تجــــــــــــود


أو الأمل يوم يعطيني سنـــد
============ من مات يحرم على الميت يعود


الجهل ماسك بحلقي والغدد
============ وفي شرايين قلبي له حشـــــــود

ابو اسمهان القعيطي
25-03-2013, 08:30 AM
أخواني وأولادي الكرام في هذا الدار الشامخ
شامخ الفرسان أبناء القعيطي
ولو أنه ضعف هذا الموسم ولكن با يعود بأذن الله
اليكم بدع الشاعر القدير
الحبيب ابى اشرف الشرفي
وجوابي عليه

انا إن بدر مني غلط .بادرت اصحح غلطتي
==============وإذ جاء من غيري سخط . أخشى أكرر غلطته

افضل لي اتحفظ وانا . قادر اثمن كلمتي
====================والغير يتوعظ هُنا . كلاً يثمن كلمته

فالكلمه الحلوه عسل . والله عالم نيتي
===================والود يبقى له وسل . كلاً يصفي نيته

والآن يا الهاجس لما . احرمتني من لذتي
===================وامسيت ساهر مثلما. محروم فاقد لذته

انا حسين اليافعي . وهاجسي من فطرتي
==================هاجس مشاكس واقعي . كلن بيعرف فطرته

ناوي يدون هاجسي.ابيات تحكم خبرتي
====================تُهدى بنفح النرجسي . لمن سبقني خبرته

ابى اسمهان المرتجز .ذي بحسبه ضمن اخوتي
===================شاعر ولا عمره عجز . ايضن مقدر لخوته

اهديه نفحات العبير. وأظهر بكامل نخوتي
===================واعطية مما يستخير.كريم بعرف نخوته

والساع قم يا طارشي . بادر معي في سرعتي
==================سرعه تفوق الباتشي . كالبرق ابيها سرعته

توصل لشاعر محترف .يعرف يعالج علتي
=====================ما ضن رايه مختلف .لو علتي من علته

أبى اسئله عن وضعهم.هل به شبه من غربتي
=================دام إن واشنطن لهم . موطن ابى اعرف غربته

هل العرب مثل العجم.غض النظر عن لهجتي
==================عن التعامل والحكم. ما باسالك عن لهجته

وريد رايك عن حوار.صنعاء وناهب ثروتي
====================هل ياترى هذا الحوار.يظمن لكلاً ثروته

وتعود عاصمتي عدن.ِإنِعم بما في بلدتي
===================وصنعاء عاصمة اليمن. كلاً يعد لا بلدته

من بعد استيلا ونهب.عابث معكر عيشتي
=====================الله يدمر من نهب.ارضي يعكر عيشته

حوار مشكوك النجاح.احرس فقط لي جربتي
=====================قالو اذا شفت الرباح. الكل يوبه جربته

والشعب كله قد خرج. يهتف لعوة دولتي
=====================مالآن قد لاح الفرج.والحر يحمي دولته

ما عاد بالوحده امل.حاولت خيب حيلتي
=====================اتقنت وحسنت العمل.ودرج عليا حيلته

خبثه غلبني والعدد.ونكر كياني وملتي
=======================استغفره واحد احد.ادخل لمبدا ملته

ما اسكت على حقي يضيع.افقد ثوابت هيبتي
====================وضمّــد الجرح الوجيع. لنسان فاقد هيبته

سكت متحمل سنين.يمكن يراعي عشرتي
================صبرت ع الجرح الحزين.شفت الاسئ من عشرته

وكنت بهتف من زمان. اللهُ اكبر وحدتي
===================بس الاسف ظاع الامان.وآخر حسبها وحدته

واليوم بتقطع آلم.زادت بقلبي حسرتي
====================مقهور انا كلي ندم.شعبي معاصر حسرته

شكيت وشكو من ضرر.وذكر مقوله جدتي
===================وحده بها اكبرر.ضرر.وصى وصي من جدته

وريد شورك ياحكيم.هذا لقلت حكمتي
==================عن وضع متدهور هشيم. ما امن لقدرت حكمته

ما اضن وحدة تستمر.وعيد احكي قصتي
======================لجيل بعدي ينقهر.من ذي روى له قصته

ولا أمن بحكم الفدرله.فيها اكرر غلطتي
=======================اعطيه لولا لوله . فرصه يكرر غلطته

وصير محبوس الاسئ.فاقد لاخر فرصتي
=====================قدمتها لخصمي وسئ. يكسب باخر فرصته

اوعض معيا يافتى. اريد ابرئ ذمتي
=======================الشعب كامل قد نوى.و علن يبري ذمته

وذكر محمد مانطق0.وقال هذه امتي
=======================رباه وارحمها بحق .حامل رسالت امته

وهذا جوابي على الحبيب الشاعر القدير ابى اشرف الشرفي
مع أعتذاري لضيق الوقت

ليت الهُرا والفلسفه بالقات يرفع شيمتي
================ والشطح والتفريط يحفظ للمدحق هيبته

شعب اليمن مشلول لا حياً ولا انه ميتي
================ مُصاب في أمراض أضعفته وشلة قدرته

على مداكي القات نتفلسف على ما لا يتي
================ ندعي إلا الباري يبادر ما لنا ألا نظرته

ما لليمن غيره وانا نحوه أوجه دعوتي
================ أرفع له الكفين أن يجمع يمناء وأُمته

في لوحة التاريخ كانة لا تُقارن قمتي
================ واليوم حاكم قزم فرٌقها ليبني ثروتــــــه

عن ساير الأحداث أسرد بالقاوفي نيتي
================ تسمعني إلأحياء إذا في احياء بأُمه ميته

بين الهلع والخوف والإحباط أكتب صفحتي
================ عيني تشوف الظُلم لاكن كيف اسقِط كفـته

دون التكاتف يا جماعه سوف تظعُف همتي
================ نروح في أدراج فوظه من دخلها صفتـــــه

أحمل سلاحي كيف والمقتول من يا أخوتي
================ من يقتل النفس البريأه غير فاقد ملتــــــــه

هربت لاكني أعاني من مواجع هربتـــــي
================ شيبتني الغربه وسط عالم حصدنا نعمتــــه

برغم ستر الحال فكري مرتبط في ديرتي
================ ما يوم يجزع دون ما اتذكر عدن أو ديرتــه

والآن يا مرحب قوافي رادفة لي نهدتي
================ وبردة مكريب تشعل بالسويدا كربتــــــــــــه

حيا ابواشرف وما قاله دوء في مُهجتي
================ كرع على قلبي طفي نيران كانة شلتـــــــــه

باجاوبك يالجيد من أفضل وأروع نُخبتي
================ أرجوك تسمعني وخله كل شي في بقعتــــه

لا تلحق الفاشل إذا نادي تبنوا خطوتي
================ واتجنب المغرور واحذر من يفلت حزمته

أيضاً ولا تقبل نصيحه من مبهذل مفلتي
================ يهرب إذا اشتده ويتخلا ويترُك شِلتــــــــه

ضاعة رجال الحق والباطل كسر لي رُكبتي
================ منذوا الإمامه واليمن فوظى مبدل حكمته

في عهد صالح قامة الوحده وزادة عزلتي
================ أتسيطر الفاسد على شعباً بكامل ثروتــــه

الجاهل الحاقد سرق أرضي ودنس تُربتي
================ والجار بسم الدين والإرهاب شدد هجمته

ذي كنت انا سيده وهو جزار ولأ مقوتـــي
================ هدد كياني واصبح الأستاذ يطلب لقمتــــه

في ظل هذا الوضع باحدد وبطرح رؤايتي
================ عسى الملى يسمع وكلن ينتسب حريتــه

في مجلس الشعار ضاعة بالمواهب بسمتي
================ سخرتهم كامل وما يبدوه نفسي ملتــــــــه

أمثال ابوفهمي وابورعد القطنه كُرهتــــي
================ والمشألي بوقيس والمحبوش بكره طلتـه

والذيب والأشول صراحه فجروا لي كلوتي
================ ما منهم شي خير لو كلن صدق في كلمته

إلى هنا اتوصلت ندعي الله يرحم امتي
================ تمت بسيد الخلق من فضل بساير أُمتـــــه

ابو اسمهان القعيطي
04-09-2013, 06:43 PM
مني الدُعا والله له ما يريد
========== سُبحان من ذكره شهاده

من حكمته نزٌل بخلقه وزيد
========== عبيد في الدنيا وســـــاده

واوجد بها مهزوزها والركيد
========== أوطا السيٌل وأعلى سناده

هي هكذا الدنيا خساره وفيد
========== كلن بيسحبها فــــــــــراده

يارب سالك أن تجير الوحيد
========== أن تبلغ الصابر مُـــــراده

أنت المحامي والحكم والشهيد
========== عبدك بسط نحوك سجاده

قال ابن يوسف دمع لعيان شيد
========== عالخد شلالات ســـــــاده

فتره طويله نوم لعيان حيــــــد
========== هرٌب ويحرم شهــر زاده

ياليت بالآمال لي ما أريــــــــد
========== ليت الأماني يوم جـــــاده

وكلما اتمنيت يصبح أكيـــــــد
========== لكان في القصه زيــــاده

الصبر نعمه والقناعه رصيد
========== وبسمته عندي سعــــاده

لو يطلُب العينين با قول زيد
========== جباك روحي والسيـــــاده

يعينك الله يالجمال الفريــــــد
========== يا بدر نورني سُهــــــــاده

سبحان من أبدع جمالك وجيد
========== وردي ولك نفحات نــــاده

الله يرفع دمعته والنهيـــــــــد
========== أنا اسأل الله في عبـــــاده

إنه نظر عيني ودم الوريـــــد
========== وتاج راسي والقـــــلاده

فرحي إذا انضاقه ودربي السديد
========== وظواء ليلي في ســـواده

أنته بعيني عرش ماله نديــــــد
========== كوكب على المُريخ زاده

كتبت لك بالدمع أجمل قصيــــد
========== أبيات من قلبي شهـــــاده

ابو اسمهان القعيطي
09-10-2013, 10:40 PM
على بساط الرشيقه بالهوا أنس
========== عاشق وقع في غراماً كلفه رأسه

بحُب تلك الخليقه ظاع واتفلس
========== مع العشيقه خُسر لوله وألماسـه

في عقدها أحتبس مجنون واتعرس
========== في ظرف ليله جميله تم جلأسه

سلٌبته الشال والدسمال والملبس
========== كامل مع الدار والوادي وحرأسه

راسين في جسم والقاضي بهم هجرس
========== في لُغز يصعب على المفتين خلأسه

قال إبن عطاف ذي بالقافيه درس
========== الشعر إخلاق له بُعده وله ناسه

قلبي تحسس وعقلي نقشها هندس
========== أنا حليف القلم والحرف واقواسه

هاجة شعوري وجوفي باح واتنفس
========== دُر القوافي وراسي دقة أجراسه

على سطور الورق بن يوسف أتهجس
========== وأنتزع دُره المكنون من بأســــــه

الشعر حساس من لى يفهمه يُخرس
========== بالدم يجري يمُر القلب واحساسه

لا يطرح الشعر إلأ من به أتمـــــــرس
========== أساس واركان يا من تعرفوا كاســه

أنا الذي لو سمعت الفن بتهنجس
========== بسلى مع العود والإيقاع وأناسه

مالي ومال الذي في جهله أتسيس
========== يبيت سامر مع الشيطان واجناسه

على المداكي حداً يفتح وحد ريٌس
========== وذي كسر خاطري أذيال خناســه

وأحد بصنعاء بثوب الوحده أتلبس
========== وخوه داخل عدن بيحٌد أمواســـــه

تظليل قاتل لشعباً بالولاء أسس
======== بنيان بالطوب خارب من طلع داســـــه

ابو اسمهان القعيطي
09-10-2013, 11:48 PM
بدع من الغالي والصديق
وايل حزام الوايلي الموجه الا الأخ ابومحسن عويضان ولي
وكان هذا جوابي أتمنئ أن ينال أعجابكم
الى البدع من الوايلي


ياعم محمد أمانــــه قلنا كيف أنت
وأيش الأحـــوال الأخبــــار طمنّا

وانت يابو اسمهان اليافعي لاهنت
بالله قلّي عــــن أخبـــارك وخبّرنا

والله مــــا مثلكم نفسي لهم حنّت
حتى فؤادي لكم فـ الحب أستثناء

بعدت مجبور منْكم دون ما استأذنت
حكم القدَر يا كــــرام القوم أبعدنا

ما اليوم يمكن نعاود ربما ماأعلنت
للآن عــــن موقفي ؟ لاكنّي أتمنى

إن غبت مرغوم يكفي أنني كوّنت
حبي لكم طــــول ما كنتم وما كُنّا

يا أرشد الناس من شوقي لكم دوّنت
أبيات سائل لــمعنى الــــردّ يتعنى

لا وين يــــا سادتي أوضاعنا عنَّت
ما زلت في رأيكم يااحبابي أتغنى

معنى التحايد وكلمة حق ذي منّت
على اليمن وأهلها بالخير ذي أغنى

في ضل دعـــوات شطريّه لها جنّت
عقول بعض أخوتي من هول ما أضنى

لو طيبت النفس في مدح اخوتي مااثنت
ماكنت حاسبت لحـــظه قربهم مِـــنّــا

لاكنني أعشـــق الأُلفه كما لـــو كنت
أحيا معاهم نَـفَــسْ إذا أنقطـــع أفنى

مـا خنت عهدي وربي شاهدي ماخنت
ياعم عـــويضان ياابـــو اسمهان إنّـا

على عهود الآخاء عهد الوفاء ذي صنت
مـــن يوم مـــا الله أوجدنـــا وجمّعنا

هذه الحقيقه وما هو قول عبر النّت
لا سيما الكذب هذا الوقت يغمرنا

ما كان الأحمر من الواني وما لوّنت
كلاّ ولا البيض أو مـــن شابه مِـنّــا

عـــن موقفي منهـــم ياأحبابنا بيّنت
لو ينطق الصخر يمدح موقفي وأثنى

ماكان ذنبي سوى أني فـ الهوى أدمنت
هوى جنوبي شمالي كـــم به أتغنى

ياما بأللحان شعري للوطن دندنت
والفقر قيده بساقي .. ملتوي أضنى

على الضلام المهمين عشت ما لعّنت
أحييت شمعة أمل أهوّن من اللّعنا

عـــزاي أن الحياه الفانيـــه سنّت
لِــذَّات .. عن دارنا الأخرى تبعّدنا

يافقر ما كان عيبي فيك حتى أنت
مـــا العيب إلا بـــأن نعبث بألفتنا

والغرب ما الغرب إن شاف اليمن حنّت
من وضعها ،، حنّت أطماعه لـــموطنا

يمطـــر عليها بدولاراتهـــم والسِنْت
والقصـــد والله مـــا غيره "يفرقنا"

بـــوابة العُـــرب لو تفتح لهـــم هنّت
وبـــاركـــت لـ إمتداد الـــغرب يتهنى

ياأحبابي إستوطِنوا شملي كماأستوطنت
فـــي شملكم صف واحـــد من يشتتنا

عدوّنا مـــن خططْه اليـــوم استمكنت
يخـــرص إذا رام فـــي تفكيك وحدتنا

أخطيت بالأمس مااليوم العظيم أحسنت
فـــي ذمـــة الله مـــاضي راح قسّمنا

يابواسمهان أنــت لايخفاك أنـك أنت
فــاهم مــرادي كمـــا بو فضل يفهمنا

عهدتكم أهل لـــي نفسي بكم ضنّت
بـــل آمنت أنـــكم للوحـــده الــمعنى

بـــدعي إليكم وفي رد الجواب أيقنت
والــمعذره عـــن زلل يـــا سادتي منا

صلاة ربي أحمـــد مـــا السُحب شنّت
وآل بيتـــه وصـــحبـــه تبلـــغـــه عـــنّا


وهذا جوابي المتواضع


حيا الله الوايلي ما امزانها طلٌت
======= رذاذ من جوف سود إسحابها شنأ

سهول يافع ترحب والقمم غنٌت
======== ورحب الورد بالوديان والحنأ

حيا بقيفان تحت أكنافها كنٌت
======= شعور شاعر نظم فيها وأتعنأ

طبع الإسود الذي باوكارها حلٌت
======= تنهم إذا اتذكرت تحزن وتِحزٌنأ

الوايلي نجم غيٌب بالسماء قنٌت
======= واليوم اجا وصله المحتوم شرفنا

وبعد ذا الحين أفواج الأمل هلٌت
=======ورافقتها الأماني والفرح غٌنأ

فرصه وليت الفرص للراقد إتأنت
======= نمنا وظاعة فرٌصنا عندما نمنا

أقلامنا دوٌنة بالحبر واتغنٌت
======= أوقات بتشلنا واوقات تطرحنا

البدر قادر وشمس الظُهر أتخلٌت
======= والظُلم صادر أمل كنأ توقعنا

أختل ميزانها واركانها أختلٌت
======= وأصبح الكذب مبدء ذلٌ كفتنا

وحده ولكنها اهتانة وأنذلت
======= وذي اسقطوها ثلاثه ليس هم منأ

حملتها فوق أكتافي وما أشتلٌت
======= أضعفتني للأسف والصبر أتعبنــــــا

سالم خذلها أسف محزامها فلٌت
======= عاريه في خبت مظلم دون يشعرنا

والعم صالح قتلها بعدما ثبُت
======= توقيع تشهد على ما فيه خالتنا

أما ابن لحمر زقرها غصب واتعنٌت
======= والجار جزار متحظٌن بُنيٌتنـــــــــا

زرع شياطين بسم الدين أتغنٌت
======= أوقات بتبيعنا واوقات تكسبنا

إضعافنا أمر تعمل فيه ما ملٌت
======= منذوا القدم كل ما نطلع تنزلنا

والقاعده قاتله وسيوفها سنٌت
======= سيوف من أجل نقتلها وتقتلنا

والحوثيه من قُداها حربها شنت
======= والغرب يسعا إلى تفريق أمُمتنا

والشله الفاسده تظهر وتتكفت
======= تترغب النعجه العرجا متا تفنا

أحلام جدي وابي بالذاكره ظلٌت
======= يا ليت ما كان أمسي أمس أو كنأ

ماتة نجوم اليمن واحلامنا كُلٌت
======= أتساقطه وإنتهت في ظِل وحدتنا

إلأمر لله هو ذي رحمته شلٌت
======= واتكفلت أمر من بالكون مستنا

كانة لي اصحاب كم راحة وكم ظلٌت
======= دمعي على من قُتل مثل المطر دنأ

قال إبن عطاف نفسي منكم ملٌت
======= يا شلت الويل يا جُمله بلا معنا

لو كان بيدي لكان المشكله حُلٌت
======= وكان شعب اليمن بالخير يتهنأ

وكان حكامنا خلف الحلق حلٌت
======= أقطع رقاب الذي قامو بخُذلتنا

ختامها في شفيع الخلق بالجنت
======= صلوا معيا جماعه يا أحبتنــــا